يشوع
١
ربن خزمتچيسي موسۍنن اؤلومندن سونرا، رب موسۍنن خزمتچيسنە، يعني نون اوغلو يشوعە سَسلندي و ددي کي،٢ خزمتچم موسى اؤلدي، شندي قالخ و سن و بوتون بو ملت، بو اُردن نهرندن اونلرە، يعني إسرائيلن اوشاخلرنە ويرجيم طُپراخە گچ۔٣ موسۍيە سويلەديم کمي، اياغنز باسديي هر يري سزە ويردم۔٤ چؤلدن و بو لبناندن تا بويوک نهرە، يعني فراتە نهرنە قدر، بوتون حتليلرن ولايتني تا بويوک دنيزە گونش باتدي يرە قدر، حدودُنز اولجي۔٥ بوتون عُمرنن گونلرندە سنن ضدنەکيمسە دورە بلميجي و موسۍدن برابر اولدم کمي، سندن دە برابر اولجم وسني براخميجم و ترک اتميجم۔٦ قواتلي و يورکلي اول، چونکو بابالرنە ويرمک إيچن يمن اتديم ولايتي سَن بو ملتە ميراث إيچن ويرجن۔٧ بس قواتلي و چوخ يورکلي اول و دقت ات کي، خزمتچم موسۍنن سنە امر اتديي بوتون شريعتي حسبندە ادەسن و هر گتدين يري اوتمخ إيچن، صاغە و صولە گِتما۔٨ بو تورات کتابي سندن يراخلاشماسن، لکن گجە و گوندوز اونن اوستندە دوشُن کي، اوندە يازلمش اولان هر شين حسبندە دقتدن يرنە گتر چونکو او زمان يولُن اوجرتلي اولجي و اوتجن۔٩ سنە امر اتمادم مى؟ قواتلي و يورکلي اول و قورخما وشاشما، چونکو هر هاريە گتديسن رب اللهن سندن برابردر۔١٠ اوندن سونرا يشوع، ملتن رئيسلرنە امر اتدي ددي کي،١١ مخيمن اورتەسندن گچان و ملتە امر ادن و سويلەين کي، گندنزە ارزاخ حاضرلەين، چونکو رب اللەنز سزە ويرديي ولايتە گيرجنز و اونو صاحب اولمخ إيچن، اوچ گوندن سونرا بو اُردندن گچجنز۔١٢ و يشوع رأوبينليلري و جادليلري و منسى قبيلەسنن ياريسنە سَسلندي و ددي کي،١٣ عقلنزە گترن کي، ربن خزمتچيسي موسى سزە امري اتمشدي کي، رب اللەنز سزە إرحتلخ ويرر و بو يري سزە ويرجي۔١٤ اروادلرنز و اوشاخلرنز و سورولرنز، موسۍنن سزە ويرديي اُردُنن اوتکي طرفندە قالسن، اما سز، يعني بوتون صواشجي ادملرنز سلاحلانسن و قارداشلرنزن اوگندە گچسن و اونلرە ياردم ادن۔١٥ تا رب قارداشلرنزە سزن کمي إرحتلخ ويرسن و اونلر دە رب اللەنزن اونلرە ويرديي يرە صاحب اولسنلر، او زمان، ميراثنزن ولايتنە دؤنجينز و ربن خزمتچيسي موسۍنن سزە اُردنن اوتکي طرفندە گونشن شرق طرفندە ويردينە صاحب اولجنز۔١٦ اونلر يشوعە جواب ويرديلر و ﴿بزە هر ناي امر اتديسن، ادجک و بزي هر هاريە گوندرديسن گدجک۔١٧ هر شيدە موسۍيە دينلەديمز کمي، سنە دە دينليجک، بس رب الله موسۍدن اولديي کمي، سندن برابر اولسن۔١٨ هر کيم سنن امرندن واز گچديسە و اونە امر اتدين زمان، سوزنە دينلەماديسە، اؤلدرلجي، بس قواتلي و يورکلي اول۔﴾ دديلر