١ وھفتە نك برنجی گونی سحر وقتندە حاضر لادقلری بەارلری كتوروب قبرە كلدیلرو انلر ایلە برابر سائرەلر دخی وار ایدی۔٢ وطاشی قبردن یوارلنمش بولوب٣ ایچری یە كیر دكلرندە رب عیسانڭ جسدینی بولمادیلر ۔ ٤ وانلر بوندن طولایی حیرتدە ایكن اشتە یانلرندە نورانی البسە لو ایكی ادم طوردی ۔ ٥ مرقومەلر دخی زیادە سیلە قورقوب یوزلرینی یرە اكمكدە ایكن انلرە دبدیلركە نیچون حیاتدە اولانی اولولر اراسندە ارایورسڭز ۔ ٦ بورادە دكلدر اما قیام ایتدی كندیسی دها جلیلدە ایكن ٧ ابن الانسان كناەكار ادملر النە تسلیم اولنوب صلب اولنمق واوچنجی گونی قیام ایتمك گركدر دیو سزە نصل سویلد یكنی خاطر كزە گتورڭز۔ ٨ انلر دخی سوزلرینی خاطرە كتوردیلر ۔ ٩ وقبردن دونوب بوشیلرڭ جملەسنی اون برلرە وسائرلرك جملە سنە نقل ایتدیلر ۔ ١٠ وبو شیلری رسوللرە سویلیانلر مجدلی مریم ایلە یوانا و یعقوبك اناسی مریم وانلر ایلە برابر دیكر قاریلر ایدی ۔ ١١ ومرقومەلرك سوزلری انلرڭ عندندە بوش لقردی كبی كورنمكلە انلرە اینانمادیلر ۔ ١٢ اما بطرس قالقوب قبرە سكرتدی واكیلوب كفنك یا لكن طوردیغنی كورمسیلە واقع اولان شیئە كندی كندینە تعجب ایدەرك كیتدی ۔١٣ واشتە اول گوندە انلردن ایكی كیمسە اور شلیمدن التمش اوق آتیمی مسافە دە واقع عماؤس نام بر كویە كیتمكدە ایكن ۔ ١٤ جملە بو وقوعاتك حقندە بری بری ایلە سویلشیورلر ایدی ۔ ١٥ وانلر سویلشوب مباحثە ایدر ایكن عیسی بالذات یاقین گلوب برابر گیدیور ایدی۔١٦ وكوزلری طوتلمش اولمغلە انی طانیە مادیلر١٧ وانلرە سز یورور ایكن محزون اولە رق بری بریكز ایلە شو سویلشد یككز سوزلر نە در دیدی ۔ ١٨ وانلردن بری اولان كلاوپاس نام كیمسە اڭا جواباً اور شلیمدە بو كونلرە وقوع بولان شیلردن خبردار اولمادق مسافر یالكز سنمی قالدك دیدی ۔ ١٩ وانلرە قنغی شیلر دیمسی اوزرینە انلر دخی اڭا دیدیلر اللهڭ وبتون قومك عندندە عملدە وكلامدە قوتلو بر پیغمبر اولان ناصر تلو عیسانڭ حقندە وقوع بولان شیلر ۔ ٢٠ وباش كاەنلر ایلە رئیسلرمزانی تتلە حكم اولنمق ایچون تسلیم ایدوب صلب ایتدیلر ۔ ٢١ بزایسە اسراءیلی خلاص ایدە جك اودر دیو امید ایدیور ایدك فقط بو جملەدن ماعدا بوشیلر واقع اولە لی بوكون اوچنجی كوندر ۔ ٢٢ ەمدخی بزدن بعض قاریلر سحر وقتندە قبرە واروب اُنڭ جسدینی بولمایوبدە ۔ ٢٣ حیاتدەیغنی خبر ویرن ملكلر ظەورینی گوردك ایمەلریلە گلوب بزی حیرتدە براقدیلر ۔ ٢٤ وبزم ایلە برابر اولانلردن بعضیسی قبرە واروب همان قاریلرك دیدكلری كبی بولدیلر ایسە دە كندیسنی كورمدیلر ۔ ٢٥ او دخی انلرە ای فەمسز و پیغمبرلرك جملە سویلد كلرینە اینانمقدە قلبی قاتی اولانلر ۔ ٢٦ مسیحك بوشیلری چكوب كندی جلالنە كیرمسی كرك دكلمی ایدی دیدی۔٢٧ وموسادن وەپ پیغمبرلردن باشلایوب جملە كتابلردە كندینك حقندە بولنان شیلری انلرە تفسیر ایلدی ۔ ٢٨ و وارە جقلری كویە یاقلاشدقلرندە كندیسی دها ایلرو كیدر كبی كوستردی ۔ ٢٩ انلر دخی اڭا ابرام ایدوب بزم ایلە قال زیرا اقشام اوستی اولوب گون زوال بولمقدە در دیدیلر ۔ او دخی انلر ایلە برابر قالمق ایچون ایچری گیردی۔٣٠ واوانلر ایلە سفرە دە اوتورد یغندە اتمكی آلوب بركت دعاسی اوقودقدنصڭرە پارە لیوب انلرە ویردكدە ۔ ٣١ انلرڭ كوزلری آچیلوب انی طانیدیلر او ایسە انلردن نەان اولدی ۔ ٣٢ وبری برینە یولدە كندیسی بزە سویلر وكتابلری تفسیر ایدر ایكن قلبمز درونمزدە یانمازمی ایدی دیدیلر۔٣٣ واول ساعت قالقوب اور شلیمە عودت ایدە رك اونبرلر ایلە رفیقلرینی جمع اولمش بولدیلر ۔ ٣٤ انلر دخی حقیقۃً رب قیام ایتمشدر وسمعونە كورندی دیورلر ایدی ۔ ٣٥ بونلر دخی یولدە اولان وقوعاتی واتمكی پارە لد كدە كندیلرینە نصل معلوم اولدیغنی نقل ایتدیلر۔٣٦ وانلر بوشیلری سویلر ایكن عیسی بالذات اورتەلرندە طوروب انلرە سلام سزە دیدی ۔ ٣٧ انلر ایسە شاشوب قورقە رق بر روح كوردكلری ظنندە ۔ ٣٨ وانلرە خطاباً نیچون مضطرب اولدیكز ونیچون قلبلركزدە افكار ایدیور ۔ ٣٩ اللرمە وایاقلرمە باقكزكە بالذات بن ایم بنی لمس ایدوب باقكز زیرا روحك اتی وكمیكلری یوقدر نصل كە بندە وار ایدوكنی كوریور سكز دیدی ۔ ٤٠ وبونی سویلیوب انلرە اللری ایلە ایاقلرینی كوستردی ۔ ٤١ انلر دخی مسرّتلرندن ەنوز اینا نما یوب تعّجب ایتمكدە ایكن انلرە بورادە برییە جككز وارمی دیدی ۔ ٤٢ وانلر اڭا بر پارچە پیشمش بالق و بر مقدار كومج بالی ویردیلر۔٤٣ وآلوب اوكلرندە ییدی٤٤ انلرە خطاباً دها سزڭ ایلە برابر ایكن بنم حقمدە موسانڭ توراتندە و پیغمبرلردە ومزامیردە جملە یازلمش اولان شیلر اتمام اولنمق گركدر دیو سزە سویلدیكم سوزلر بونلر در دیدی ۔ ٤٥ او زمان كتابلری اكلامق ایچون ذەنلرینی آچدی۔٤٦ وانلرە خطاباً بویلە یازلمشدر و مسیحە بویلە الم چكوب اوچنجی گونی اولولردن قیام ایتمك ٤٧ و اور شلیمدن باشلانە رق جملە طائفەلرە اُنڭ اسمندە توبە وكنا ھلر عفوی وعظ اولنمق كرك ایدی ۔ ٤٨ وسز بو شیلرك شاەدلری سكز ۔ ٤٩ واشتە بن اوزركزە پدرمك وعدینی كوندررم سز ایسە یوقاریدن قوتلە كیدر یلنجە یە دكین اور شلیمشهرندە اقامت ایدڭز دیدی۔٥٠ وانلری تابیت عنیایە قدر طیشاری چیقاروب اللرینی قالدرە رق انلرە خیردعا ایلدی ۔ ٥١ وانلرە خیر دعا ایدر ایكن انلردن آیر یلوب سمایە چیقدی ۔ ٥٢ وانلر اڭا سجدە قیلوب كمال مسرّتلە اور شلیمە عودت ایتدیلر ۔ ٥٣ وەر وقت هیكلدە اللهە حمد و ثنا ایتمكدە ایدیلر ۔ آمین