١١
١ ایمدی الله كندی قومنی رد ایتدیمی دیورم. حاشا زیرا بن كندم دخی ابراهیم نسلندن بنیامین سبطندن بر اسرائیللو ایم٢ الله اوّلدن بیلدیكی كندی قومنی رد ایتمدی یوقسه ایلیا فقره‌سنده كتابك نه دیدیكنی بیلمیورمیسڭز نصل كه اللهه اسرائیلك علیهنده شكایت ایده‌رك٣ یا رب سنڭ پیغمبرلركی قتل ایدوب مذبحلركی ییقدیلر و بن یالڭز قالدم بنم جانمه دخی قصد ایدیورلر [دیر]٤ لكن جواب اللهی اڭا نه دیر. بعل صنمه دیز چوكمه‌مش یدی بیك ادم كندم ایچون آلیقودم٥ كذلك حال حاضرده دخی عنایت انتخابی اوزره بر بقیه موجوددر٦ و اگر عنایتله ایسه آرتق عمللردن دكلدر یوقسه عنایت آرتق عنایت اولماز [و اگر عمللردن ایسه آرتق عنایت دكلدر یوقسه عمل آرتق عمل اولماز]٧ اویله ایسه نه‌در اسرائیل ارادیغی شیئه نائل اولمادی اما انتخاب اولنانلر نائل اولدی و باقیلری تا بو كونه‌دك كورلندیلر٨ نته كیم یازلمشدر كه الله انلره غفلت روحی كورمز كوزلر و ایشیتمز قولاقلر ویردی٩ داود دخی انلرك سفره‌سی كندیلرینه طوزاق و كمند و توڭز و جزا ایچون اوله١٠ كوزلری كورمه‌‌مك ایچون قرارسون و بللرینی دائما بو‌ك دیر١١ ایمدی یا كلملری دوشمك ایچونمی اولدی دیورم. حاشا آنجق كندیلری غیرتلندرمك اوزره كندی خطالریله خلاص طائفه‌لره گلدی١٢ و اگر انلرك خطاسی دنیانك غنیلكی و اكسلملری طائفه‌لرك غنیلكی اولدی ایسه انلرك تمامیتی نه قدر زیاده اوله‌جقدر١٣ زیرا سز طائفه‌لره سویله‌یورم بن طائفه‌لرك رسولی اولدیغم مناسبتله خدمتمی مشرف طوتارم١٤ بلكه بر وجهله قوممی غیر تلندروب انلردن بعضلرینی خلاص ایده‌یم١٥ زیرا اگر رد اولنملری دنیانك مصالحه‌سی ایسه قبول اولنملری اولولردن حیات بولمقدن غیری نه اولور١٦ و اگر طرفانده مقدّس ایسه خمیر دخی مقدسدر و اگر كوك مقدّس ایسه داللر دخی اویله‌در١٧ و اگر اول داللرك بعضیسی قوپاریلوبده سن یبانی زیتوندن اولدیغك حالده انلرك اراسنه آشیلانه‌رق زیتون اغاجنك كوكنه و سمیزلكنه حصه‌دار اولدك ایسه داللر أوزرینه تفخر ایتمه١٨ اما اگر تفخر ایدر ایسه‌ك بیل‌كه سن كوكی طاشیمایورسین فقط كوك سنی طاشیور١٩ ایمدی بنم آشیلانمقلغم ایچون اول داللر قوپارلدی دیه‌جكسین٢٠ پك ایو انلر ایمانسزلق سببندن قوپارلدیلر اما سن ایمانله ثابت سین. تكبر ایتمه آنجق خوف ایله٢١ زیرا اگر الله طبیعی داللری اسركمدی ایسه صاقن سنی دخی اسركمسون٢٢ ایمدی اللهك كرمنه و شدتنه باق دوشنلر اوزرینه شدت اما سنڭ اوزركه كرم اگر اول كرمده ثابت قالورسه‌ك یوقسه سن دخی كسیله‌جكسین٢٣ و انلر دخی ایمانسزلقده قالمادقلری تقدیرده آشیلانه‌جقدر زیرا الله انلری ینه آشیلامغه قادردر٢٤ زیرا سن اگر طبیعتجه یبانی اولان زیتون اغاجندن كسیلوب طبیعته مخالف اوله‌رق ایو زیتون اغاجنه آشیلاندك ایسه نه قدر زیاده بو طبیعی اولانلر كندیلرك زیتون اغاجنه آشیلانسه‌لركر ڭدر٢٥ زیرا ای برادرلر كندیكزی عقللو كورمه‌مڭز ایچون استمم كه شو سرّ یعنی طائفه‌لرك تمامیتی كلنجه‌یه دكین اسرائیله بر مرتبه كورلك وقوع بولدیغی مجهولڭز اوله٢٦ شویله كه بتون اسرائیل خلاص بوله‌جقدر نته كیم صهیوندن خلاصكار گلوب یعقوبدن فسقی دفع ایده‌جكدر.٢٧ و كناهلرینی دفع ایتدیكم زمان طرفمدن انلره اولان عهد بودر دیو یازلمشدر٢٨ واقعا بشارته نسبتله انلر سزڭ سببكزه دشمندر لكن انتخابه نسبتله اجداد سببنه سوكیلودرلر٢٩ زیرا اللهك موهبه‌لری و دعوتی ندامتدن بری‌در٣٠ زیرا سز بر زمان اللهه ایمان ایتمدیكڭز حالده شمدی انلرك ایمانسزلغی سببندن مرحمته نائل اولدیغڭز مثللو٣١ كذلك شمدی انلر ایمان ایتمدیلر تا كه مظهر اولدیغڭز مرحمتله كندیلری دخی مرحمته نائل اوله‌لر٣٢ زیرا الله جمله‌سنه مرحمت ایتمك اوزره جمله‌سنی ایمانسزلق آلتنه قپادی.٣٣ ای اللهك غنیلك و حكمت و علمنك درینلكی انك حكملری تفحصدن و طریقلری تفتیشدن نه قدر اوستوندر٣٤ زیرا ربك فكرینی كیم بیلدی یاخود انك مستشاری كیم اولدی٣٥ یاخود اڭا كیم اوّل ویردی كه كندینه مكافات ویریله٣٦ زیرا جمله شیلر اندن وانك واسطه‌سیله و انك ایچون اولدی. اڭا الی الابد مجد اولسون آمین.