٧
١ ای برادرلر ادمه عمری اولدقجه شریعت حكومت ایتدیكنی بیلمزمیسڭز (شریعتی بیلنلره سویله‌یورم)٢ زیرا زوجه زوجی حیاتده ایكن شریعت موجبنجه اڭا باغلودر اما اگر زوجی وفات ایدرسه زوجی حقّنده اولان شریعتدن آزاد اولور٣ ایمدی زوجی صاغ اولدقجه دیكر بر اره وارورسه اڭا زانیه دینلور اما زوجی وفات ایدر ایسه اول شریعتدن آزاد اولوب حتی دیكر بر اره وارور ایسه بیله زانیه اولماز٤ بویله‌جه ای برادرلرم سز دخی اللهه ثمره كتورممز ایچون بر غیری‌یه یعنی اولولردن قیام ایدنه وارمق اوزره مسیحك جسدی واسطه‌سیله شریعته اولمش اولدیڭز٥ زیرا بز جسمانی ایكن شریعت واسطه‌سیله وقوعه گلان كناهلرك هوسلری اولومه ثمره كتورمك اوزره اعضامزده عامل ایدی٦ سمدی ایسه بزی ضبط ایدنه اولمكله شریعتدن آزاد اولدق تا كه حرف اسكیلكنده دكل آنجق روح یكیلكنده خدمت ایده‌لم.٧ ایمدی نه دیه‌لم. شریعت كناه‌می‌در حاشا و لكن شریعت واسطه اولماسیدی كناهی بیلمز ایدم زیرا اگر شریعت طمع ایتمیه‌سین دیمش اولماسیدی طمعی بیلمز ایدم٨ اما كناه امرك واسطه‌سیله فرصت بولوب بنده هر نوع طمع حصوله كتوردی زیرا شریعت یوغیكن كناه اولودر٩ بن ایسه بر وقت شریعتسز دیری ایدم و لكن امر كلدكده كناه دیرلدی بن دحی اولدم١٠ و اول حیاته سبب اولان امر بڭا اولومه سبب بولندی١١ زیرا كناه امرك واسطه‌سیله فرصت بولوب بنی اضلال ایده‌رك انك واسطه‌سیله نبی اولدردی.١٢ ایمدی شریعت مقدّس و امر مقدّس و حق و ایودر.١٣ اویله ایسه ایو اولان شی بڭا اولومه‌می سبب اولدی. حاشا آنجق اولومه سبب اولان كناهدر تا كه اول ایو شی واسطه‌سیله بڭا اولوم حصوله كتورمكله كناه ایدیكی آشكار اوله شویله كه كناه امرك واسطه‌سیله حددن زیاده قبیح اوله١٤ زیرا شریعتك روحانی اولدیغنی بیلورز فقط بن كناه آلتنده صاتلمش جسمانی ایم١٥ زیرا ایشلدیكمی طانیمام چونكه استدیكمی ایشلمیورم اما بغض ایتدیكم شیئی ایشلیورم١٦ لكن اگر استمدیكمی ایشلیور ایسه‌م شریعتك ایو ایدیكنی تصدیق ایدیورم١٧ ایمدی انی ایشلیان آرتق بن دكل ایم اما درونمده ساكن اولان كناهدر١٨ زیرا بنده یعنی تنمده ابو بر شی ساكن اولمادیغنی بیلورم زیرا استمك بنده حاضر ایسه‌ده ایو شیئی اجرا ایتمكی بولمایورم.١٩ زیرا استدیكم ایولكی ایشلمیوب استمدیكم كوتولكی اجرا ایدیورم.٢٠ و اگر بن استمدیكم شیئی ایشلیور ایسه‌م آرتق انی اجرا ایدن بن دكل ایم آنجق بنده ساكن اولان كناهدر٢١ ایمدی بن كندمده بو قانونی بولیورم یعنی ایولك ایتمكی استر ایكن كوتولك بنده حاضردر٢٢ زیرا باطنی ادمه كوره اللهك شریعتندن حظ ایدرم.٢٣ اما اعضامده بولنوب عقلمك قانونیله جنكلشه‌رك نبی اعضامده اولان كناهك قانوننه اسیر ایدن بر بشقه قانون گوریورم٢٤ بن نه بیچاره ادم ایم. بو اولومك جسدندن نبی كیم خلاص ایده‌جكدر.٢٥ ربمز عیسی المسیح واسطه‌سیله اللهه شكر ایدرم. و الحاصل بن كندم عقل ایله اللهك شریعتنه و فقط تن ایله كناهك قانوننه قوللق ایدیورم.