١ ای فضیلتلو تئوفیلوس ابتدادن كوزلریلە كورنلرك وكامك خدمە سی اولانلرڭ٢ ارامزدە صحیحاًمسلم اولان نسنەلری بزە نقل ایتمش اولدقلرینە كورە٣ نیچە كیمسەلر انلرڭ ترتیبلە تألیفنە باشلامش اولدقلری جھتلە بن دخی اك اوّلندن ھر شیئی كمال دقتلە تفحص ایتدیكمدن٤ سكا تعلیم اولنان شیلرك حقیقنی بیلمە ك ایچون سكا جملەسنی صرە سیلە یازمق+ بكا مناسب كورندی،٥ یهودیە ملكی ھیرودسك كونلرندە ابی نوبتندن زكریا نامندە بركاھن بولنوب زوجە سی دخی ھارون قزلرندن اولە رق اسمی الیصابت ایدی٦ ایكیسی دخی اللھك حضورندە صالح اولوب ربك جملە امرلر واحكامنك بلا قصور اجرا سندە بولنورلرایدی۔٧ والیصابت عاقراولدیغندن اولادلری اولمیوب ایكیسی دە خیلی یاشلوایدیلر٨ ومرقوم كندی نوبتی صرە سندە اللھك حضورندە كاھنلك خدمتنی اجرا ایدرایكن٩ كاھنلك عادتی اوزرە ربك ھیكلنە گیروب بخوریاقمق قرعە سی كندینە دوشدی١٠ وقومك بتون جماعتی دخی بخور وقتندە خارجدە دعاایتمكدە ایكن١١ ربك ملكی بخور مذبحنك صاغندە طوروب اڭا كوروندی١٢ وزكریاانی كورنجە مضطرب اولوب كندیسنە قورقو گلدی١٣ وملك اڭا قورقمە ای زكریا زیرا نیازك قبول اولنمغلە زوجە ك الیصابتدن سنڭ بر اوغلك اولە جق واڭایحیی تسمیە ایدە جكسین١٤ وسكا مسرت وشادلق اولوب اُنڭ ولادتندن چوق كیمسەلر مسرور اولە جقدر١٥ ریرا ربك حضورندە بیوك اولوب اصلاشراب ومسكر ایچمیە جك وھمان والدە سنڭ رحمندن روح القدسلە مملو اولە جقدر١٦ وبنی اسرائیلدن چوق كیمسەلری كندیلرك اللھی اولان ربە دوندروب١٧ پدرلرك قلبلرینی اولادە وعاصیلری صالحلرك عقلنە دوندرە رك ربە حاضر لانمش برقوم تەیە ایتمك اوزرە ایلیا نك روحی وقدرتیلە اُنڭ اوڭنجە كیدە جكدر دیدی١٨ زكریا دخی ملكە بونی نە دن بیلە یم زیرا بن اختیارایم روجە م دخی خیلی یاشلودردیدی۔١٩ وملك اڭا جواباًبن اللھك حضورندە طوران جبرائیل ایم وسكا سویلیوب بوشیلری تبشیرایتمكە ارسال اولندم٢٠ واشتە سن وقتندە اتمام اولنە جق سوزلرمە اینانمدیغك ایچون بونلرك وقوع بولە جغی كونە دكین دیلسزاولوب سویلمكە مقتدراولمیە جقسین دیدی۔٢١ وقوم زكریایی بكلە مكدە اولوب ھیكلدە كجكدیكنە تعجّب ایدیورلرایدی۔٢٢ اودخی طیشاری یە چیقدقدە انلرە سویلمكە مقتدراولمدیغندن ھیكلدە بررؤیا گورمش اولدیغنی اكلادیلراودخی انلرە اشارتلرایدیورایدی دیلسزقالدی۔٢٣ وخدمتنك كونلری تمام اولمغلە كندی خانە سنە كیتدی۔٢٤ واول كونلردنصڭرە زوجە سی الیصابت حاملە اولوب٢٥ رب خلق اراسندە حقارتمی كیدرمك ایچون بكا حسن نظرقیلدیغی كونلردە بویلە ایلدی دیەرك كندینی بش آی كیزلدی٢٦ والتنجی آیدە ملك جبرائیل اللە طرفندن جلیلدە واقع ناصرت نام برشھرە٢٧ داودخاندانندن یوسف اسمندە برادمە نشانلواولان برباكرە نك نزدینە كوندرلدی واول باكرە نك اسمی مریم ایدی۔٢٨ وملك مرقومە نك نزدینە گلوب سلام سكا ای لطفە نائل اولمش باكرە رب سنڭ ایلە در سن نسابینندە مباركیسن دیدی٢٩ اوایسە ملكی كوردیكدە كلامندن مضطرب اولوب بونصل سلام اولە دیو تفكرایدرایكن٣٠ ملك اڭا قورقمپای مریم زیرا اللھك عندندە لطف بولدك٣١ واشتە حاملە اولوب براوغل طوغورە جقسین واڭا عیسی تسمیە ایدە سین٣٢ اوبیوك اولوب اڭا ابن المتعال دینلە جك ورب اللە اڭا پدری داودك تختنی ویرە جكدر٣٣ وبیت یعقوبك اوزرینە الی الابد حكومت سوروب ملكوتنك نەایتی اولمیە جقدر دیدی٣٤ مریم ایسە ملكە بونصل اولە بیلور چونكە بر ارنیلمم دیدی۔٣٥ ملك دخی اڭا جواباًسنك اوزركە روح القدس گلوب متعالك قدرتی سكا كولكە اولە جق بواجلدن سندن طوغە جق مقدّس ذاتە دخی ابن اللە دینلە جكدر٣٦ واشتە اقرباكدن اولان الیصابت دخی اختیارلغندە براوغلە حاملە اولوب بوآی اول عاقر دینیلانڭ التنجی آییدر٣٧ زیز االلھك عندندە ھیچ برشی غیر ممكن دكلدر دیدی٣٨ ومریم اشتە ربك جاریە سی بكا سوزكە كورە اولسون دیمسیلە ملك اُنڭ نزدندن كیتدی۔٣٩ ومریم اول كونلردە قالقوب عجلۃ طاغلرجوارینە یەودە سھرینە گیدوب٤٠ زكریانڭ خانە سنە كیرە رك الیصابتە سلام ویردی٤١ والیصابت مریمك سلانی ایشیتدیكی كبی چوجوق اُنڭ رحمندە صچرادی والیصابت روح القدسلە مملواولوب٤٢ یوكسك سسلە چاغرە رق دیدیكە سن نسابینندە مباركسین وسنك رحمكك محصولی مباركدر٤٣ وبوبكانرەدن اولدیكە ربمك والدەسی یانمە كلە٤٤ زیرا اشتە سلامكك سسی قولاغمە دكدیكی كبی چوجوق رحممدە شادلقدن صچرادی٤٥ ونە مباركدرایمان ایتمش اولان زیرا رب طرفندن اڭا سویلنیلان شیلراتمام اولنە جقدر٤٦ مریم دخی جانم ربی تعظیم ایدوب٤٧ روحم خلاصكارم اولان اللھدە شادمان اولدی۔٤٨ زیرا جاریە سنڭ ادنی حالنە نظر قیلدی واشتە شمدنصڭرە جملە نسللربكانە مبارك دیە جكلر٤٩ چونكە قدیر بكا بیوك شیلر ایلدی اُنڭ اسمی دخی قدّوسدر٥٠ ومرحمتی نسلدن نسلە كندندن قورقانلرڭ اوزرندە در٥١ كندی بازوسیلە قدرت ابراز ایلدی متكبرلری قلبلرینك افكارندە پریشان ایلدی٥٢ قدرت صاحبلرینی تختلرندن ایندروب ادنالری یوكسلتدی٥٣ آج اولانلری نتمتلرلە طویرروب زنكینلری بوش كوندردی٥٤ اجرادمزە سویلدیكی اوزرە ابراھیم ایلە اُنڭ ذریتنە الی الابداولان مرحمتی تذكرایدوب٥٥ قولی اسرئیلە امداد ایلدی دیدی۔٥٦ ومریم اُنڭ یانندە اوچ آی قالدقدنصڭرە كندی خانە سنە عودت ایلدی۔٥٧ والیصابتك طوغورە جق وقتی تمام اولدقدە براوغل طوغوردی۔٥٨ وقوكشولری ایلە اقرباشی ربك اڭا عظیم مرحمت ایلدیكنی ایشیتدكلرندە اُنڭ ایلە برابر سوینورلرایدی٥٩ وسكزنجی گوندە معصومی ختان ایتمكە گلوب اڭا پدرینك اسمیلە زكریا تسمیە ایتدیلر٦٠ لكن والدەسی جواب ویروب خیر انجق یحیی تسمیە اولنە جقدر دید٦١ انلر دخی مرقومە یە اقرباكدە بو اسملە تسمیە اولنمش بركیمسە یوقدر دیدیلر٦٢ ونە اسملە تسمیە اولنمسنی استرسین دیو اشارتلە پدرندن سؤال ایتدیلر٦٣ اودخی برلوحە استیوب اسمی یحیی دردیویازدیغندە جملەسی تعجّب ایتدیلر۔٦٤ وھمان آغزی ودیلی آچیلوب اللھە حمد ایدە رك تكلم ایلدی۔٦٥ واطرافدە تمكن ایدنلرك جملە سنە قورقودوشوب بوشیلرڭ كافە سی یھودیە نك بتون طاغستانندە شایع اولە رق٦٦ ایشیدنلرك جملەسی عجبا بو معصوم نە اول ە جقدر دیەرك وقوعاتی خاطرلرندە حفظ ایتدیلر وربك الی اُنڭ ایلە ایدی۔٦٧ پدری زكریادخی روح القدسلە مملو اولوب الھاملە سویلیە رك دیدیكە٦٨ اسرائیلك اللھی رب مبارك اولسون چونكە قومنی زیارت ایدوب انی فدیە خلاص ایلدی٦٩ وقدیمدنبرو مقدّس پیغمبرلرینك آغزیلە سویلدیكی٧٠ دشمنلرمزدن وبزە ھپ بغض ایدنلرڭ الندن خلاص اولمق اوزرە٧١ قولی داودك خاندنندە بزم ایچون عظیم برخلاص اظھارایلدی٧٢ تاكە اجدادمزە مرحمت ایدوب كندی مقدّس عھدینی٧٣ یعنی دشمنلرمزك الندن قوتلمش اولە رق [عمرمزك ]جملە كونلرندە٧٤ كندی حضورندە قدسیت وصلاحلە قورقوسزڭندینە عبادت ایتمەمزی احسان ایلمك ایچون٧٥ پدرمز ابراھیمە ایتدیگی یمیینی خاطرە كتورە٧٦ سن دخی ای معصومم متعالك پیغمبری تسمیە اولنی جقسین٧٧ زیرا سن ظلمت ایلە اولوم كولكە سندە اوتوراانلرضیاویرمك وایاقلرمزی سلامت طریقنە كوتورمك اوزرە اللھمزك شفقت ومرحمتندن ناشی طوغان كونش یوجەلردن زیارتمز ایچون كلمكلە٧٨ قومنە كناھلرك عفوی ایلە اولان خلاصی بیلدرمك ایچون٧٩ ربك یوللرینی حاضرلامق اوزرە اُنڭ اوكندن كیدە جكسین۔٨٠ ومعصوم بیویوب روحدە قوتلنورواسرائیلە ظھوری كوننە دكین چوللردە طورورایدی۔