٢
و نون اوغلو يشوع، شطيمدن إکي ادم جسوسلخ اتميە گزلي گوندردي و اونلرە ﴿ گدن ولايتي و أريحايي گورُن۔﴾ ددي، او زمان گتديلر و بير فاحشه اروادن ائونە گيرديلر و اونن إسمي راحابدي و اوردە ياتديلر۔٢ أريحا قرالنە خبر ويرديلر کي، اهجخ بو گجە إسرائيلن اوشاخلرندن ولايتي جسوسلخ اتمک إيچن ادملر بوريە گلديلر۔٣ او زمان، أريحا قرالي، راحابە ادم گوندردي و اونە ﴿سنە گلان و سنن ائونە گيران ادملري چيخار، چونکو بوتون ولايتي جسوسلخ اتمک إيچن گلديلر۔﴾ ددي٤ و ارواد، او إکي ادمي الدي و اونلري ساخلادي و ددي کي، ائوت او ادملر بنە گلديلر اما هاردن اولدخلرني بلمادم۔٥ و قرانلخدە قاپي قاپاتميە ياخن، او ادملر دشري چيخديلر و هاريە گتدکلرني بلميوم، چبيک ارخەلرندن گدن کي، اونلرە اولاشجنز۔٦ اما او اونلري دامە چيخاردي و دامن اوستنە سرديي کتان داللرندە ساخلانمشدي۔٧ بو إيچن ادملر اُردن يولُندن تا گچيدلرە قدر اونلرن ارخەسندن گتديلر و ارخەلرندن گدان ادملر دشريە چيخدخدن سونرا، قاپيي قاپاتديلر۔٨ و اونلر ياتمادن اوَل، ارواد اونلرن ياننە دامە چيخدي۔٩ او ادملرە ددي کي، رب سزە بو ولايتي ويرديني و سزن قورخونُز اوستمزە دوشديني و ولايتن بوتون ساکنلري سزن اوگنزدن أريديني، بليوم۔١٠ چونکو مصردن چيخدينز زمان، رب قلزم دنيزن صويلرني نصل اوگنزدە قورتديني و اُردنن اوتکي طرفندە أموريلرن إکي قرالنە، يعني سيحون و عوجە ناي ياپدينزي و اونلري محي اتدينزي دويدوخ۔١١ و دويديمز زمان، يورگمز أريدي و سزن إيچن هيچ کيمسەدە ارتخ جان قالمادي، چونکو رب اللەنز يوخاردە سمادە و اشاغيدە يردە اللەدر۔١٢ او زمان شندي بنم إيچن ربە يمن ادن کي، بن سزە مرحمت اتديم کمي، سزدە بابامن ائوندن مرحمت ادن و بير صح علامت بنە ويرن۔١٣ و بابامي و انامي و قارداشلرمي و قز قارداشلرمي و اونلرن بوتون هر شيلرني ديري قوارتجنز و جانلرمزي اؤلومدن قورتارجنز۔١٤ او ادملر اونە ﴿رب بو ولايتي بزە ويرديي زمان، اگر بو إيشمزن اوستُنو اچماديسانز، جانلرمز سزن إيچن اؤلسن، سزە أکيد إييلک و امينلک ادجک۔﴾ دديلر١٥ اوندن سونرا اونلري طاغەدن إيپدن إيندردي، چونکو اونن ائوي شهرن دووارنن اوستندەدي و او دووارن اوستندە ساکندي۔١٦ و اونلرە ﴿داغە گدن کي، ارخەنزدن گلانلر سزە اولاشماسنلر و اونلر گيري دؤننە قدر، اوچ گون اوردە گزلەين، اوندن سونرا يولُنزە دوام ادن۔﴾ ددي١٧ او ادملر اونە دديلر کي، بزە ويردين بو يمندن يراخ اولجخ۔١٨ اهجخ بز ولايتە گيرديمزدە، بو قِرمزي إيپي بزي إيندردين طاغەدن باغلا و باباني و اناني و قارداشلرني و بابانن بوتون ائوني گندي ائونە توپلا۔١٩ هر کيم سنن ائونن قاپيسندن دشري چيخديسە، اونن قاني گندي باشي اوستنە اولجي و بزدن يراخ اولجي و هر کيم سندن برابر ائودە اولديسە، اگر بير کيمسە اونە دوخُنديسە، اونن قاني بزم باشمزِن اوستنە اولجي۔٢٠ اگر بو إيشمزن اوستُنو اچديسن، بزە ويردين يمندن يراخ اولجخ۔٢١ و او ﴿سويلەدينز کمي اولسن۔﴾ ددي، او زمان اونلري يولە چيخاردي و گتديلر و قِرمزي إيپي طاغەيە باغلادي۔٢٢ و اونلر گتديلر و داغە اولاشديلر و ارخەلرنە گدان ادملر دؤننە قدر، اوردە اوچ گون قالديلر و ارخەلرنە گدان ادملر بوتون يولو اراديلر، اما اونلري بولماديلر۔٢٣ اوندن سونرا او إکي ادم دؤنديلر و داغدن اشاغيە إينديلر و نهردن گچديلر و نون اوغلو يشوعُن ياننە اولاشديلر و باشلرنە گلان هر شيي اونە سويلەديلر۔٢٤ و يشوعە ﴿صحدن رب بوتون ولايتي المزە تسليم اتمش و ولايتن بوتون ساکنلري بزم سببمزدن، أريمشلر۔﴾ دديلر