١ وایكنجی برنجی سبت كونندە عیسی اكینلراراسندن كچدیكندە شاكردلری باشاقلری قوپاروب اللریلە اوغالایە رق ییورلرایدی۔٢ وفریسیلردن نعضلری انلرە نیچون سبت گونی ایشلمسی جائز اولماینی ایشلیورسكز دیدیلر ٣ وعیسی انلرە جواباًداودك كرك كندیسی وكرك برابرنجە اولانلر آجیقدیغی زمان نە ایتدیكنی اوقومادیكزمی ٤ نصل بیت اللھە گیروب كاھنلردن غیریسنە یمسی حلال اولمایان حضوراتمكلرینی آلوب یدی ویانندە بولنانلرە دخی ویردی دیدی ٥ وانلرە ابن الانسان سبت كوننك دخی صاحبیدردیدی۔٦ ودیكربرسبت كونندە دخی سناغوغە گیروب تعلیم ایدرایكن اورادە صاغ الی قوری برادم بولنمغلە ٧ علما ایلە فریسیلر انی اتەامە وسیلە بولمق ایچون سبت كونندە شفاویررمی دیوانی كوزە درلر ایدی ٨ اما كندیسی انلریك افكارینی بیلمكلە الی قورومش اولان ادمە قالق اورتە دە طوردیمسیلە اودخی قالقوب ظوردی ٩ وعیسی انلرە سبت كونندە قنغیسی خیرایشلمك می یوقسە شرّایشلمك می تخلیص نفس می یوقسە قتل نفس می حلالدرسزە سؤال ایدرم دیدی ١٠ واطرافندە بولنانلرڭ جملە سنە باقوب اك الكی اوزات دیمسیلە اودخی اویلە ایلدكدە الی اولبری كبی صاغ اولدی ١١ وانلر زیادە سیلە غضبلنە رق عیسایە نە ایدە لم دیو ارالرندە سویلشورلرایدی۔١٢ واول كونلردە دعاایتمك اوزرە طاغە چیقدی وبتون كیجە یی اللھە دعاایدە رك كچوردی ١٣ وصباح اولدقدە كندی شاكردلرینی یاننە چاغروب انلردن اون ایكی كیمسە ١٤ یعنی بطرس تسمیە ایدیكی سمعون ایلە قرانداشی اندراوس ویعقوب ایلە یوحنا وفیلبس ایلە پرتولماوس ١٥ ومتی ایلە توما وحلفا اوغلی یعقوب ایلە غیوردینیلان سمعون ١٦ ویعقوبك قارنداشی یهودا ایلە خائن اولان اسخریوطی یەودایی انتخاب ایدە رك انلرە رسول تسمیە ایلدی ١٧ وانلر ایلە اینوب بردوز یردە طوردی و شاكردلرینڭ جماعتی ایلە بتون شهردن واورشلیمدن وصورایلە صیدانڭ ساحلندن ١٨ انی دیكلەمك و مرضلرندن شفا بولمق اوزرە قومدن و افر خلق و ناپاك روحلردن عذاب چكنلر دخی گلوب شفا بولورلر ایدی ١٩ وبتون خلق اڭا طوقونمق استرلر ایدی چونكە اندن قوت چیقوب جملە سنە شفا ویررایدی۔٢٠ اودخی شاكردلرینە نظرقیلە رق دیدیكە ٢١ سزنە مباركسكز ای فقیرلر زیرا ملكوت اللە سزڭدر ٢٢ سزنە مباركسكز ای شمدی آجیقانلرزیرا طویە جقسكز سزنە مباركسكزای شمدی آغلایانلر زیرا كولە جكسكز ٢٣ ابن الانسان ایچون ادملر سزە بغض ایتدكلری وسزی طرد ایدوب ستم ایدكلری واسمكزی كوتوكبی چیقاردقلری زمان نە مباركسكز ٢٤ اول گوندە سوینوب صچرایكز چونكە اشتە سمادە اجركز چوقدر زیرا اجدادلری پیغمبرلرە بووجە اوزرە ایدرلر ایدی ٢٥ لكن وای سزە ای زنكینلر زیرا تسلیكزی آلدیكز ٢٦ وای سزە ای طوق اولانلرزیرا آجیقە جقسكز وای سزە ای شمدی كولنلرزیرا محزون اولوب آغلایە جقسكز٢٧ [جملە]ادملر سزڭ حقكزدە خیر سویلدكلری زمان وای سزە زیرا انلرڭ اجدادی یالانجی پیغمبرلرە بووجە اوزرە ایدرلرایدی۔٢٨ اماای یكلیانلر سزە دیرمكە دشمنلركزی سوكز سزە بغض ایدنلرە ایولكابدكز ٢٩ سزە بددعا ایدنلرە خیر دعا ایلیكز وسزی انجیدنلر ایچون دعاایلیكز ٣٠ سنڭ بر یكاغكە اورانە اولبرینی دە صون وجبە كی آلانی انتاریكی آلمقدن منع ایتمە ٣١ وسندن ھر دیلیانە ویر وسنك مالكی آلاندن انی كیرواستمە ٣٢ وادملرك سزە نە معاملە ایتملرینی استرسە كز سز دخی انلرە اویلە ایدڭز ٣٣ واكرسزی سونلری سورایسەڭز نە فضیلتكزاولورزیرا كناھكارلردخی كندیلرینی سونلری سورلر ٣٤ واكر سزە ایولك ایدنلرە ایولك ایدر ایسە ڭز نە فضیلتكز اولورزیراكناھكارلردخی ھمان بوشیئی ایدرلر ٣٥ واكر بدلنی آلمغی امید ایتدیككز كیمسەلرە اودنج ویررایسەڭز نە فضیلتكز اولور زیرا كناھكارلردخی كناھكارلرە مقابلنی كیروآلمق اوزرە اودنج ویررلر ٣٦ اما دشمنلركزی سووب ایولك ایدڭز وھیچ بربدل امید ایتمیە رك اودنج ویركز واجركز چوق اولوب متعالك اوغللری اولە جقسكز زیرا اوننكورلرە وكوتولرە نعمت ویریجیدر٣٧ ایمدی پدركز مرحمتلو اولدیغی مثللوسزدخی مرحمتلو اولكز ٣٨ حكم ایتمیكزوسزە حكم النمیە جق كیمسە نك علیھنە حكم ایتمیكز وسزڭ علیھكزدە حكم اولنمیە جق عفوایلیكز وسزە عفواولنە جق ٣٩ ویركز وسزە ویریلە جكدر باصلمش ھم سلكنمش وطاشقین ایواولچكلە قوجاغكزە ویرە جكلرزیرا سزە ھمان اولچدیككز اولچكلە اولچیلە جكدر٤٠ وانلرە برتمثیل سویلدی كوركورە قلاغوزلق ایدە بیلورمی ایكیسی دە چوقورە دوشمزمی ٤١ شاكردمعلمندن اوستون دكلدر لكن ھركامل بولنان شاكردمعلمی كبی اولور۔٤٢ ونیچون قارنداشكك كوزندە بولنان چوپە باقربدە كندی كوزكدە اولا ن مرتكە دقت ایتمز سین ٤٣ یاخود سن كدنی كوزكدە بولنان مرتكی كور میوبدە قارنداشكە ای قارنداش براق كوزكدە كی چوپی چیقارە یم نصل دیە بیلورسین ای مرائی اوّلا كندی كوزكدن مرتكی چیقارواولوقت قارنداشكك كوزندە بولنان چوپی چیقارمق ایچون ایوجە كورە جكسین ٤٤ زیرا فنامیوە ویررایواغاج یوقدر وایومیوە ویررجنا اغاج یوقدر ٤٥ زیرا ھربراغاج كندی میوە سندن بیلنور چونكە دیكنلردن انجیر دیوشیرمزلر اچالیدن اوزوم قوپارمازلر ٤٦ ایوادم قلبنك ایوخزینە سندن ایوشی چیقارروكوتوادم قلبنك كوتوخزینە سندن كوتوشی چیقارر زیرا آغزی قلبك فضلە سندن سویلر۔٤٧ ونیچون بكا افندی چاغروبدە سویلدیكم شیلری اجرا ایتمزسكز ٤٨ بكا گلوب سوزلرمی دیكلە یە رك اجرا ایدنك كیمە بكزر ایدوكنی سزە كوسترە یم ٤٩ درین قازوب تملی قیا اوزرینە قویە رق خانە بن ایدن برادمە بكزر وصولرجوشدقدە سیل اول خانە یە ھجوم ایتدی وقیااوزرندە تأسیساولندیغندن انی صارصمغە قادر اولمادی ٥٠ اما دیكلە یوبدە اجرا یتمیان ادم طوپراق اوزرندە تملسزخانە بن ایدن ادمە بكزرواڭاسیل ھجوم ایتدیگی كبی دوشدی واول خانە نك خرابیتی عظیم اولدی دیدی۔