٢٦
و عيسى بوتون بو سوزلري سويلەدکدن سونرا، اوغرنجيلرە ٢ ﴿بليونز إکي گوندن سونرا فصح بايرامي باشليجي و إنسان اوغلونو مصلوب اتمک إيچن تسليم ادجيلر۔﴾ ددي٣ اوندن سونرا رئيس کاهنلر و شريعت معلملري و ملتن شيخلري کاهن باشي قيافانن سرايندە توپلانديلر ٤ و برابر عيسۍي توتمخ و اؤلدرمک إيچن حيلەلکدن بير يول اراديلر۔ ٥ اما اونلر ﴿بايرامده اولماسن يوخسە ملتن إيچنده فتنە اولجي۔﴾ دديلر
٦ و ناوخت عيسى بَيت عنيادە جُذاملي سمعونن ائوندەدي، ٧ a بير ارواد قيمتلي بير عطردن اونن ياننە گلدي و اوتورديي زمان اونن باشِنە دؤکدي۔ ٨ اما اوغرنجيلري بونو گوردکلري زمان قزديلر و ﴿نيى بونو بوشە دؤکدي؟ ٩ چونکو بو عطر چوخ پارەيە صاتلەبلردي و فقيرلرە ويرەبلردي۔﴾ دديلر
١٠ عيسى بونو انلادي و اونلرە ﴿نيى بو اروادي إنزعج اديونز؟ چونکو او بنە إيى بير شي ياپدي۔ ١١ چونکو فقيرلر هر زمان سزن ياننزدەلر اما بن هر زمان سزدن قالميجم۔ ١٢ و بو عطري بنم جسدمه دؤکان بو ارواد بني کوممک إيچن حاضرلەدي۔
١٣ صح سزە ديوم کي بوتون دونيادە، هاردە بو إنجيل اعلان اولديسە بو اروادن ناي ياپديي بير ذکره إيچن عقللرە گلجي۔
١٤ اوندن سونرا اون إکي اوغرنجيلردن بيري يعني اسخريوطي يهوذا چاغرلان، رئيس کاهنلرە گتدي ١٥ و ﴿اونو سزە تسليم اتمام إيچن بنە ناي ويرجنز؟﴾ سوردي و اونلر اونە اوتوز گوموش پارەنن وعدني ويرديلر۔ ١٦ و او زماندن سونرا اونو تسليم اتمک إيچن بير فرصت اريودي۔ ١٧ و فصح بايرامن اوَل گونندە اوغرنجيلر عيسۍيە گلديلر و اونە ﴿هاردە إستيون کي فصح يمگني يمان إيچن حاضرلياخ؟﴾ سورديلر
١٨ ﴿شهرە گدن و فلان ادمه سويلەين «اغا ديو کي بنم زمانم ياخلاشدي و بن اوغرنجيلرمدن برابر فصحي سنن ائـوندە ياپجم۔﴾ ددي
١٩ اوغرنجيلر عيسۍنن اونلرە امر اتديي کمي ياپديلر و فصح بايرامني حاضرلەديلر۔
٢٠ ناوخت اخشام اولدي، اون إکيلردن اوتوردي۔ ٢١ و ناوخت اونلر يمک ييوديلر و او ﴿صح سزە ديوم کي بو گون بيري سزدن بنە خيانت ادجي۔﴾ ددي
٢٢ و اونلر چوخ موتسز اولديلر و هر بيري ﴿يعني او بن مييم يا رب؟﴾ دايميە باشلاديلر۔
٢٣ و او اونلرە ﴿الِني بندن صحنە باتران بني تسليم ادجي۔ ٢٤ إنسان اوغلو إيچن يازلمش کمي گدجي اما واي او ادمن حالنە کي إنسان اوغلو اونن الِندن تسليم اولجي۔ او ادم اگر دوغماسايدي دها إيى اولجيدي۔﴾ جواب ويردي۔
٢٥ و اونو تسليم ادان يهوذا اونە ﴿اغا او بنم مييم؟﴾ سوردي و عيسى اونە ﴿سن گندن ددن۔﴾ جواب ويردي۔
٢٦ و اونلر دها يمک ييوديلر کي عيسى اکمگي الدي و برکتلەدي و اونو پيلدي و اوغرنجيلرە ويردي و ﴿الن و يين۔ بو بنم جسدمدر۔﴾ ددي
٢٧ اوندن سونرا کاسەيي الدي و شکر اتدي و اونلرە ويردي و ﴿هپنز بوندن إيچن ٢٨ چونکو بو بنم قانم يني انلاشمەنن قانيدر کي چوخ کشيلرن گوناهلرنن عفي إيچن دؤکلر۔ ٢٩ و بن سزه ديوم کي بوندن سونرا بن اوزوم ميوەسندن ارتخ إيچميجم تا او گونه قدر کي سزدن برابر بابامن مملکتندە تزەسني إيچجم۔﴾ ددي
٣٠ سونرا اونلر بير ترنيم اوخوديلر و زيتون داغنە گتديلر۔ ٣١ اوندن سونرا عيسى اونلرە ﴿بو گجە هپنز بندن دؤنجنز چونکو يازلمش کي «بن چوباني وورجم و سورونن داوارلري داغلجي ٣٢ bاما بن اؤلومدن قالخدخدن سونرا سزدن اوَل جليلە گدجم۔﴾ ددي
٣٣ و بُطرس اونە ﴿ناوخت هرکز سني براخديسە بن سني اصلا براخميجم۔﴾ ددي
٣٤ عيسى اونە ﴿صح سنە ديوم کي بو گجە خروز اوتمادن اوَلي سن بني اوچ کرە انکر ادجن!﴾ جواب ويردي۔
٣٥ بُطرس اونە ﴿ناوخت سندن برابر اؤلمک لازم اولديسە، سني اصلا انکر اتمام۔﴾ ددي
و باشخە اوغرنجيلر دە عينا شيي دديلر
٣٦ اوندن سونرا عيسى اونلردن، ادي جتسماني سويلەنان بير يره گتدي و اوغرنجيلرنە ﴿سز بوردە اوتورن بن اوريە گدجم و دوعا ادجم۔﴾ ددي
٣٧ و بُطرسو و زبدينن إکي اوغلونو الدي و سونرا اونن جاني چوخ سخلدي و قسافت اولدي۔ ٣٨ سونرا اونلرە ﴿جانم تا اؤلوم درجسنە قدر سخليو و بندن بوردە اويانخ قالِن۔﴾ ددي
٣٩ بير از اوگه گتدي و يوزو اوستنە يرە دوشدي و دوعا اتدي، ﴿بابام، ممکنسە بو کاسه بندن گچسن اما بنم إستەيمدن ديل، سنن إستەين کمي اولسن۔﴾ ددي
٤٠ و اوغرنجيلرنن ياننە گلدي و اونلر ياتيوديلر و بُطرسە ﴿بندن بير ساعت اويانخ قالەبلمادنز مى؟ ٤١ اويانخ اولن و دوعا ادن کي سينەمخە دوشماين! روح إستيو اما جسم ضعيفدر۔﴾ ددي
٤٢ عيسى گنە گتدي و دوعا اتدي، ﴿بابام اگر بو کاسەدن إيچمادن بندن گچمەسي ممکن ديلسه سنن إستەين اولسن۔﴾ ددي
٤٣ و گلدي و اونلر گنە ياتيوديلر چونکو اونلرن گوزلري اغر اولمشدي۔
٤٤ اونلري براخدي، گتدي و اوچنجي دفعە عينا سوزلردن دوعا اتدي۔ ٤٥ اوندن سونرا گنە اوغرنجيلرە گلدي و اونلرە ﴿ارتخ ياتن و إرحت اولن۔ باخن، ساعت گلدي کي إنسان اوغلو گوناهکارلرن الِنه تسليم اولسن۔ ٤٦ قالخن گداک! اهجخ بنە خيانت ادان ياخندر!﴾ ددي
٤٧ و دها قونُشيودي کي اون إکي اوغرنجيلردن بيري يعني يهوذا، اللرنده قلنچلر و داينکلر اولان بويوک بير زحمتدن برابر رئيس کاهنلرن و ملتن شيخلرنن طرفندن گلدي۔ ٤٨ و اونو تسليم ادان اونلرە بير علامت ويرمشدي، ﴿کيمي اوپديسم اونو توتن!﴾ دايمشدي۔
٤٩ و او ساعتدە عيسۍيە گلدي و اونە ﴿سلام سنه اي اغا!﴾ ددي و اونو اوپدي۔
٥٠ عيسى اونە ﴿دوستم، ناي إيچن گلدن؟﴾ ددي سونرا ياخلاشديلر و اللرني اونن اوستنه قويديلر و اونو توتديلر۔
٥١ اهجخ عيسۍنن يانندەخيلردن بيري الِني اوزاتدي و قلنچني چيخاردي و باش کاهنن خزمتچيسيني ووردي و قولاغني کاسدي۔
٥٢ او زمان عيسى اونە ﴿قلنچني يرنە قوي چونکو هر کيم قلنچ چکديسە، قلنچدن محي اولجي۔
٥٣ سانميون کي اگر بابامدن إستەديسم بنە ملاکلرندن اون إکي فرقەدن زيادە حاضرليجي؟ ٥٤ اما بونو ياپديسم بوتون يازيلر نصل تمام اولەبلر؟﴾ ددي
٥٥ c سونرا عيسى او ساعتدە او زحمتە ﴿سز بنە بير خرخزي توتمخ إيچن قلنچلر و داينکلردن گلدنز! هر گون معبددە سزدن اوتوردم و تعليم ويردم و بني توتمادنز۔ ٥٦ اما بونلرن هپسي اولدي کي نبيلرن يازدخلري تماملانسن۔﴾ ددي و او وقت اونن اوغرنجيلرنن هپسي اونو براخديلر و قاچديلر۔
٥٧ و عيسۍي توتانلر اونو رئيس کاهن، قيافانن ياننە الاتديلر۔ اورده شريعت معلملر و شيخلر دە توپلانمشديلر۔ ٥٨ بُطرس يراخدن تاکيب اتدي و باش کاهنن سراينن إيچنە گيردي و خزمتچيلردن اوتوردي کي بو إيشن اخرني گورەبلسن۔ ٥٩ رئيس کاهنلر و شيخلر و بوتون مجلسده اولانلر عيسۍي اؤلدرمک إيچن يالان شهادت اراديلر۔ ٦٠ اما بولماديلر ناي قدر چوخ يالان شاهدلر گلديسه دە گنە بولماديلر۔ اخرندە إکي کشي گلدي، ٦١ d و ﴿بو ادم ددي کي بن اللهن معبدني خرب ادەبلرم و اوچ گونده گنە ياپابلرم۔﴾ ددي
٦٢ و باش کاهن قالخدي و عيسۍيە ﴿سندە هيچ جواب يوخ مى؟ بونلر سنن ضدنە ناي شهادت ويريولر؟﴾ ددي
٦٣ اما عيسى هيچ بير شي دايمادي! سونرا باش کاهن اونە ﴿ياشيان اللە إيچن سنه يمن اتدريوم کي بزه سويلە، سن مسيح اللهن اوغلو مسن؟﴾ سوردي
٦٤ و عيسى اونە ﴿سن بله ددن۔ اما سزە ديوم کي شنديدن سونرا سز إنسان اوغلونو قواتلي اولانن صاغ طرفندە اوتورديني و سماوي بلوتلرن اوستنده گلديني گورجنز۔﴾ جواب ويردي۔
٦٥ اوندن سونرا باش کاهن گندي اسبابني يرتدي و ﴿کفر اتدي! ارتخ بزە ناي شهادتلر لازمدر؟ شندي اونن کفر اتديني دويدنز۔ ٦٦ ناي سانيونز؟﴾ ددي
اونلر ﴿او اؤلومە لايخدر۔﴾ دديلر
٦٧ اوندن سونرا اونن يوزنە توکورديلر و بعزيلر سِلەمە وورديلر و اونە
٦٨ ﴿اي مسيح بزە نبيلک ات، کيم سني ووردي؟﴾ ديوديلر۔
٦٩ و ناخوت بُطرس سراين دشرسندە اوتوريودي، بير خزمتچي قز اونە گلدي و ﴿سن دە جليللي عيسۍدن برابردن!﴾ ددي
٧٠ اما او هرکزن اوگنده انکر اتدي و اونە ﴿ناي دديني بلميوم۔﴾ ددي
٧١ و سونرا قاپيدن چيخدي و باشخە بير خزمتچي قز اونو گوردي و باشخەلرە ﴿بو ادم دە ناصري عيسۍدن برابردي۔﴾ ددي
٧٢ بُطرس يمن اتدي و گنە انکر اتدي و ﴿بو ادمي هيچ بلميوم!﴾ ددي
٧٣ بير از سونرا اوردە دورانلر بُطرسە گلديلر و اونە ﴿صح سن دە بونلردنسن چونکو قونُشمان دە سني بلدريو۔﴾ ددي