١ وجملە كمركجیلر ایلە كناھكارلرانی دیكلە مك اوزرە یاننە یاقلاشورلرایكن ٢ فریسیلرایلە علمابوكیمسە كناھكارلری قبول ایدوب انلر ایلە طعام ایدیور دیەرك سویلنورلر ایدی۔٣ اودخی انلرە چو تمثیلی سویلیوب دیدیكە٤ سزدن قنغی ادم یوز قویونی اولوبدە انلردن برینی غیب ایتدیكندە طقسان طقوزینی چولدە براغوب اول غائب اولانی بولنجە یە دكین اُنڭ آردنجە كیتمز٥ وانی بولدقدە سوینوب اوموزلری اوزرینە قویە رق٦ خانە یە گلوب ودوستلی ایلە قوكشولرینی یاننە چاغروب انلرە غائب اولمش قویونمی بولدیغم ایچون بنم ایلە مسروراولكزدیر٧ سزە دیرمكە كذلك توبە ایدن بركناھكارایچون سمادە اولان مسرّت توە یە محتاج اولمایان طقسان طقوز صالح ایچون اولان مسرّتدن زیادە اولور٨ یاخودقنغی قارینك اون درھم كومشی اولوبدە بردرھمنی غیب ایتدكدە چراغ یاقوب خانە یی سوپورە رك انی بولنجە یە دك دقتلە ارامازپ ٩ وبولدیغندە دوست وقوكشو قاریلری چاغروب غیب ایتدیكم درھمی بولدیغم ایچون بنم ایلە مسروراولكز دیر ١٠ سزە دیرمكە كذلك تونە ایدن بركناھكارایچون اللھك ملكلری حضورندە مسرّت اولور ١١ وینە دیدیكە برادمك ایكی اوغلی بولنوب كوچوكی پدرینە ١٢ ای پدرمالدنبكا اصابت ایدە جك حصە یی ویر دیدی اودخی انلرە اموالنی تقسیم ایلدی ١٣ وچوق گون كچمكسزین كوچوك اوغلی ھرشیئی دیوشیروب اوزاق بردیارە كیتدی واورادە سفیھانە یاشایە رق مالنی تلف ایتدی ١٤ وھر شیئی صرف ایتدكدنصڭرە اول دیاردە شدتلو قیتلق ظھورایتمكلە ضرورت چكمكە باشلادی ١٥ واوروب اول دیارك اھالیسندن برینك خدمتنە كیرمكلە اودخی انی طوكزلر اوتلاتمق ایچون كندی چفتلكنە كوندردی ١٦ وطوركزلرك یدكلری خرنوبلردن قارتنی طویورمغە آرزو ایدر ایدی ایسە دە اڭا كیمسە برشی ویرمزی ایدی ١٧ اما كندینە گلوب دیدیكە پدرمك قاچ ارغادلرینك اتمكلری آرتاربیلە بن ایسە آجلقدن ھلاك اولیورم ١٨ قالقوب پدرمە وارە یم واك ای پدرسمایە وسنك حضوركدە كناایشلدم ١٩ آرتق سنڭ اوغلك دینلمكە لایق دكلم بنی سنڭ ارغادلركك بری كبی طوت دیە یم ٢٠ وقالقوب پدرینە گلدی اما دھا اوزاق ایكن پدری انی گوروب شفقت ایتدی وسكردوب بویننە صاریلە رق انی اوپدی٢١ واوغلی اڭا ای پدرسمایە وسنك حضوركدە كناە ایشلدم وآرتق سنڭ اوغللك دینلمكە لایق دكلم دیدی۔٢٢ پدری دخی ورللرینە خطاباًاك اعلا خلعتی چابك چیقاروب اڭا كیدركز وانڭ النە یوزوك وایاقلرینە ایاق قابلری ویركز ٢٣ وبسیلوبوزاغمی یی كتوروب بوقازلا یكدە ییوب شاداولە لم ٢٤ زیرا بو اوغلم اولمش ایدی دیرلدی غائب اولمش ایدی بولدنی دیدی وشاداولمغلە باشلادیلر٢٥ وانڭ بیوك اوغلی تارلادە بولنمغلە گلوب خانە یە یاقلاشدیغندە رقص ایلە چالغی صداسنی ایشیتدی ٢٦ واوشاقلرك برینی چاغروب بونلر نە در دیوسؤال ایتدی ٢٧ اودخی اڭا قارندااشك گلدی وپدرك انی صاغ سالم بولدیغی ایچون بسیلو بوشاغی یی بوغازلادی دیدی ٢٨ اودخی كوجنوب اچیعی كیر مك استمدیكی اجلدن پدری طیشاری یە چیقوب اڭا رجا ایتدی ٢٩ اودخی پدرینە جواباًاشتە بونجە سرنە دنبروسكاخدمت ایدیورم وبروقت سنڭ امركە مخالفت ایتمدم وبركرە دوستلرم ایلە شاداولمق ایچون بكا براوغلاق بیلە ویرمدك ٣٠ اما سنڭ اموالكی ناحشەلر ایلە ییان بواوغلك گلدیگی زمان اڭا بسیلو بوزاغی یی بوغازلادك دیدی ٣١ اودخی اڭا دیدیكە ای اوغل سن دائما بنم ایلە برابر اولوب بنم اولاتك جملەسی سنڭدر ٣٢ اما شاد ومسرور اولمق واجب ایدی زیرا بوقارنداشك اولمش ایدی دیرلدی ھم غائب اولمش ایدی بولندی۔