٢٤
١ و بش كوندنصكره كاهن اعظم حنانیا اختیارلر و ترتوللس نامنده بر خطیب رفاقتنده بولنه‌رق ایندی. و بونلر پولس علیهنده والی‌یه شكایت ایتدیلر٢ او دخی چاغرلدقده ترتوللس اتهامه باشلایوب ای دولتلو فلیكس بز سنڭ واسطه‌كله چوق سلامته نائل اولدیغمز حالده و سنڭ تدبیر كله بو ملتك اموری تنظیم اولندیغندن٣ هر زمان و مكانده كمال تشكرله قبول ایدرز٤ لكن سنی زیاده تعجیز ایتمه‌مك ایچون رجا ایدرم بزی لطفاً براز دیكله‌یه‌سین٥ زیرا بز بو ادمك اهل فساد و دنیاده اولان جمله یهودیلر اراسنده اختلاف سببی و نصرانی فرقه‌سنك بر رئیسی اولدیغنی بولدق٦ و حتی هیكلی بیله ناپاك ایتمكه چالشدیغنده انی طوتدق و كندی شریعتمز موجبجه محاكمه ایتمك استدك ایسه‌ده٧ بیك باشی لیسیاس یتشوب جبر عظیمله المزدن آله‌رق٨ دعواجیلرینك سنڭ طرفكه كلملرینی امر ایتدی. سن دخی استنطاق ایتمكله انی اتهام ایتدیكمز شیلرك جمله‌سنه واقف اوله‌بیلورسین دیدی٩ یهودیلر دخی بو شیلر بویله‌در دیه‌رك تصدیق ایتدیلر.١٠ پولس دخی سویله دیو والینك كندیسنه اشارت ایلمسی اوزرینه جواب ویره‌رك دیدیكه چوق سنه‌دنبرو سنڭ بو ملتك حاكمی اولدیغكی بیلدیكمدن بڭا متعلق شیلره دها خوشنودیله جواب ویررم١١ چونكه بن عبادت ایتمك ایچون اورشلیمه چیقالیدنبرو اون ایكی كوندن زیاده اولمادیغنه واقف اوله‌بیلورسین١٢ و نبی نه هیكلده نه سناغوغلرده نه‌ده شهرده بر كیمسه ایله مباحثه ایتمكده یاخود خلقی باشمه طوپلامقده بولدیلر١٣ و شمدی نبی اتهام ایتدكلری شیلرك اثباتنه قادر دكللردر١٤ اما سڭا بونی اقرار ایدرم‌‌كه بونلرك فرقه دیدكلری طریق موجبنجه تورات ایله پیغمبرلرده یازلمش اولان شیلرك جمله‌سنه ایمان ایده‌رك اجدادمك اللهنه عبادت ایدرم١٥ و كندیلرك دخی منتظر اولدقلری مثللو كرك صالحلرك و كرك فاسقلرك اولولردن قیام ایده‌جكلرینی اللّهدن امید ایدرم١٦ بوكا بناءً هر وقت اللهك و انسانك عندنده خالص ضمیره مالك اولمغه جهد ایدرم١٧ و چوق سنه كچد كدنصكره ملتمه صدقه و اللهه تقدمه‌لر تقدیم ایتمك ایچون گلدم١٨ و بو صره‌ده بعض آسیالو یهودیلر نبی هیكلده غلبه‌لق یاخود ولوله ایله اولمایوب اما تطهیر اولنمش بولدیلر١٩ و بونلر علیهمده بر دیه‌جكلری اولسه ایدی حضوركه گلوب شكایت ایتملی ایدیلر٢٠ یاخود بو حاضر بولنانلر بنم ارالرنده طوروب بن بو كون سزڭ طرفكزدن اولولر قیامندن طولایی محاكمه اولنیورم دیو٢١ ندا ایتدیكم بو بر سوزدن غیری ملت مجلسی حضورنده ایكن بنده نه قباحت بولدقلرینی سویله‌سونلر٢٢ و فلیكس [بو شیلری ایشیتدیكنده] بو طریق حقنده كامل معلوماتی اولدیغندن بیك باشی لیسیاس ایندیكی زمان دعواكزی تحقیق ایدرم دیوب انلری بشقه بر وقته ترك ایلدی٢٣ و پولسی تحت محافظه‌سنه آلوب اڭا مساعده ویرمكله انك دوستلرندن كندینه خدمت ایتمكدن كیمسه‌یی منع ایتمه‌مسنی یوز باشی‌یه تنبیه ایتدی.٢٤ و بر قاچ كون صكره فلیكس یهودی بولنان زوجه‌سی دروسیلا ایله گلوب پولسی كتورده‌رك انی مسیحه اولان ایمان خصوصنده دیكله‌دی٢٥ او دخی صلاح و ضبط نفس و كله‌جك جزادن بحث ایدر ایكن فلیكس زیاده‌سیله قورقوب شمدیلك گیت وقتم اولورسه سنی ینه چاغررم دیو جواب ویردی٢٦ بونڭ ایله برابر پولس طرفندن [صالیویرلمسی ایچون] كندینه آقچه ویریلور مأمولیله انی چوق دفعه كتوردوب انك ایله سویلشور ایدی٢٧ لكن ایكی سنه تمام اولدقده فلیكسك یرینه پورقیوس فستوس نصب اولنوب فلیكس یهودیلرك خاطرینی خوش ایتمك مقصدیله پولسی محبوس براقدی.