١ اول كونلردە بتون دنیانڭ تحریرنفوسی ایچون قیصر اغوسطوس طرفندن فرمان صدور ایتدی ٢ بو ایلك تحریر قرینوس سوریە والیسی ایكن اولدی ٣ وجملەسی تحریری اولنمق ایچون ھر كس كندی شھرینە كیدرایدی۔٤ ایمدی یوسف دخی داودك بیت ونسلندن اولمغلە حاملە اولان نشانلوسی مریم ایلە برابرتحریراولنمق ایچون ٥ جلیلدن ناصرت سھرندن یهودیە یە بیت لحم دینیلان داودك شھرینە چیقدی٦ وانلراورادە ایكن مرقومە نك طوغورە جق وقتی تمام اولدقدە٧ ایلك اوغلنی طوغوردی وانی قونداقلایوب كندیلرە خاندە یر اولمامغلە یملكدە یاتردی۔٨ واول جواردە اووەدە قالوب سوریلرینی كیجە لین بكلیان چوبانلر وار ایدی ٩ واشتە ربك ملكی اوزرینە اینوب اطرافلرندە ربك جلالی ضیا ویرمكلە زیادە سیلە قورقدیلر ١٠ وملك انلرە قورقما یكز زیرا اشتە بتون قومە وقوع بولە جق عظیم بر مسرتی سزە تبشیر ایدرم ١١ چونكە سزە بو گون داودك شھرندە مسیح روب اولان خلاصكار طوغمشدر ١٢ وقوندا قلانمش ویمكلدە یارار بر معصوم بولمە كز سزە نشان اولە جقدر دیدی ١٣ وآنسزین ملك ایلە براب جنود سماویە نك بر جمھوری حاضربولنوب اللھە ثنا ایدە رك ١٤ اك یوجەلردە اللھە حمد یراوزرندە سلامت ادملردە حسن رضادیدیلر۔١٥ وملكلرینلرندن سمایە چیقدقلرندە اول چوبانلر بری برینە شمدی بیت لحمە قدرواروب ربك بزە بیلدردیكی بوواقعە یی كورە لم دیدیلر١٦ وعضلۃًكیدوب مریم ایلە یوسفی ویمكدە یاتان معصومی بولدیلر ١٧ وكوردكدنصڭرە بو معصومك حقندە كندیلرە سویلنیلان شیئی اطرافە نشرایتدیلر ١٨ وایشیدنلرك جملەسی چوبانلرڭ كندیلرە سویلد كلری شیلرە تعجّب ایتدیلر ١٩ مریم دخی بوشیلرڭ جملەسنی قلبندە تفكرایدە رك حفظ ایدرایدی ٢٠ وچوبانلر كندیلرینە سویلدیكی وجھلە ایشیدوب كوردكلری جملە شیلردن طولایی اللھە حمد وثنا ایدە رك وردت ایتدیلر۔٢١ ومعصومك ختانی ایچون سكز گون تمام اولدقدە اوعھا نا رحمندە موجود اولمازدن اوّل ملك طرفندن تسمیە اولندیغی اوزرە عیسی تسمیە اولندی٢٢ وموسانڭ شریعتی موجبنجە انلرڭ تطھیركونلری تمام اولدقدە ھر ایلك طوغان اركك چوجوق ربە مقدّس دینیلە دیو ٢٣ ربك شریعتندە یازلدیغی اوزرە معصومی ربە تقدیم ایتمك ٢٤ وربك اوزرە قربان عرض ایتمك ایچون انی اورشلیمە چیقاردیلر ٢٥ واشتە اورشلیمدە سمعون اسمندە صالح واھل تقوابرادم بولنوب اسرائیكتسلیسنە منتظر اولە رق روح القدس اُنڭ اوزرندە ایدی٢٦ وربك مسیحنی كورمینجە اولو كورمیە جكی روح القدس طرفندن كندیسنە وحی اولنمش ایدی ٢٧ وشریعت عادتی اقتضاسنی حقندە اجرا ایتمك اوزرە والدینی معصوم عیسایی ایچری كتوردكلرندە مذكور دخی روحك دلالتیلە ھیكلە گلوب ٢٨ انی قوجاغنە آلە رق اللھە حمد ایدوب ٢٩ یارب شمدی سنڭ كلامكە كورە قولكی سلامتلە صالیویررسین ٣٠ زیرا كوزلرم ھپ ملتلرحضوردنە٣١ طائفەلرك تنوریری ایچون نور وقومك اسرائیلە شان اولمق اوزرە ٣٢ حاضر لایغك خلاصكی گوردی دیدی ٣٣ ووالدە سی ایلە یوسف اُنڭ حقندە سویلنیلان شیلرتعجّب ایدرلرایدی ٣٤ سمعون دخی انلرە خیردعا ایدوب اُنڭ والدەسی مریمە دیدیكە اشتە بو معصوم اسرائیلدە چوق كیمسەلرك دوشمسی وقالقماسی ایچون وعلیھندە سویلنیلە جك بررعلامت اولمق اوزرە قونلمشدر٣٥ (وسنك كندی جانڭە دخی برقلیج كچە جك)تاكە چوق قلبلرك افكاری كشف اولنە۔٣٦ وآشیرسبطندن فانوئیلك قزی حنا نام برنبیە وارایدی۔مرقومە خیلی یشلو اولوب بكارتی وقتندن یدی ییل قوجە ایلە یاشامش اولوب ٣٧ تریباًسكسان درت سنە دنبروطول قالە رق كیجە كوندوز اوروج ودعاایلە عبادت ایدە رك ھیكلدن آیرلماز ایدی٣٨ اودخی اوساعتدە حاضر بولنوب ربە حمد ایدە رك اورشلیمدە خلاصە منتظر اولانلرڭ جملە سنە اُنڭ حقندە سویلرایدی۔٣٩ انلر دخی رب شریعتی موجبنجە جملە واجب اولان شیلری اجرا ایتد كد نصڭرە جلیلە كندی شھرلری ناصرتە عودت ایتدیلر۔٤٠ معصوم دخی بیویوب و[روحدە]قوتلنە رك وحكمتلە مملو اولە رق اللھك لطفی اُنڭ اوزرندە ایدی۔٤١ وانڭ والدینی ھر سنە فصح بیرامندە اورشلیمە كیدرلرایدی۔٤٢ وعیسی اون ایكی یاشندە ایكن انلر بەرامك عادتی اوزرە اورشلیمە چیقدیلر ٤٣ وكونلرینی تمام ایدوب عودت ایتدكلرندە چوجوق عیسی اورشلیمدە قالدی ویوسف ایلە والدەسی بونی نیلمیە رك ٤٤ یولداشاراراسندە در ظنیلە بركونلك یول كیتمشلر ایكن انی اقرباایلە آشنالرینك اراسندە ارادیلر ایسە دە ٤٥ بولمامغلە انی ارایە رق اورسلیمە دوندیلر٤٦ واوچ كوندنصڭرە انی ھیكلدە معلملراراسندە اوتورمقدە وانلری دیكلە یوب انلرە سؤاللرایراد ایتمكدە بولدیلر ٤٧ وانی ایشیدنلرك جملەسی دخی درایتنە وجوابلرینە حیرتدە قالورلرایدی۔٤٨ وانی كوردكلرندە حیران اولوب والدەسی اڭا ای اوغل بزە نیچون بویلە ایتدك اشتە پدرك وبن الم چكە رك سنی ارایور ایدك دیدی۔٤٩ اودخی انلرە بنی نیچون ارایور ایدیكز پدرمك بیتندە بولنمقلغم واجطب ایدوكنی بیلمزمی ایدیكز دیدی ٥٠ وانلرڭندیلرە سویلدیكی سوزی فھم ایتمدیلر ٥١ ادخی انلرایلە برابر اینوب ناصرتە گلدی وانلرە اطاعت ایدر ایدی سی دخی بوسوزلرك جملەسنی قلبندە حفظ ایدی ایدی۔٥٢ وعیسی حكمت وقامتدە واللھك وانسانڭ حسن نظرندە ایلرولمكدە ایدی۔