١ و فریسیلردن اولوب یهودیلرڭ بر رئیسی نیقودیموس اسمندە بر ادم وار ایدی ۔٢ مرقوم كیجەلین عیسانڭ یاننە گلوب اڭا ربی اللە طرفندن گلمش بر معلم ایدیككی بیلورز هیچ بركیمسە اللە انڭ ایلە اولمادقجە بوسنك ایتدیكك معجزەلری اجرا ایدەمز دیدی۔٣ عیسی اڭا جواباً حقیقۃً حقیقۃً سڭا دیرمكە بر كیمسە یكیدن طوغمانیجە اللهڭ ملكوتنی كورەمز دیدی۔٤ نیقودیموس اڭا برادم اختیار ایكن نصل طوغە بیلور ۔ تكرار والدە سنڭ رحمنە گیروب طوغە بیلورمی دیدی٥ عیسی جواب ویروب حقیقۃً حقیقۃً سڭا دیرمكە اگر بر كیمسە صودن و روحدن طوغمازسە اللهڭ ملكوتنە كیراەمز ۔٦ تندن طوغان تندر و روحدن طوغان روحدر٧ سڭا یكیدن طوغمكز لازمدر دیدیكمە تعجب ایتمە ۔٨ روزكار استدیكی یردە اسرو انڭ سسینی ایشیدرسین لكن نرەدن گلوب نرە یە كیتدیكنی بیلمزسین ۔ روحدن طوغمش اولان هر كیمسە بویلە در دیدی۔٩ نیقودیموس اڭا جواباً بوشیلر اولە بیلور دیدی ۔١٠ عیسی اڭا جواباً دیدیكە سن اسرائیلك بر معلمی ایكن بوشیلری بیلمزمیسین ۔١١ حقیقۃً حقیقۃً سڭا دیر مكە بز بیلدیگمزی سویلر و كوردیكمزە شهادت ایدرز و شەادتمزی قبول ایتمزسكز۔١٢ اگر سزە زمینی شیلری سویلدیكمدە اینا نماز ایسەڭز سماوی شیلری سزە سویلسە م نصل اینانەجقسڭز ۔١٣ وسمایە هیچ بر كیمسە چیقمامش آنجق سمادن نزول ایدن ابن الانسان كە سمادە در ۔١٤ و موسی برّیە دە ییلانی یوكسكە قالدرەیغی مثللو ابن الانسان بویلە یوكسكە قالدرلمق گركدر ۔١٥ تاكە اڭا هر ایمان ایدن هلاك اولمایوب آنجق ابدی حیاتە مالك اولە ۔١٦ زیرا اللە دنیایی بو قدر سودی كە كندی ابن وحید ینی تاكە اڭا هر ایمان ایدن هلاك اولمیوب آنجق ابدی حیاتە مالك اولە ۔١٧ چونكە اللە كندی اوغلنی دنیانڭ حكمی ایچون دكل آنجق دنیا انڭ واسطە سیلە خلاص بولمسی ایچون دنیایە كوندردی ۔١٨ اڭا ایمان ایدن حكم اولنماز اما ایمان ایتمیان حالا محكومدر زیرا اللهڭ ابن وحیدینك اسمنە ایمان ایتمەمشدر ۔١٩ و حكم بودر كە نور دنیایە گلدی وادملر عمللری شریر اولدیغی سببدن ظلمتی نوردن دها زیادە سودیلر ۔٢٠ زیرا هر كوتولك ایشلیان نوردن اكراە ایدر و عمللری میدانە قونلمامق ایچون نورە گلمز ۔٢١ اما حقی ایشلیان ادم عمللری اللە ایلە ایشلنمش ایدیكی اشكار اولسون ایو نورە كلورد۔٢٢ اندنصڭرە عیسی شاكردلری ایلە برابر یهودیە دیارینە گلوب انلر ایلە اورادە مكث ایدە رك وافتیز ایدر ایدی ۔٢٣ وسالیمك قربندە واقع عینوندە چوق صولر بولندیغندن یحیی دخی اورادە وافتیز ایدر ایدی ۔ وخلق گلوب وافتیز اولنورلر ایدی ۔٢٤ چونكە یحیی دها حبس خانە آتلمامش ایدی ۔٢٥ او زمان یحیانڭ شاكردلری ایلە یهودیلرڭ اراسندە تطەیر خصوصندە مباحثە واقع اولمغلە ۔٢٦ یحیانڭ یاننە گلوب اڭا یا معلم اردنك اوتە طرفندە سنڭ ایلە برابر بولنمش وحقندە شهادت ایتمش اولدیغك كیمسە اشتە وافتیز ایدیور و هركس انڭ یاننە كیدیور دیدیلر ۔٢٧ یحیی جواباً دیدیكە برادم كندینە سمادن ویر لمدكجە هیچ بر شی آلمغە قادر دكلدر ۔٢٨ سز كندیكز بنم حقمدە بن مسیح دگلم آنجق انڭ اوكنجە ارسال اولندم دیدیكمە شهادت ایدرسڭز ۔٢٩ گلین كیمڭ ایسە كویكی اودر اما كویكینك دوستی حاضر بولنوب كویكی یی ایشیتدیكندە انڭ صاسندن زیادە سیلە مسرور اولور ۔ ایمدی بنم بو مسرّتم تمام اولمشدر ۔٣٠ اڭا ایسە كوچولمك كركدر ۔٣١ یوقاریدن گلان جملەدن اعلی در ۔ زمیندن اولان زمینی اولوب زمیندن بحث ایدر ۔ سمادن گلان جملەدن اعلی اولە رق ۔٣٢ همان كوروب ایشیتدیكی شیلرە شهادت ایدر و شهادتی هیچ بر كیمسە قبول ایتمز۔٣٣ انڭ شهادتی قبول اللهڭ حق ایدیكنە مەر باصمش اولور۔٣٤ زیرا اللهڭ ارسال ایلدیكی كیمسە اللهڭ سوزلرینی سویلر چونكە اللە اڭا روحی اولچی ایلە ویرمز ۔٣٥ پدر اوغلی سورو هر شیئی انڭ النە تسلیم ایتمشدر ۔٣٦ اوغلە ایمان ایدن ابدی حیاتە مالكدر اما اوغلە اطاعت ایتمیان حیات گورمیەجك ولكن اللهڭ غضبی انڭ اوزرندە قالور۔