١ وجملە سوزلرینی قوم دیكلر ایكن تمام ایتدكدنصڭرە كفرنا حومە گیردی ٢ وبریوز باشینك سوكیلوبرقولی خستە اولە رق اولمك اوزرە ایدی ٣ وعیسانڭ خبرینی آلمغلە گلوب قولنە شفا ویرمسنی رجا ایتمك اوزرە یاننە یهودیلرڭ بعض اختیارلرینی كوندردی ٤ وانلر عیسانڭ یاننە گلوب زیرادە سیلە یالوارە رق بو احسانی ایدە جكك ذات لایقدر ٥ زیرا ملتمزی سوروسناغوغمزی اوبنا ایتمشدردیدیلر۔٦ عیسی دخی انلرایلە برابركیدرایكن ھمان خانە یە یاقلاشدیغندە یوز باشی اُنڭ یاننە دوستلركوندروب یارب زحمت چكمە زیرا طاممك آلتنە سنڭ كیرمە كە بن لایق دكلم٧ بوسببدن یانڭە كلمكە كندیمی لایق كورمدم فقط برسوزسویلە وخدمتكارم شفابولور٨ زیرا بن دخی تحت حكومتدنە برادم اولوب بنمدە تحت ادارە مدە عسكربولنمغلە بیرنە كیت دیدیكمدە كیدرودیكرینە گل دیدیكمدە كلوروقولمە شونی یاپ دیدیكمدە یاپار دیدی،٩ وعیسی بونی ایشیتد كدە اڭا تعجّب ایتدی ودونوب آردی صرە گلان خلقە سزە دیرمكە بنی ارائیلدە بیلە بوقدر ایمان بولمادم دیدی ١٠ وكوندرلمش اولانلر خانە یە عودت ایدوب خستە اولمش اولان قولی صاغالمش بولدیلر۔١١ وایرتسی گون عیسی تیین نام برشھرە كیدرایكن شاكردلرن چوق كیمسەلرایلە وافرخلق اُنڭ ایلە برابركدیورلرایدی ١٢ وشھرك قپوسنە یاقلاشدقە اشتە اناسنك بریجك اوغلی اولان براولو طیشاری یە كوتوریلیور ایدی مرقومە دخی طول ایدی۔وانڭ ایلە برابرشھردن چوق خلق وارایدی ١٣ ورب مرقومە یی كوردیكندە اڭا شفقت ایدوب آغلامە دیدی ١٤ ویاناشوب تابوتە طوقوننجە انی كوتورانلر طوردیلر اودخی ای نوجوان سكا قالق دیورم دییجنە١٥ اولوقالوب اوتوردی وسویلمكە باشلادی وعیسی انی والدە سنە تسلیم ایلدی ١٦ جملە سنڭ اوزرینە دخی قورقوكلوب اللھە حمد ایدە رك ارامزدە بیوك برپیغمبرظھورایتمش واللە كندی قومنی زیارت ایلمشدر دیریلر١٧ وانڭ حقندە بوخبربتون یهودیە دە وجملە اطراف محللردە شایع اولدی،١٨ ویحیایە كندی شاكردلری بوشیلرڭ جملەسنی نقل ایتملریلە ١٩ یحیی شاكردلرندن ایكی كشی چاغروب اول كلە جك كیمسە سنمی سین یوقسە دیكر بركیمسە یە می منتظراولە لم دیمك ایچون عیسانڭ یاننە كوندردی ٢٠ اول ادملر دخی اُنڭ یاننە گلوب وافتیز ایدیجی یحیی اول كلە جك كیمسە سنمی سین یوقسە دیكر بركمیسە یە می منتظراولە لم دیمك ایچون بزی سكاكوندردی دیدیلر ٢١ وھمان اول ساعت نیچە كیمسەلری مرضلری ایلە دردلرندن وشریرروحلردن خلاص ایدوب چوق كورلرە بصراحسان ایتدی ٢٢ وعیسی انلرە جواباًكیدكز یحیایە گوردیگڭز وایشیتدیككز شیلری یعنی كورلرك كوردیكنی طوپاللرك یورودیكنی جذاملولرك تطھیر اولندیغنی صاغرلرك ایشیتدیكنی اولولرك قیام ایتدیكنی فقرایە بشارتك تبشیر٢٣ و بنم حقمدە سورچميان نە مبارکدر ديدى٢٤ ویحیانڭ كوندردیكی ادملركیتدكدنصڭرە یحیایە دائر خلقە سویلمكە باشلا یوب بریّە یە نە سیرایتمكە چیقدیكز روزكاردن صاللانان برقامشمی ٢٥ لكن نە كورمكە چیقدیكز ظریف البسە كیمش برادم می اشتە زینتلو لباس كیوب ذوق وصفادە اولانلر پادشە سرایلرندە بولنورلر ٢٦ لكن نە كورمكە چیقدیكز برپیغمبرمی بلی سزە دیرمكە پیغمبردن دە دھا بیوكدر ٢٧ اشتە بن سنڭ یولكی اوككجە حاضرلا یە جق مخبرمی سندن ایلروارسال ایدە جكم دیو حقندە یازلمش اولان ذات بودر ٢٨ زیرا سزە دیرمكە نسادن تولد ایدنلر اراسندە وافتیز ایدیجی یحیادن بیوك برپیغمبریوقدر لكن ملكوت اللھدە اك كوچوكی اندن بیوكدردیدی،٢٩ وبتون قوم ایلە كركجیلر بونی ایشیتدكدە یحیانڭ وافتیزیلە وفتیز اولنمش اولمغلە اللھی تعزیرایتدیلر ٣٠ اما فریسیلروارباب شریعتدن اولانلرانڭ الیلە وافیتز اولنمامش اولمغلە اللھك مرادینی كندی علیەلرینە اولە رق رد ایتدیلر۔٣١ [ورب دیدیكە]ایمدی بونسلك ادملرینی كیمە تشبیە ایدە یم وكیمە بكزرلر ٣٢ چارشولردە اوتوروب سزە دودوك چالدق اما رقص ایتمدیكز سزە فغان ایتدك اما اغلامادیكزدیوبری برینە چاغران چوجوقلرە بكزرلر،٣٣ زیرا وافتیزایدیجی یحیی گلدی نە یر نە ایچرواندە جن واردیرسكز ٣٤ ابن الانسان گلدی ھم یرھم ایچر واشتە بوغازینە تابع ومیخوربرادم كمركجیلرك وكناھكارلرك دوستیدردیرسكز ٣٥ فقط حكمت جملە كندی اولادی طرفندن تصدیق اولندی۔٣٦ وفریسیلردن بری كندیسی ایلە برابرطعام ایتمسنی اندن رجا ایتمكلە فریسینك خانە سنە گیروب سفرە یە اوتوردی ٣٧ واشتە اول شھردە كناھكار برقاری بولنوب اُنڭ فریسینك خانە سندە سفرە دە اوتوردیغنك خبرینی آلدقدە برشیشە خوش رائحە لویاغ كتوردی۔٣٨ وآرقە دن ایاقلری یاننە طوروب آغلایە رق ایا قلرینی كوزیاشلریلە اصلاتمغە باشلادیوایاقلرینی باشنك صاچیلە سیلوب اوپە رك خوش رائحە لو یاغلە یاغلادی ٣٩ وانی دعوت ایدن فریسی بونی كوردكدە كندی كندینە سویلیوب اكر بوكیمسە پیغمبراولسە ایدی كندینە طوقونان قارینك كیم ونە مقولە اولدیغنی یبلور ایدی زیراكناھكردر دیدی ٤٠ وعیسی اڭا جواباًای سمعون سكا برسویلیە جكم واردیدی اودخی یامعلم سعیلە دیدی ٤١ برآلە جقلونك ایكی بورجلوسی اولوب بینك بش یوزودیكر ینك اللی دینار بورجی وار ایدی ٤٢ وانلرڭ اودە مكە برشیلری اولمامغلە ایكیسنە دخی باغشلادی بوصورتدە انلردن قنغیسی انی دھا زیادە سوە جكدر سویلەدیدی ٤٣ سمعون دخی جواباًظن ایدرم اول دھا زیادە باغشلادیغی كیمسە دیدی اودخی اڭاطوغری حكم ویردك دیدی ٤٤ وقاری یە طوغری دونوب سمعونە دیدیكە بو قاری یی كوریورمیسین بن سنڭ خانە كە كیردم ایاقلرایچون صوویرمدك بوایسە ایاقلرمی كوزیاشلریلە اصلادوب [باشنك]صاچیلە سیلدی ٤٥ سن بنی اوپمدك بو ایسە بن ایچری كیرە لیدبنرویاقلرمی اوپمكدن فارغ اولمادی ٤٦ سن باشمی زیت یاغیلە یاغلامادك بوایسە ایاقلرمی خوش رائحە لو یاغلە یاغلادی٤٧ بوكابناءًسكا دیرمكە كناھلری چوق اولدیغی حالدە عفو اولندی زیرا چوق سودی لك آز عفو اولنان كیمسە آزسور٤٨ ومرقومە یە كناھلرك عفواولندی دیدی ٤٩ وبرابرسفرە دە اوتورانلر كندی كندیلرینە كناھلردخی عفوایدن بوكیمدردیمكە باشلادیلر٥٠ اودخی قاری یە ایمانڭ سنی خلاص ایتدی سلامتلە كیت دیدی۔