١ ابن اللە عیسی المسیحك انجیلنك ابتداسیدر٢ پیغمبرلردە اشتە بن یولكی اوككجە حاضرلایە جق اولان رسولمی سنڭ اوككدن ارسال ایدە جكم۔٣ وربك یولنی حاضرلایكز طریقلرینی طوغرولدكز دیەرك برّیە ندا ایدنك صداسی یو یازلدیغی اوزرە۔٤ یحیی برّیە دە وافتیز ایدوب كناھلرك عفوی ایچون توبە وافتیزینی اعلان ایدر ایدی۔٥ وبتون یهودیە دیاری واورشلیم اھالیسی چیقوب اُنڭ یاننە گیتدیلر۔وجملە كناھلرینی اقرارلە اردن ایرماغندە اُنڭ الیلە وافتیز اولنورلر ایدی۔٦ ویحیی دوە تویی كیمش وبلنە قایش قوشانمش اولوب چكركەلرویبان بالی یرایدی۔٧ وعظ ایدە رك بندنصڭرە دھا قدرتلوسی كلیوركە بن اكیلوب اُنڭ ایاق قابلرینك تصمە سنی چوزمكە لایق دكل ایم۔٨ بن سزی صوایلە وافتیزایتدم امااوسزی روح القدسلە وافتیزایدە جكدر دیرایدی۔٩ واول كونلردە عیسی جلیلدە واقع ناصرتدن گلوب اردندە ١٠ اولوب روحك كوكرجین كبی كندی اوزرینە نزول ایتدیكنی گوردی۔١١ وارضی اولدیغم سوكیلواوغلم سن سین دیو سماواتدن برصداكلدی۔١٢ ودرع قب روح انی برّیە یە سوق ایتدی١٣ وشیطان طرفندن تجربە اولنە رق قرق گون اورادە برّیە دە قالدی ووحشی حیوانلر ایلە برابربولنوب ملكلراڭا خدمت ایدر ایدی۔١٤ ویحیی الە ویرالە كدنصڭرە عیسی جلیلە گلوب١٥ وقت تمام اولدی واللھك ملكوتی یاقلاسمسدر توبە ایدوب بشارتە ایمان گتورڭز دیەرك [ملكوت]اللھك بشارتنی وعظ ایدرایدی۔١٦ وجلیل دڭزی كنارندە كزر ایكن سمعون ایلە قرنداشی اندراوسی دڭزە آغ آتدقلری وقتدە گوردی زیرا بالق آوجیسی ایدیلر۔١٧ وعیسی انلرە آردمجە كلكز وسزی انسان آوجیسی ایدە یم١٨ اونلر دخى درعقب اغرينى براغوب اونك اردنجە گيتديلر۔١٩ واورادن براز ایلروكیدوب زبدی اوغلی یعقوب ایلە قرانداشی یو حنایی گوردی بونلردخی قایقدە آغلرینی تعمیر ایتمكدە ایدیلر۔٢٠ ودرحال انلری چاغردی انلردخی پدرلری زبدی یی ایشجیلرایلە برابرقایقدە براغوب اُنڭ آردنجە گیتدیلر۔٢١ وكفرناحومە كیردیلركندیسی دخی درعقب سبت گونی سناغوغە گیدوب تعلیم ایدرایدی۔٢٢ انلردخی تعلیمنە حیران اولدیلر زیراانلرە علماكبی دكل انجق حكومت صاحبی كبی تعلیم ایدرایدی۔٢٣ وسناغوغلرندە ناپاك روحلوبرادم بولنوب بو دخی باغرە رق٢٤ براق سنڭ بزم ایلە نە ایشك وارایناصرتلوعیسی بزی ھلاك ایتمك ایچونمی كلدك۔سنڭ كیم ایدوككی بیلورم سن اللھك مقدّس سین دیدی۔٢٥ وعیسی انی آزارلایوب سكوت ایلە واندن چیق دیدی۔٢٦ ایمدی اول ناپاك روح انی صارصوب یوكسك سسلە باغرە رق اندن چیقدی۔٢٧ وجملەسی حیران اولدیلر شویلە كە بری برینە سؤال ایدوب بونە در۔بویكی تعلیم نە اولە چونكە ناپاك روحلرە بیلە حكمتلە امر ایدرواڭااطاعت ایدیورلرایدی۔٢٨ وانڭ سھتی درحال جلیلك بتون اطرافنە شایع اولدی۔٢٩ وانلرسناغوغدن چیقدقلری كبی یعقوب ویوحنا ایلە برابر سمعون واندراوسك خانە سنە گیتدیلر۔٣٠ وسمعونك قاین والدەسی حمایە طوتلمش یاتیورایدی ودرحال مرقومە نك حالنی اڭا افادە ایتدیلر۔٣١ اودخی یاننە واروب انی الندن طوتە رق قالدردی واول ساعت حماسی دفع الوب انلرە خدمت ایتدی۔٣٢ واقشام اولوب كونش باتدقدە جملە علتلولرایلە مجنونلری اڭا كتوردیلر۔٣٣ وبتون شھراھالیسی قپونك اوكندە جكع االمش ایدی۔٣٤ ودرلودرلومرضلرە مبتلا اولمش چوق علتلو كیمسە شفا ویروب چوق جنلردخی چیقاردی وجنلری سویلتمز ایدی زیراانی طانیورلرادی۔٣٥ وصباحلین پك اركن قالقە رق چیقوب بریبان محلە كیتدی واورادە دعا ایتدی۔٣٦ وسمعون وانڭ ایلە برابربولنانلرآردنجە گیدوب ٣٧ انی بولدقلرندە اڭا ھر كس سنی آرایوردیدیلر۔٣٨ اودخی انلرە یاقین اولان قصبەلرە كیدە لم كە اورادە دخی وعظ ایدە یم زیرابن بونڭ ایچون چیقدم دیدی۔٣٩ وبتون جلیلدە سناغوغلرندە وعظ ایدروجنلری چیقارورایدی۔٤٠ ویاننە برجذاملوكلوب یالوارە رق ودیز چوكە رك اڭااكراستر ایسە ك بنی تطھیر ایتمكە قادرسین دیدی۔٤١ عیسی دخی شفقت اتمكلە النی اوزادوب اڭا طوقندی واڭا استرم طاھر اول دیدی۔٤٢ وبویلە بیوردیغندە ھمان جذام علتی اندن دفع اولە رق طاھر اولدی ٤٣ واڭااكیداتنبیە برلە فی الحال انی طیشاری چیقاروب اڭا٤٤ صاقن كیمسە یە برشی سویلمیە سین لكن گیدوب كندوكی كاھنە گوستر وانلرە شھادت اولمق اوزرە تطھیرك ایچون موسانڭ بیوردیغی شیلری تقدیم ایلە دیدی۔٤٥ اما اوچیقدیغی كبی بوشیئی زیادە سیلە بیان واعلان ایتمكە باشلادی شویلە كە عیسی آرتق برشھرە علناً كیرە میوب انجق خارجده یبان محللردە قالور ایدی وھرطرفدن اڭا كلورلرایدی۔