١ واولوقت بعض كیمسە حاضر بولنوب پیلاطوس قانلرینی كندی ذبیحەلری ایلە قارشدردیغی جلیللولر حقندە اڭا خبر ویردیلر۔٢ وعیسی انلرە جواباًاول جلیللولربویلە شیلرە مبتلا اولدقلری ایچون جملە جلیللولردن زیادە كناھكارمی ایدیلر ظن ایدرسڭز ٣ سزە دیرمكە خیر لكن اكر توبە ایتمز ایسەڭز جملە كز اویلە ھلاك اولە جقسكز ٤ یاخود سیلوامدە كی قلە اوزرینە دوشمكلە اولدردیكی اول اون سكز كیمسە اورسلیمدە ساكن اولان ھپ ادملردن زیادە قباحتلومی ایدیلر ظن ایدرسڭز ٥ سزە دیرمكە خیر اما اكر توبە ایتمز ایسەڭز جملە كز اویلە ھلاك اولە جقسكز دیدی۔٦ بوتمثیلی دخی سویلدی بركیمسە نك كندی باغندە دیكلمشبرانجیر اغاجی اولمغلە اندە میوە ارامغە گلدی ایسە دە بولمادی ٧ وباغبانە اشتە اوچ سنە در بوانجیر اغاجندە میوە ارامغە كلیور ایسە مدە بولە مایورم انی كس نیچون یری دە بطال ایدە دیدی ٨ او دخی اڭاجواباً افندم انی بوسنە دخی براق تاكە اطرافنی قازوب كوبرە قویە یم ٩ واكر میوە ویررایسە خوش یوقسە اُندن صڭرە انی كسە جكسین دیدی١٠ وسبت گونی سنا غوغلرك برندە تعلیم ایدر ایكن١١ اشتە اون سكز سنە دنبرو ضعف روحنە مبتلا اولمغلە بوكلمش اولوب كندیسنی اصلا طوغرولتمغە مقتدر اولمایان بر قاری وارایدی ١٢ عیسی دخی انی كوردكدە یاننە چاغروب اڭا ای خاتون ضعیفلككدن قوتتلدك دیەرك ١٣ اللرینی اُنڭ اوزرینە قودقدە مرقومە درعقب طوغریلوب اللھە حمد ایلدی ١٤ وسیناغوغ رئیسی عیسانڭ سبت كونندە شفا ویردیكی ایچون طاریلە رق خلقە خطاباًایش ایشلمسی جائز اولان آلتی گون وارایمدی سبت كونندە دكل اما اول كونلردە گلوب شفا بولكز دیدی ١٥ ایمدی رب اڭا جواباًای مرائی سزڭ ھربریكز سبت گونی اوكوزینی یامركبنی ەملكدن چوزوب صوارمغە كوتورمزمی ١٦ بوایسە ابراھیم قیزی ایكن اشتە شیطان انی اون سكز سنە نبرو باغلامش اولمغە سبت كونندە بوباغدن چوزلمسی جائز دكلمی ایدی دیدی ١٧ وبونی سویلدیكندە اڭا اعتراض ایدنلرك جملەسی خجل اولوب بتون خلق دخی اُنڭ الیلە اجرا ایدیلان جلیل عمللرك جملە سندن طولایی سوینورلرایدی۔١٨ اودخی ملكوت اللە نە یە بكزر وانی نە یە تشبیە ایدە یم۔١٩ برخردال دانە سنە بكزركە برادم انی آلوب كندی باغچە سنە اكمسیلە بتوب بیوك اغاج اولدی وھواقوسلری اُنڭ داللرینە قونارلرایدی دیدی۔٢٠ ینە ملكوت اللھی نە یە تشبیە ایدە یم٢١ مایە یە بكزركە بونی برقاری آلوب تا جملەسی مایە لننجە یە دكین اوچ اولچك اون ایچنە كیزلدی دیدی،٢٢ وشھرلر ایلە كویلری طولاشوب تعلیم ایدە رك اورشلیمە طوغری كیتمكدە ایكن ٢٣ بركیمسە اڭا افندی عجبا خلاص بولانلرآزمیدر دیدی اودخی انلرە دیدیكە ٢٤ طارقپودن كیرمكە جھد ایلیكز زیرا سزە دیرمكە چوق كیمسەلر كیرمك استیە جكلراما قادر اولمیە جقلر۔٢٥ اوصاحبی قالقوب قپویی قپادقدنصڭرە س خارجدە طوروب وقپویی چالمغە باشلایوب افندی افندی بزە آچ دیە جكسكز واوسزە جواباًسزڭ كیم ونرەدن اولدیغكزی بیلمم دیە جكدر ٢٦ اوزمان بز سنڭ حضوركدە ییوب ایچدك سن دخی یوللرمزدە تعلیم ایتدك دیمكە باشلایە جقسكز٢٧ اودخی سزە دیرمكە سزڭ كیم ونرەدن اولدیغكزی بیلمم بندن اوزاق اولكز ای جملە حقسزلق ایشلیانلر دیە جكدر ٢٨ ابراهیم واسحق ویعقوب ایلە جملە پیغمبرلری ملكوت اللھدە وكندوكزی خارجە آتلمش كوردیككزدە اورادە آغلایش ودیش غجردامسی اولە جقدر ٢٩ وشرق ایلە غربدن وشمال ایلە جنوبدن گلوب ملكوت اللھدە سفرە دە اوتورە جقلر ٣٠ واشتە اوّلكی اولە جق صڭرە كیلر واروصڭرە كی اولە جق اوّلكیلرواردر۔٣١ اول كونرە فریسیلردن بیضیسی یاننە گلوب اڭا بورادن چیقوب كیت زیرا ھیرودس سنی قتل ایتمك استیور دیدیلر ٣٢ اودخی انلرە دیدیكە واروب اول تلكی یە ییكز كە اشتە بوكون ویارین جنلر چیقاروب شفالر ویررم واوچنجیسندە تمام اولورم ٣٣ لكن بك ابوكون ایلە یارین وایتسی گون كزمك گركدر زیرا اورشلیمدن طیشاری برپیغمبرك ھلاك اولمسی ممكن دكلدر ٣٤ ای پیغمبرلری قتل ایدن وسكا كوندریلنلری طاشلایان اورشلیم اورشلیم طاوق كندی پلیجلرینی قنادلرینك آلتنە طوپلادیغی كبی قاچ دفعە سنڭ الادكی طوپلامق استدم اماسز استمدیكز ٣٥ اشتە سزە خانە كز [ویران]براغیلور۔ حقیقۃًسزە دیرمكە سزربك اسمیلە گلان مبارك اولسون دیە جككز وقت كلنجە یە دك بنی كورمیە جكسكز۔