١ واول كونلرك برندە عیسی هیكلدە خلقە تعلیم ایدوب بشارتی تبشیر ایدر ایكن باش كاەنلر وعلما ایلە اختیارلر برلكدە اوزرینە گلوب اڭا خطاباَ ۔ ٢ بونلری نە صلاحیتلە اجرا ایتدیككی یا خود بوصلاحیتی سكاویرن كیم ایدو كنی بزە سویلەدیدیلر ۔ ٣ وانلرە جوابَا بن دخی سنرە برشی سؤال ایدە یم ۔ ٤ یحیانڭ وافتیزی سمادنمی یوقسە انساندنمی ایدی بكا سویلیكنر دیدی ۔ ٥ انلر دخی بری بری ایلە مذاكرە ایدوب اكر سمادن دیسە ك یا نیچون اڭا اینا نما دیكز دیە جكدر ۔ ٦ واكر انساندن دیسە ك بتون خلق بزی طاشلار زیرا یحیانڭ پیغمبر اولدیغنە قانمشلر دیدیلر ۔ ٧ ونرەدن اولدیغنی بیلمیز جوانبی ویردیلر ۔٨ وعیسی انلرە بن دخی بونلری نە صلاحیتلە یا پدیغمی سنرە سویلمم دیدی ۔ ٩ وقومە بوتمثیلی سویلمكە باشلادی برادم برباغ دیكوب انی باغجیلرە تسلیم ایدە رك خیلی زمان غربتە كیتدی ۔ ١٠ وباغك محصولندن ویرملری ایچون موسمندە باغجیلرە برقول كوندردی اما باغجیلر انی دوكوب بوش كوندردیلر ۔ ١١ وتكرار دیكر برقول كوندردی اما بونی دخی دوكوب حقارت ایتدكد نصڭرە بوش كوندردیلر ۔ ١٢ وتكرار اوچنجی اولە رق برینی دها كوندردی اما انی دخی یارە لایوب طیشاری آتدیلر ۔ ١٣ وباغ صاحبی نە یاپە یم سوكیلو او غلمی كوندرە یم بلكە انی كورد كلرندە اڭا حرمت ایدرلر دیدی ۔ ١٤ باغجیلر ایسە انی كورد كلرندە بری بری ایلە سویلشوب بو وارثدر میراثك بزە قالمسی ایچون كلكزانی اولدرە لم دیدیلر ۔ ١٥ وانی باغدن چیقاروب اولدردیلر۔ ایمدی باغ صاحبی انلرە نە یا پە جقدر ۔ ١٦ گلوب بو باغجیلری هلاك ایدە جك و باغی بشقەلرە ویرە جكدر دیدی وانلر ایشیتد كلرندە حاشا دیدیلر ۔ ١٧ وانلرە نظر ایدوب ایمدی یاپوجیلرك رد ایتدكلری طاش كوشە طاشی اولدی دیو یازیلمش اولان نە در ۔ ١٨ هر كیم اول طاش اوزرینە دوشر ایسە پارە لنە جك واو كیمك اوزرینە سوشر ایسە انی ازە جكدر دیدی ۔ ١٩ وباش كاھنلر ایلە علما بوتمثیلی كندیلر ینك حقندە سویلدیكنی اكلا ملریلە اول ساعت انی دردست ایتمكە فرصت ارادیلر ایسە دە قومدن قورقدیلر۔٢٠ وانی كوزلیوب حكومتە و و الینك الیە تسلیم ایتمك اوزرە انی بر سوز لە دوشورمك ایچون صالح صورتندە اولان جاسوسلر كوندردیلر ۔ ٢١ واڭا سؤال ایدوب ای معلم بیلور زكە طوغری سویلیوب تعلیم ایدوسین و خاطرە با قما یوب اللهڭ طریقنی حقیقت اوزرە تعلیم ایدرسین ۔ ٢٢ بزە قیصرە خراج ویرمك جائز می یوقسە دكلمی دیدیلر۔٢٣ او دخی حیلەلرینی فەم ایتمكلە انلرە بنی نیچون تجربە ایدیورسكنر۔٢٤ بكا بر دینار گوستر كز اندە اولان صورت ایلە یازی كیمكدر دیدكدە قیصرك دیو جواب ویردیلر ۔ ٢٥ وانلرە ایمدی قیصرە عائد اولانی قیصرە واللهە عائد اولانی اللهە ادا ایدڭز دیدی ۔ ٢٦ وانلر قومك حضورندە انی سوزلە طوتمغە قادر اولمایوب اُنڭ جوابنە تعجّب ایدە رك سكوت ایلدیلر۔٢٧ وقیامتی انڭار ایدن صدوقیلر دن بعضیسی اُنڭ یاننە گلوب اڭا سؤال ایدە رك ۔ ٢٨ ای معلم موسی بزە اكر بركیمسە نك قارند اشی اولادسنر وفات ایدر ایسە زوجە سنی قارنداشی آلوب قارنداشنە ذرّیت پیدا ایتسون دیو یازمشدر ٢٩ ایمدی یدی قارنداش وار ایدی ۔ وبرنجیسی برقاری آلوب اولادسنر وفات ایتدی ۔ ٣٠ واول قاری یی ایكنجیسی آلوب بودخی اولادسنر وفات ایتدی ۔ ٣١ واوچنجیسی و ەكذا یدیسیدە انی آلوب اولاد براقمایە رق وفات ایتدیلر ۔ ٣٢ و جملە سند نصڭرە قاری دخی وفات ایتدی ۔ ٣٣ ایمدی قیامتدە انلردن قنغیسنك زوجە سی اولور چونكە یدیسنك زوجە سی اولدی دیدیلر ۔ ٣٤ عیسی دخی انلرە جواباَ دیدیكە بو دنیانڭ اولادی اولنوب اولندر یلورلر۔ ٣٥ اما اول دنیایە واولورك قیامتنە نائل اولمغە لایق اعتبار اولنانلر نە اولنورلرنە دە اولندر یلورلر ۔ ٣٦ زیرا آرتق وفات ایدەمزلر چونكە ملكر ایلە مساوی اولوب اولاد اللە درلر مادامكە اهل قیامتدرلر۔٣٧ اما موسی دخی چالی فقرە سندە ربە ابراھیمك اللەی واسحقك اللەی ویعقوبك اللەی دیمسیلە اولولرك قیام ایدە جكنی بیان ایتمشدر ۔ ٣٨ اللە ایسە اولولرك دكل اما حیاتدە اولانلرڭ اللەی در زیرا جملەسی اڭا دیری درلر ٣٩ وعلمادن بعضیسی جواب ویروب یا معلم كوزل سویدك دیدیلر ۔ ٤٠ وآرتق اڭا برشی سؤال ایتمكە جسارت ایدە مد یار۔٤١ وانلرە مسیح نصل داودك اوغلیدر دیرلر٤٢ داود كندیسیمزامیر كتابندە ۔ ٤٣ رب ربمە بن سنڭ دشمنلركی ایاقلركە باصامق ایدنجە یە دك صاغمدە اوتور بیوردی۔٤٤ ایمدی داود اڭا رب تسمیە ایدرایسە نصل اُنڭ اوغلیدر دیدی۔٤٥ وبتون قوم ایشیدر ایكن شاكر دلرینە دیدیكە٤٦ ككش البسە ایلە كزمك استیان و چارشولردە سلاملانمغی و سناغو غلردە باش كرسیلر وضیافتلردە باش صدرلری سون علمادن صاقنكز ۔ ٤٧ انلر طول قاریلرك اولرینی ییوب كوسترش ایچون اوزون دعالر ایدرلر۔ انلر دها شدتلو عذابە دوچار اولە جقلر در۔