١ واوچنجی گوندە جلیلك قنا شەرندە دوكون اولدی وعیسانك والدە سی اورادە ایدی ۔ ٢ وعیسی ایلە شاكردلری دخی دوكونە دعوت اولندی ۔ ٣ وشراب اكسلمكلە عیسانڭ والدە سی اڭا شرابلری یوقدر دیدی۔ ٤ عیسی اڭا ای خاتون سنڭ بنم ایلە نە ایشك واروقتم دها كلمدی دیدی ۔ ٥ والدە سی خدمتجیلرە سز هر نی دیرسە یاپكز دیدی ۔ ٦ ویهودیلرك تطھیری عاد تنجە اورادە قونلمش هر بری ایكیشز یا اوچر مدرە آلور التی عدد طاش كوپ بولمغلە ۔ ٧ عیسی انلرە كوپلری صوایلە طولدركز دیدی وانلری آغزلرینە قدر طولد ردیلر۔٨ وانلرە شمدی چیقاروب ضیافت رئیسنە كوتوركز دیمسیلە كوتوردیلر۔٩ وضیافت رئیسی شرابە تبدیل اولنان صویی طادنجە (او ایسە ترە دن اولد یغنی بیلمز اما صویی چكن خدمتجیلر بیلورلر ایدی ) ضیافت رئیسی كویكویی چاغروب ۔ ١٠ اڭا هر كس اوّلا اعلا شرابی و زیادە ایچلد یكندە ادناسنی چیقارد ۔ سن ایسە اعلا شرابی شمدی یە دك صاقلادك دیدی ۔ ١١ عیسی جلیلك قنا شەرندە اشبو ایلك معجزە یی اجرا ایلیوب كندی جلالنی اظەار ایتدی ۔ شاكردلری دخی اڭا ایمان ایتدیلر۔١٢ اندنصڭرە كندیسی ایلە والدە سی وقارند اشلری وشاكردلری كفر نا حومە اینوب اورادە آنجق برقاچ كون قالدیلر۔١٣ و یهودیلرك فصح بیرامی یاقین اولمغلە عیسی اور شلیمە چیقدی۔١٤ و هیكلدە صبغر و قویون وكوكرجین صاتا نلری و صرافلری اوطور مقدە بولوب ۔ ١٥ ایپلردن برقامچی یاپە رق جملەسنی قویون و صیغرلر ایلە برابر ەیكلدن چیقاردی ۔ و صرافلرك آقچە سنی دوكوب پیشتختەلربنی آلت اوست ۔ ١٦ و كوكرجین صاتانلرە بونلری بواردن قالدركز ۔ پدرمڭ خانە سنی تجارتخانە ایتمیڭز دیدی۔١٧ شاكردلری دخی سنڭ خانە كك غیرتی بنی ییدی دیو یازلمش اولدیغنی خاطرلرینە كتوردیلر۔١٨ ایمدی یهودیلر اڭا جواباً بزە نە علامت گوستر سین كە بوشیلری ایدرسین دیدیلر ۔ ١٩ عیسی انلرە جواباً بوەیكلی ییقكز وانی اوچ گوندە اقامە ایدرم دیدی ۔ ٢٠ بونڭ اوزرینە یهودیلر بوەیكل قرق التی سنە دە یاپلمقدە اولوب سن انی اوچ گوندە می اقامە ایدە جكسین دیدیلر ۔ ٢١ او ایسە كندی جسدینك ەیكلی حقندە سویلیور ایدی۔٢٢ ایمدی اولولردن قیام ایتدیكی زمان انڭ شاكر دلری بویی [كندیلرینە] سویلدیكنی خاطرلرینە كتورروب كتابە و عیسانڭ سویلدیكی كلامە ایناندیلر۔٢٣ وفصح بیرامندە اورشلیمدە ایكن چوق كیمسەلر اجرا ایتدیكی معجزەلرینی مشاەدە ایتملر یلە انڭ اسمنە ایمان ایتدلر ۔ ٢٤ اما عیسی جملەسنی بیلدیكی وانسان حقندە هیچ بركیمسە نك شەادتنە محتاج اولمادیغی جەتلە كندینی انلرە اینا نماز ایدی۔ ٢٥ زیرا كندیسی انسانك درونندە نە اولد یغنی بیلور ایدی۔