١ واریحایە گیروب ایچندن كچر ایكن٢ اشتە زكا اسمندە باش كمر كجی وزنكین بر ادم بولنوب ۔ ٣ عیسانڭ كیم اولدیغنی كورمك استدی ایسە دە بویی قیصە اولد یغندن خلقك چوقلغی سببیلە قادر اولمادی ۔ ٤ و ایلرو سكردوب انی كورمك ایچون بر جمیز اغاجنە چیقدی زیرا اورادن كچە جك ایدی ۔ ٥ عیسی دخی اول محلە كلدكدە یوقاری باقوب انی گورمكلە اڭا ای زكا چابك اشاغی این زیرا بوكون سنڭ خانە كدە قالمە م لازمدر دیدی ۔ ٦ او دخی چابك اشاغی اینوب مسرّتلە انی قبول ایتدی ۔ ٧ و جملەسی بونی كورد كدە كناەكار برادمك خانە سنە مسافر اولمق ایچون گیردی دیو سویلندیلر ۔ ٨ وزكا طوروب ربە افندی اشتە مالملك نصفنی فقرایە ویر رم وكیمە افترا ایلە غدر ایتدم ایسە درت مثلنی ادا ایدرم دیدی۔ ٩ وعیسی اڭابوكون بو خانە یە خلاص گلدی چونكە بودخی ابراهیم اوغلیدر ۔ ١٠ زیرا ابن الانسان ضایع اولانی ارایوب خلاص ایتمكە گلدی دیدی۔١١ وانلر بوشیلری ایشیتمكدە ایكن كندیسی اور شلیمە یاقین اولدیغی انلر دخی ملكوت اللە فی الحال ظەور ایدە چكنی ظن ایتدكلری ایچون تكرار بر تمثیل سویلیوب دیدیكە ۔ ١٢ براصلزادە برحكمدارلق صلاحیتنی آلوب عودت ایتمك اوزرە اوزاق بر دیارە عزیمت ایتدیكندە ۔ ١٣ اون نفر بندە سنی چاغروب انلرە اون مناویرە رك بنم عودتمە دكین تجارت ایلیكز دیدی ۔ ١٤ اما اُنڭ ەمشەر یلری اڭا بغض ایتمكلە بونڭ اوزریمزە حكمدار اولمسنی استمیز دیمك ایچون آردنجە وكیللر كوندردیلر ۔ ١٥ وحكمدارلق صلاحیتنی آلوب عودت ایتدیكندە كیمك نە تجارت ایتدیكنی بیلمك ایچون آقچە یی ویر مش اولدیغی بندەلرینك كندی یاننە چاغرلمسنی امر ایتدی ۔ ١٦ وبرنجیسی یاقلاشوب افندم سنڭ مناك اون منا قزاندی دیدی ۔ ١٧ اودخی اڭا آفرین ایو بندە اك جزی شیدە صادق بولندیغك ایچون او شهر اوزرینە حكومتك اولسون دیدی ۔ ١٨ و ایكنجیسی گلوب افندم سنڭ مناك بش منا قزاندی دیدی ۔ ١٩ وبوكادخی سنڭ دە بش شهر اوزرینە حكومتك اولسون دیدی ۔ ٢٠ ودیكر بری گلوب افندم اشتە برمندیل ایچندە حفظ ایلدیكم سنڭ مناك ۔ ٢١ زیرا سرت بر ادم اولدیغك ایچون سندن قورقدم ۔ سن قوما دیغك شئی آلورسین واكمدیككی بیچرسین دیدی ۔ ٢٢ او دخی اڭا ای یراماز بندە سنی كندی آغزكدن حكم ایدرم سن بنم قوما دیغم شئی آلوب اكمدیكمی بیچن سرت برادم ایدوكمی بیلور ایكن ۔ ٢٣ نیچون بنم اقچە می صرافلرە ویرمدك بن دخی كلدیكمدە انی فاءضیلە تحصیل ایدر ایدم دیدی۔٢٤ واورادە حاضر بولنا نلرە اندن منایی آلوب اون مناسی اولانە ویركز دیدی ۔ ٢٥ (واڭا ای افندی اُنڭ اون مناسی وار دیدلر )٢٦ زیرا سنرە دیر مكە هر كیمك وار ایسە اڭا ویر یلور و كیمك یوق ایسە اولانی دخی كندیسندن آلنە جقدر ۔ ٢٧ اما اوزرلرینە حكمدار اولمە می استمیان دشمنلرمی بورایە كتوروب حضور مدە قتل ایدڭز دیدی۔٢٨ وعیسی بوشیلری سویلد كدنصڭرە اور شلیمە چیقمق اوزرە ایلرو كیتمكدە ایكن ۔ ٢٩ زیتون طاغی دینلان طاغك قربندە واقع بیت فاجی ایلە بیت عنیایە یاقلاشدقدە شاكر دلرندن ایكیسنی كوندروب دیدیكە ۔ ٣٠ قارشودە كی كویە كیدكنر و ایچنە كیردیككز كبی اوزرینە اصلا برادم بینمە مش باغلو برصپا بولورسكز انی چوزوب گتورڭز ۔ ٣١ واكر بركیمسە سنرە نیچون چوزیور سكز دیو سؤال ایدر ایسە اڭا بویلە سویلیكز یعنی افندی یە لازمدو دیە سكز ۔ ٣٢ كوندریلانلر دخی گیدوب كندیلرە دیدیكی كبی بولدیلر ۔ ٣٣ وصپایی چوزرلر ایكن صاحبلری انلرە صپایی نیچون چوزیور سكنر دیدیلر ۔ ٣٤ انلر دخی افندی یە لازمدر دیدیلر ۔ ٣٥ وانی عیسانڭ یاننە كتوروب كندی البسەلرینی صپانڭ اوزرینە آتە رق عیسایی بیندردیلر ۔ ٣٦ واوكیدر ایكن البسەلرینی یولە دوشرلر ایدی ۔ ٣٧ وەمان زیتون طاغنك اینیشنە یاقلاشدیغندە شاكردلرك بتون جماعتی كوردكلری معجزەلرك جملەسی ایچون مسرور اولە رق یوكسك سسلە اللهە حمد ایتمكە باشلایوب٣٨ ربك اسمیلە گلان ملك مبارك اولسون ۔ سمادە سلامت واك یوجەلردە حمد اولسون دیرلر ایدی ۔ ٣٩ و خلق ایچندن بعض فریسیلر اڭا یا معلم شاكردلركی تعزیر ایلە دیدیلر ۔ ٤٠ او دخی انلرە جواباَ سنرە دیر مكە بونلر سكوت ایدرلر ایسە طاشلر ندا ایدە چكلر دیدی۔٤١ ویاقلاشدقدەشهری گورمكلە اُنڭ اوزرینە آغلایوب٤٢ كاشكی سن دخی باری سنڭ بوكونكدە سلامتكە متعلق اولان شیلری بیلە ایدك ۔ شمدی كوزلر كدن نەان اولدی ۔ ٤٣ زیرا اوزركە كونلر كلە جك كە دشمنلرك مترس چكوب سنی احاطە ایدە رك هر طرفدم تضییق ایدە چكلردر ۔ ٤٤ وسنی هم درونكدە اولان اولادكی خاك ایلە یكسان ایدوب سندە طاش اوزرندە بر طاش براقمیە جقلر چونكە زیارتكك وقتنی بیلمدك دیدی۔٤٥ وھیكلە گیروب ایچندە اخذو اعطا ایدنلری چیقارمغە باشلادی۔٤٦ وانلرە خانە م عبادتخانە در دیو یازلمش ایكن سنر انی حرامیلر مغارە سی ایتدیكز دیدی۔٤٧ وەركون هیكلدە تعلیم ایدر ایدی لكن باش كاەنلر و علما ایلە قومك رئیسلری انی هلاك ایتمكە فرصت ارارلر ایدی ایسە دە٤٨ ایدە جك بر شی بولمازلر ایدی زیرا بتون خلق انی دیكلە مكە پك مقید ایدی۔