١ ودائما عدایدوب اوصانمامق كرك ایدوكتە دائردخی انلرە برتمثیل سویلیوب دیدكە ٢ برشھردە اللھدن قورقمازوانسانە رعایت ایتمز برقاضی وارایدی ٣ واول شھردە برطول قاری بولنمغلە یاننە گیدوب خصممدن حقمی احقاق ایلە دیرایدی ٤ اودخی برمدت استمدی ایسە دە صڭرە كندی كندینە دیدیكە اكرچە اللھدن قورقماز وانسانە رعایت ایتمز ایسە مدە ٥ باری شوطول قاری بنی تعجیزایتدیكی اجلدن اُنڭ حقنی احقاق ایدە یم دائماكلوب بكا باش آغریسی ویرمسون ٦ ورب دیدیكە ناحق قاضینك نە دیدیكنی دیكلە یكز ٧ ایمدی اللە كیجە كوندوز كندینە فریاد ایدن منتخبلرینك حقنی انلرایچون صبرایدرایسە دە احقاق ایتمیە جك می ٨ سزە دیرمكە چابك حقلرینی احقاق ایدە جكدرلكن ابن الانسان كلدیكندە عجبایراوزرندە ایمان بولە جقمی۔٩ وصالح ایزدیوكندیلرینە كوكنوب غیریلری تحقیرایدن بعض كیمسەلرە دخی شوتمثیلی سویلدی ١٠ ایكی ادم دعاایتمكە ھیكلە چیقدی بری فریسی ودیكری كمركجی ایدی ١١ فریسی طوروب كندی كندینە بووجھلە دعاایلدی یااللە سكا شكر ایدرمكە بن سائر ادملر كبی قاپیجی ناحق وزنا كارویاخودشوكمركجی كبی دخی دكلم ١٢ ھفتە دە ایكی كرە اوروج طوتوب بتون ایرادمك عشرئبئ ویررم ١٣ كمركجی ایسە اوزاقدن طوروب كوزلرینی بیلە كوكە قالدرمق استمز ایدی اما كوكسنە اوروب یااللە بن كناھكارە مغفرت قیل دیدی ١٤ سزە دیرمكە اولبرندن ایسە بوتبریر اولنمش اولە رق خانە سنە ایندی زیرا ھركیم كە كندینی یوكسلدرایسە آلچاقلانە جق وھركیم كە كندینی آلچادرایسە یوكسلە جكدر۔١٥ وانلرە طوقونمسی ایچون یاننە معصوملر دخی كتوردیلر شاكردلری ایسە بونی گورمكلە انلری تعزیرایتدیلر١٦ اما عیسی انلری یاننە چاغروب براقكز چوجوقلریانمە كلسونلر وانلری منع ایتمیكز زیرا ملكوت اللە بومقولەلركدر۔١٧ حقیقۃًسزە دیرمكە ملكوت اللھی ھركیم چوجوق كبی قبول ایتمز ایسە اڭا اصلاكیرمیە جكدردیدی۔١٨ وبررئیس ای كریم معلم ابدی حیاتە وارث اولمق ایچون نە یاپە یم دیواڭاسؤال ایلدی ١٩ وعیسی اڭا نیچون بكاكریم دیورسین بردن یعنی اللھدن غیری كریم یوقدر ٢٠ امرلری بیلورسین زناایتمیە سین قتل ایتمیە سین سرقت ایتمیە سین دیدی اودخی بونلرڭ ایتمیە سین پدركە ووالدە كە حرمت ایدە سین دیدی ٢١ اودخی بونلرك جملەسنی صباوتمدنبرو حفظ ایلدم دیدی ٢٢ عیسی بونی ایشیتدكدە اڭا دھا برنقصان وار نە ك ایسە صاتوب فقرایە توزیع ایلە وسمادە خزینە یە مالك اولورسین وكل بكاتابع او ل دیدی ٢٣ واوبونی ایشیدنجە مكدر اولدی زیراغایت زنكین ایدی ٢٤ وعیسی اُنڭ مكدر اولدیغنی كوردكدە زنكینلر ملكوت اللھە نە كوجلە كیررلر٢٥ زیرا زنكینك ملكوت اللھە كیرمسندن دوە نك ایكنە دلیكندن كچمسی دھا قولایدردیدی ٢٦ وایشیدنلر اویلە ایسە كیم خلاص اولە بیلور دیدیلر ٢٧ اودخی انسان عندندە ممكن اولمایان شیلر اللھك عندندە ممكندردیدی ٢٨ وبطرس اشتە بزھرشیئی ترك ایدوب سكا تابع اولدق دیدی ٢٩ اودخی انلرە حقیقۃًسزە دیرمكە ملكوت اللە ایچون خانە یاوالدین یاقارنداشلر یا زوجە یا اولادترك ایتمش اولوب ٣٠ بو زماندە چوق قاتنە واخرتدە ابدی حیاتە نائل اولمایە جق ھیچ بر كیمسە یوقدر دیدی۔٣١ واون ایكیلری یاننە آلوب انلرە اشتە اورشلیمە چیقایورز وابن الانسان حقندە پیغمبرلر واسطەسیلە یازلمش اولان شیلرك جملەسی اتمام اولنە جقدر ٣٢ زیرا طائفەلرە تسلیم اولنە رق استھزاوشتم اولنوب اوزرینە توكوریلە جكدر ٣٣ وانی قامچی ایلە دوكدكدنصڭرە قتل ادە جكلراودخی اوچنجی گوندە قیام ایدە جكدر دیدی۔٣٤ انلر ایسە بوشیلرڭ ھیچ برینی فھم ایتمدیلر وبوسوزانلردن مخفی اولمغلە سویلنیلان شیلری ادراك ایتمزلرایدی۔٣٥ واریحایە یاقلاشدیغندە یول كنارندە بركورادم اونوروب دیلنیور ایدی ٣٦ وخلقك كچدیكنی ایشیتمكلە بونە در دیوسؤال ایلمسی اوزرینە ٣٧ اڭا ناصرتلوعیسی كچیوردیوخیرویردیلر٣٨ اودخی یاعیسی ابن داود بكامرحمت ایلە دوی فریاد ایلدی ٣٩ واوكدە كیدنلر سكوت ایتمسی ایچون انی تعزیرایلدیلر ایسە دە دھا زیادە یاابن داود بكا مرحمت ایلە دیو فریاد ایدرایدی ٤٠ وعیسی طوروب كندی یاننە كتورلمسنی امرایتدی واویاقلاشدیغندە ٤١ سكا نە یاپمە می استرسین دیو اندن سؤال ایتدیكندە اودخی یارب كوزلرم آچیلسون دیدی۔٤٢ عیسی دخی اڭا آچیلسون ایمانڭ سنی خلاص ایتدی ویدی ٤٣ ودرحال كوزلری آچیلدی واللھە حمد ایدە رك اُنڭ آردی صرە كیتدی جملە خلق دخی بونی كورمكە اللھە حمدایتدیلر۔