٣٤
و رب موسۍيه ﴿اوَل کمي گندنه إکي تانه لوحە aکاس و بن قردين اوَل لوحەلرن اوستندەکي سوزلري بو لوحەلرن اوستنە يازجم ٢ و صباح حاضر اول و صباح ائرجەدن سينا داغندن يوخاري چيخ و داغن باشنده بنم حضورمده دور۔ ٣ و هيچ کيمسە سندن برابر يوخاري چيخماسن و بوتون داغده هيچ کيمسە گورنماسن و هيچ بير اوکوز و داوار بو داغن طرفنده يايلماسن۔﴾ ددي٤ سونرا موسى اوَل کمي إکي تانه لوحه کاسدي و صباح ائرجەدن ربن دديي کمي سينا داغندن يوخاري چيخدي و إکي تانه لوحەيي الِنده الاتدي۔ ٥ و رب بلوتده إيندي و اورده اوندن برابر دوردي و ربن إسمنه سَسلندي ٦ و رب اونن اوگندن گچدي و بله سَسلندي رب رحيم رب و عف ادان و گچ غضبلنان و إييلکدن و محبتدن دولو اولان ٧ و بينلر کشيه رحمتليدر و خطاسي و اطاعتسزليي و گوناهي عف ادان اما جزاسز قوارتميان و بابالرن خطاسني اوغلولرندن و اوغلولرنن اوغلولرندن يعني اوچنجي و دوردنجي نسللرنه قدر جزالاندرجي۔﴾ ددي
٨ و موسى تِز يره دوشدي و ديز چُکدي۔ ٩ و ﴿يا رب اگر صح سنن گوزنده نعمت بولديسم سنە يالواريوم بزدن گل چونکو بو ملت اطاعتسز بير ملتدر! بو إيچن خطالرمزي و گوناهمزي عف ات و بزي گندي ميراثن ياپ۔﴾ ددي
١٠ رب اونە ﴿اهجخ بير انلاشمه ياپيوم و سنن بوتون ملتنن گوزونن اوگنده عجيب إيشلر ياپجم کي بوتون دونيادە و بوتون ملتلرن إيچندە ياپلمامش و إيچندە اولدُن بوتون بو ملت ربن إيشني گورجيلر چونکو سندن ياپمخ إستەديم بو إيش چوخ قورخنچ بير إيشدر۔ ١١ بو گون سنە امر اتديمي ياپ۔ اهجخ بن أموريلري و کنعانيلري و حتيلري و فرزيلري و حويلري و يبوسيلري سنن اوگندن قووجم۔ ١٢ موخيات اول کي گتديِن او ولايتده ياشيانلردن انلاشمه ياپما يوخسە اورتەنزده بير توزاخ اولجي۔ ١٣ بالعکس اونلرن مذبحلرني محي ادن و صنملرني قرن و اونلرن bاشيرم صنملرني کاسن۔ ١٤ باشخە اللهه تاپماين چونکو ربن إسمي قزخانجدر و قزخانج بير ربدر۔ ١٥ اوردەخي ياشيانلردن انلاشمه ياپما چونکو اللەلرن ارخەسندن زنا اديولر و اللەلرنن يانندە قوربان تقدم اديولر و سني دە دعوت ادجيلر و اونلرن قوربانلرندن ييجن ١٦ و اوغلولرني اونلرن قزلرندن ائولندرجن و ناوخت اونلرن قزلري اللەلرنن ارخەسندن زنا اتديسەلر او زمان اوغلولرندە اللەلرنن ارخەسندن زنا ادجيلر۔
١٧ گندن إيچن دوکمه اللەلر ياپما۔
١٨ خميرسز بايرامي ياپ و سنە امر اتديم کمي أبيب اين معين وقتنده يدي گون خميرسز اکمک يه چونکو أبيب اينده مصردن دشري چيخدن۔
١٩ هر کيم بَيت رحمني اچديسه يعني سنن حيوانلرندن اوَل دوغان ارککلر يعني اوکوز يا دە داوار بنمدر ٢٠ و اشگن اوَل دوغردينن يرنه بير تانه قوزو تقدم ات و اگر تقدم اتماديسن اونن بويننو قر و اوغلولرنن اوَل اوشاخلرني تقدم ات و بنم حضورمده هيچ کيمسە الي بوش دورماسن۔
٢١ التي گون إيشله و يدنجي گونده سبتي حفظ ات۔ تارلا سورما و بچما وقتنده دە سبتي حفظ ات۔
٢٢ هفتەلر بايرامني يعني بوغدانن اوَل حصدنن بايرامني و سنەنن اخرندە توپلامخ بايرامني ات۔
٢٣ سنن بوتون ارککلرن هر سنە اوچ دفعە إسرائيلن رب اللهنن حضورنده حاضر اولسنلر۔ ٢٤ چونکو ملتلري سنن اوگندن قووجم و سنن حدودني بويوتجم و ناوخت هر اوچ سنەده بير دفعە رب اللهنن حضورندە حاضر اولمخ إيچن گلديسن هيچ کيمسە سنن ولايتنه طمع اتميجي۔
٢٥ بنە تقدم اديلان قوربانن قانني خميرلي اکمکدن تقدم اتما و فصح بايرامن قورباني صباحه قدر قالماسن۔
٢٦ طُپراخنن اوَل حصدني رب اللهنن ائونه گتر و گچيي اناسنن سوتنده بشرما۔﴾ ددي
٢٧ و رب موسۍيه ﴿بو سوزلري ياز چونکو بو سوزلرن حسبنده سندن و إسرائيلدن انلاشمه ياپدم۔﴾ ددي ٢٨ و قرخ گون و قرخ گجه موسى ربدن قالدي و اکمک يەمادي و صوي إيچمادي و او انلاشمەنن سوزلرني يعني اون امري لوحەلرن اوستندە يازدي
٢٩ و موسى سينا داغندن اشاغي إينديي زمان إکي تانه شهادت لوحەلري الندەدي و بلمادي کي ربدن قونُشمەسي إيچن يوزونن دريسي پارليودي۔ ٣٠ اما هارون و إسرائيلن بوتون اوشاخلري موسۍي گورديلر کي اونن يوزونن دريسي پارليو۔ بو إيچن اونە ياخلشمخدن قورخديلر ٣١ و موسى اونلري چاغردي و هارون و إجتماعنن بوتون رئيسلري اونن ياننه دؤنديلر و موسى اونلردن قونُشدي۔ ٣٢ اوندن سونرا إسرائيلن بوتون اوشاخلري ياخلاشديلر و موسى ربن سينا داغنده ددي شيلري اونلره امر اتدي ٣٣ و موسى اونلردن قونُشدخدن سونرا يوزونو بير ناقبدن اؤرتدي۔ ٣٤ ناوخت موسى قونُشمخ إيچن ربن حضورنه گيريودي يوزندەکي ناقبي قالدريودي و دشري چيخيودي۔ و دشري چيخديي زمان اونە امر ويريلانلري إسرائيلن اوشاخلرنه سويليودي ٣٥ و إسرائيلن اوشاخلري موسۍنن پارليان يوزونو گوريوديلر و موسى ربدن قونُشميه گدانه قدر يوزونو ناقبدن اؤرتيودي۔