٣
و صباحلين يشوع ائرجەدن قالخدي و اوندن برابر اولان إسرائيلن بوتون اوشاخلري شطيمدن چيخديلر و اُردنە گلديلر و گچمادن اوَل اوردە قالديلر۔٢ و اوچ گوندن سونرا، اونلرن رئيسلري مخيمن اورتەسندن گچديلر۔٣ و ملتە امر اتديلر و دديلر کي، رب اللەنزن انلاشمە تابوتُني و اونو الاتَن لاويليلر کاهنلري گوردينز زمان، يرينزدن قالخِن و اونن ارخەسندن گدن۔٤ و سزن و اونن اورتەنزدە بين متر بوشلخ اولسن و اونە ياخلاشماين کي، گدجينز يولو بلەسننز، چونکو بوندن اوَل بو يولدن هيچ گچمادنز۔٥ و يشوع ملتە ﴿گندنزي تقديس ادن چونکو يارن رب اورتەنزدە عجيب إيشلر ادجي۔﴾ ددي٦ و يشوع کاهنلرە ﴿انلاشمە تابوتُني قالدرن و ملتن اوگندن گدن۔﴾ ددي و انلاشمە تابوتُني قالدرديلر و ملتن اوگندن گتديلر۔٧ و رب يشوعە ددي کي، بو گون سني بوتون إسرائيليلرن گوزلرندە يوجەلتميە باشليجم کي، اونلر موسۍدن برابر اولدُم کمي سندن دە برابر اولدُمو بلسنلر۔٨ شندي سَن انلاشمە تابوتُني داشيان کاهنلرە امر ات و سويلە کي، اُردن صويونن ياننە اولاشدينز زمان، اُردندە دورن۔٩ و يشوع إسرائيلن اوشاخلرنە ﴿بوريە ياخلاشِن و رب اللەنزن سوزلرني دينلەين۔﴾ ددي١٠ و يشوع ﴿ديري اولان اللهن اورتەنزدە اولديني بوندن بلجنز و کنعانيلري و حتيلري و حويلري و فرزيلري و جرجاشيلري و أموريلري و يبوسيلري، اوگنزدن أکيد قووجي۔١١ اهجخ بوتون دونيانن صاحبنن انلاشمە تابوتي سزن اوگنزدە اُردندن گچيجي۔١٢ او زمان شندي، إسرائيلن نسللرندن اون إکي ادم ، يعني هر نسلدن بير ادم الِن۔١٣ بوتون دونيانن صاحبي ربن انلاشمە تابوتني داشيان کاهنلرن اياخلرنن التي اُردنن صويلرنە گيردکلري زمان، يوخاردن إينان اُردنن صويو کاسلجي و کومە کمي دورجي۔١٤ و ملت اُردندن گچمک إيچن چادرلرندن چيخدخلري زمان، انلاشمە تابوتني داشيان کاهنلر ملتن اوگندە گديوديلر۔١٥ تابوتي داشيانلر اُردنە اولاشديلر و تابوتي داشيان کاهنلرن اياخلري صويُن ياننە باتديي إيچن، اُردنن بوتون حصد زمانندە بوتون يانلرندن داشيو۔١٦ يوخاردن إينان صويلر دورديلر و چوخ يراخدە، صرتان يانندە اولان أدام شهرندە، کومە حالدە قالخدي و عربە دنيزنە طرف، يعني توز دنيزنە إينان صويلر تماماً کاسلدي و ملت أريحانن اوگندن گچدي۔١٧ ربن انلاشمە تابوتني داشيان کاهنلر، اُردنُدە قورولخ يردە سرت دايانديلر و بوتون ملت تماماً اُردندن گچنە قدر، بوتون إسرائيل قورولخدن گچديلر۔