٤٠
و رب موسۍدن قونُشدي و اونە ٢ ﴿اوَل اين بيرنجي گوننده مسکني يعني إجتماع چادرني قور ٣ و شهادت تابوتني اونن إيچنه قوي و پردەيي تابوتن يانندە اچ ٤ و طاولەيي چيخار و لازم شيلري سيرادن اونن اوستنە قوي و منارەيي چيخار و چراغلرني حاضرله ٥ و التن مذبحي بخور إيچن شهادت تابوتن ياننه قوي و مسکنن قاپيسنن پردەسني اس ٦ و ياخمالي قوربان مذبحني مسکنن قاپيسنن يعني إجتماع چادرن ياننه قوي ٧ و حوضو إجتماع چادرن و مذبحن اورتەسنه قوي و إيچنه صوي دوک ٨ و حاوشن دووارلرني قور و حاوشن قاپيسنن پردەسني اس٩ و مسح ياغني ال و مسکني و إيچندەکي هر شيي تقديس ات کي مقدس اولسن ١٠ و ياخمالي قوربانن مذبحني بوتون اشيالرندن برابر مسح ات و مذبحي تقديس ات و مذبح ائن مقدس اولجي ١١ و حوضو و اياخني مسح و تقديس ات
١٢ و هارون و اوغلولرني إجتماع چادرن قاپيسنه گتر و اونلري صويدن يو ١٣ و هارونن مقدس اسبابلرني گايدِر و اونو مسح و تقديس ات کي بنە کاهنلِک اتسن ١٤ و اوغلولرني ياخلشدر و قميصلري اونلره گايدِر ١٥ و بابالرني مسح اتدين کمي اونلري دە مسح ات کي بنە کاهنلِک اتسنلر و اونلرن بو مسحي سونسز بير کاهنلِک إيچن اونلرن اوشاخلرنده اولجي۔﴾ ددي ١٦ و موسى ربن امر اتديي حسبنده ياپدي۔
١٧ و بله اولدي کي مسکن إکنجي سنەنن اوَل اينن اوَل گونندە قورلدي ١٨ موسى مسکني قوردي و اياخلرني ياپدي و تختەلرني ثابت اتدي و سورگولرني و عمودلرني قوردي ١٩ و چادري مسکنن اوستنە چکدي و ربن موسۍيه امر اتديي کمي چادرن اؤرتوسني اونن اوستنە اچدي۔ ٢٠ و شهادت لوحەلرني الدي و اونو تابوتن إيچنه قويدي و داينکلري و رحمت کرسيسني تابوتن اوستنە قويدي ٢١ و ربن موسۍيه امر اتديي کمي تابوتي مسکنن إيچنه الاتدي و اؤرتو پردەسني اصدي و اونو شهادت تابوتن اوستنە اچدي
٢٢ و طاولەيي إجتماع چادرنده، مسکنن شمال طرفنده، پردەنن دشريسنه قويدي ٢٣ و ربن موسۍيه امر اتديي کمي اکمگي ربن حضورنده حاضرلەدي
٢٤ و منارەيي إجتماع چادرنده طاولەنن اوگنه يعني مسکنن جنوب طرفنه قويدي ٢٥ و ربن موسۍيه امر اتديي کمي چراغلري ربن حضورنه قويدي
٢٦ و التن مذبحي إجتماع چادرن إيچندە پردەنن اوگنه قويدي ٢٧ و ربن موسۍيه امر اتديي کمي اونن اوستندە قوخلو بخور ياخدي
٢٨ و مسکنن قاپيسنن پردەسني اصدي ٢٩ و ربن موسۍيه امر اتديي کمي ياخمالي قوربانن مذبحني مسکنن يعني إجتماع چادرن يانندە قوردي و اونن اوستندە ياخمالي قوربان و تقدمە تقدم اتدي
٣٠ و حوضو و إجتماع چادرني مذبحن اورتەسنده قوردي و يخانمخ إيچن إيچنه صوي دوکدي ٣١ و موسى و هارون و اونن اوغلولري اللرني و اياخلرني اونن إيچندە يوديلر ٣٢ ربن موسۍيه امر اتديي کمي ناوخت إجتماع چادرنه گيردکلري زمان مذبحن يانندە يخانيوديلر
٣٣ و حاوشده مسکنن و مذبحن اطرافنده دووارلر ياپدي و حاوشن قاپيسنن پردەسني اصدي و موسى بو إيشي بتردي۔
٣٤ او زمان بلوت إجتماع چادرني اؤرتدي و ربن شريفي مسکني دولدردي ٣٥ و موسى إجتماع چادرنه گيرەبلمادي چونکو بلوت اونن اوستندە دوريودي و ربن شريفي مسکني دولدرمشدي