١ وبر محلدە اولوب دعاایتمكدە ایكن فارغ اولدیغندە شاكردلرندن بری اڭا یارب یحیی كندی شاكردلرینە تعلیم ایلدیكی كبی سن دخی بزە دعایتمكی تولیم ایلە دیدی ٢ اودخی انلرە دیدیكە دعاایتدیككز زمان بویلە دییكز ای سماواتدە اولان پدرمز اسمك مقدّس اولسون ملكوتك كلسون ارادتك سمادە اولدیغی كبی یراوزرندە دخی اجرا اولنسون ٣ یومی اتمكمزی كوندن كونە بزە وی٤ وكنا ھلرمزی بزە باغشلە چونكە بز دخی بزە ھربورجلواولنە باغشلارز وبزی اغوایە كتورمە لكن بزی شریردن قورتار۔٥ وانلرە دیدیكە سزدن كیمك بردوستی اولوردە كیجە یاریسندە یاننە واروب دوستم بكا اوچ اتمك اودنج ویر٦ زیرا بكا یولدن بر دوستم گلدی اُنڭ اوكنی قویە جق بنرشیئم یوقدردیسوندە ٧ اودخی ایچریدن جواباًبكا زحمت ویرمە ارتق قپوقپانمش چوجوقلرم دخی بنم ایلە یاتاقدە در قالقوب سكا ویرە مم دیسون ٨ سزە دیرمكە دوستی اولدیغی ایچون قالقوب اڭا ویرمز ایسە دە ینە اُنڭ تعجیزی سببیلە قالقوب اڭالازم اولدیغی قدرویرە جكدر ٩ بن دخی سزە دیرمكە دیلە یكز سزە ویریلە جك ارایكز بولە جقسكز قپویی چالكز سزە آچیلە جقدر١٠ زیرا ھردیلە یان آلوروارایان بولوروقپویی چالانە آچیلە جقدر١١ وسزدن قنغی پدرواركە اوغلی اتمك دیلە دیكندە اڭا طاس ویرە یاخودبالق دیلە دیكندە اڭا بالق یرینە ییلان ویرە۔١٢ ویاخودیومورطە دیلە دیكندە اڭا عقرب ویرە١٣ ایمدی سز كوتواویغكز حالدە اولادكزە ایوعطیە ویرمكی نیلورایسەڭز سماوی پدركندندن دیلە یانلرە نە قدر زیادە روح القدسی ویرە جكدر۔١٤ ودیلسزبرجن چیقاردیغندە جن چیقدقدنصڭرە دیلسز كیمسە سویلدی خلق دخی تعجّب ایتدیلر ١٥ وما انلردن بعضلری جنلری جنلرك رئیسی بعلزبول واسطەسیلە چیقاریور دیدیلر۔١٦ بعضلری دخی تجربە ایچون سمادن برعلامت اندن طلب ایتدیلر ۔١٧ اودخی انلرڭ افكارینی بیلمكلە انلرە دیدیكە كندی علیھنە مخالفت اوزرە اولان ھر حكومت خراب اولور وكندی علیەنە مخالفت اوزرە بولنان خانە یقیلور ١٨ واكر شیطان كندی علیھنە مخالفت اوزرە اولمش ایسە اُنڭ ملكوتی نصل باقی قالە جقدر چونكە بنم حقمدە جنلری بعلز بول واسطەسیلە چیقریوردیورسكز ١٩ واكربن جنلری بعلزبول واسطەسیلە چیقاریور ایسە م سزڭ اوغللركز كیمك واسطەسیلە چیقاررلر بونڭ ایچون سزڭ حاكملركز انلر اولە جقدر٢٠ لكن اكر بن جنلری اللھك پرماغیلە چیقارر ایسە م البتە ملكوت اللە سزە واصل اولمشدر ٢١ قوتلو وسلاحلنمش بركیمسە كندی قوناغنی بكلە دیكی زمان اشیاسی سلامتدە اولور٢٢ اما اندن قوتلوسی اُنڭ اوزرینە گلوب اڭا غلبە ایدرسە اعتماد ایتدیگی جملە سلاحلرینی آلوب اُنڭ یغماسنی تقسیم ایدر ٢٣ بنم ایلە اولمایان بكا ضددروبنم ایلە دیوشیرمیان طاغیدور ٢٤ ناپاك روح برادمدن چیقدیغی زمان قوراق یرلردن كچوب راحت آراروبولە مدیغندە چیقدیغم اومە دونە یم دیر ٢٥ وكلدیكندە انی سوپورلمش ومزیّن بولمغلە ٢٦ گیدوب برابرنجە كندیسندن دھا كوتویدی دیكرروح آلوروكیروب اورادە ساكن اولورلرواول ادمك عاقبتی ابتداسندن بدتراولور۔٢٧ واوبونی سویلرایكن خلقدن برقاری یوكسك سسلە اڭا نە موتلوسنی حامل اولان رحمە وامدیكك ممەلرە دیدی ٢٨ اودخی دھا زیادە نە موتلواللھك كلامنی دیكلە یوب حفظ ایدنلرە دیدی۔٢٩ وخلق كثرتلە اُنڭ یاننە جمع اولدقدە سوزە باشلایە رق دیدیكە بونسل شریر اولدیغندن علامت طلب ایدر اما كایونس پیغمبرك علامتندن غیری برعلامت ویرلمیە جكدر٣٠ زیرا یونس نینوی اھالیسنە علامت اولدیغی كبی ابن الانسان دخی بونسلە اویلە اولە جقدر ٣١ جنوب ملكە سی روز جزادە بونسلك ادملری ایلە برابرقالقوب علیھلرینە حكم ایدە جكدر چونكە مرقومە سلیمانڭ حكمتنی دیلكە مك اوزرە زمینك منتھالرندن گلدی واشتە بومحلدە سلیماندن دھا بیوكی وار ٣٢ نینوی ادملری روزجزادە بونسل ایلە قالقوب علیھنە حكم ایدە جكدر چونكە انلر يونسڭ وعظیلە توبە یە كلریلرواشتە بورادە یونسدن دھا بیوكی وار۔٣٣ بركیمسە چراغی یاقوب كیزلویە یاخود كیلە آلتنە دكل آنجق ایچری كیرنلرك ایشغی كورملری ایچون شمعدان اوزرینە قور٣٤ جسدك چراغی كوزدرایمدی اكر كوزك صاف ایسە بتون جسدك دخی منوّراولور لكن اكرفنا ایسە جسدك دخی قراڭلق اولور٣٥ ایمدی صاقن سندە اولان نورقراكلق اولمیە ٣٦ واكربتون جسدك منوّراولوب ھیچ برقراكلق طرفی یوق ایسە چراغك كندی ضیاسیلە سنی تنویر قیلدیغی مثللوكافە سی منوّراولور۔٣٧ واوسویلرایكن برفیسی كندیسی ایلە برابرطعام ایتمسنی اندن رجا ایتمكلە كروب سفرە یە اوتوردی ٣٨ اول فریسی دخی طعامدن اوّل اُنڭ ییقانمادیغنی كوردكدە تعجّب ایتدی ٣٩ رب دخی اڭا دیدیكە حالا سزفریسیلركاسە نك وتپسینك طیشنی تمیزلرسكز اما ایچكز ظلم وفسقلە طولودر ٤٠ ای عقلسزلر طیشنی یاپان ایچنی دخی یاپمادیمی ٤١ لكن بولنان شیلردن صدقە ویركز واشتە سزە ھرشی پاك اولور٤٢ اما وای سزە ای فریسیلرزیرا نعنع ایلە صدف اوتنك وھرنوع سبزە نك عشرینی ویررسكز اما حقی واللھك محبتنی اھمال ایدرسڭز بونلری اجرا ایتملی انلری دخی براقماملی ایدیكز٤٣ وای سزە ای فریسیلرزیرا سناغوغلردە باش كرسی سی وچارشولردە سلاملانمغی سورسكز ٤٤ وای سزە[ای مرائی علماایلە فریسیلر]زیرا ادملر بیلمیە رك اوزرلرندە كزدكلری بللواولمایان قبرلر مثللوسكز۔٤٥ وارباب شریعتدن بری اڭا جواباًیامعلم بونلری سوریلمكلە بزە دخی شتم ایدیورسین دیدی ٤٦ اودخی دیدیكە وای سزە دخی ای ارباب شریعت زیرا ادملرطاشیمسی مشكل یوكلربوكلدوب كندو كز پرماقلركسك بریلە اول یوكلرە طوقونمازسكز٤٧ وای سزە ریرااجداد كزك قتل ایتدكلری پیغمبرلرك تربەلرینی بسا ایدرسڭز٤٨ وبویلە جە اجداد كزك عمللرینە سھادت ایدە رك رضا ویررسكز زیرا انلرقتل ایتدیلرسز دخی تربەلرینی بناایدرسكز ٤٩ بونڭ ایچون اللھك حكمتی دخی دیدیكە انلرە پیغمبرلرورسوللركوندرە جكم وانلردن بیضیسنی قتل ایدوب بیضیسنە تعد(ی ایدەجكلر ٥٠ تاكە دنیانڭ تأسیسیندنبرو جملە پیغمبرلرك دوكلمش اولان قانی ٥١ ھابلك قانندن تامذبح ایلە ھیكلك اراسندە قتل اولنان زكریانڭ قاننە دك بونسلدن طلب اولنە جقدر٥٢ وای سزە ای ارباب شریعت زیرا علمك اناختارینی قالدردیكز كندوكز كیرمیوب كیرنلری دخی منع ایتدیكز۔٥٣ وانلرە بوشیلری سویلر ایكن علما وفریسیلرفرصت بكلیوب اتھامی ایچون آغزندن برشی قاپمغە چالشمقدە اولە رق ٥٤ حدتلنوب غایتلە چوق شیلر حقندە آغزینی ارامغە باشلادیلر۔