‏۝٨ اما او وقتده بعزي کلدانيلر ياخلاشديلر و يهوديلري شکايت اتديلر ‏۝٩ و قرال نبوخذنصره ﴿اي قرال سونسزە قدر ياشە! ‏۝١٠ قرال سن حکم اتدن کي هر کيم بورونن و زوردنن و دامدرەنن و عودُن و ربابن و کمانچەنن و هر شکل شرخي سَسلرني دويديسە يره دوشسن و التن تمثالە ديز چُکسن۔ ‏۝١١ و هر کيم يوزو اوستنە دوشماديسە و ديز چُکماديسە اونو الِولي اتش فرنن إيچنە أتجيلر۔ ‏۝١٢ بابلن إيشلرنە مسؤل اتدين بير قاچ يهودي يعني شدرخ و ميشخ و عبدنغو۔ اي قرال بونلر سنە احترام اتميولر و سنن اللەلرنە تاپميولر و ديکديين التن تمثالە ديز چُکميولر۔﴾ ددي

‏۝١٣ او زمان نبوخذنصر قزغنلخدن و غضبدن ﴿شدرخي و ميشخي و عبدنغويو گترسنلر!﴾ ددي و اونلري قرالن حضورنە گترديلر۔ ‏۝١٤ و نبوخذنصر اونلرە سويلەدي و ﴿اي شدرخ و ميشخ و عبدنغو! بو صح مى؟ سز بنم ديکدييم التن تمثالە ديز چُکميونز مى و اونە تاپميونز مى؟ ‏۝١٥ شندي اگر بورونن و زوردنن و دامدرەنن و عودُن و ربابن و کمانچەنن و هر شکل شرخي سَسلرني دويدنز زمان يره دوشديسنز و ياپدخم تمثالە ديز چُکديسنز إيى اولجي يوخسە اگر ديز چُکماديسنز او ساعت دە الِولي اتش فرنن إيچنە أتلجنز و او زمان هانسي اللە سزي بنم المدن قورتارجي؟﴾ ددي ‏۝١٦ و شدرخ و ميشخ و عبدنغو قرالە ﴿اي نبوخذنصر! بو امره سنە جواب ويرمک إيچن بزم إحتياجمز يوخدر۔ ‏۝١٧ اهجخ بزم تاپديمز الله بزي بو يانان فرنن اتشندن قورتارەبليو و او بزي سنن الِندن قورتارجي اي قرال۔ ‏۝١٨ يوخسە بونو بل اي قرال سنن اللەلرنە تاپميجخ و بو ديکديين التن تمثالە ديز چُکميجک۔﴾ جواب ويرديلر۔

‏۝١٩ او زمان نبوخذنصر شدرخە و ميشخە و عبدنغويە چوخ غضبلندي و يوزونن رنگي دايشدي و فرنن اتشنن عادي يانمەسنن يدي قات زيادە اولمەسي إيچن امر اتدي۔ ‏۝٢٠ و عسکرلرنن ائن قواتليلرنە ﴿شدرخي و ميشخي و عبدنغويو باغلاسنلر و يانان فرنن اتشنە اتسنلر۔﴾ ددي ‏۝٢١ و اونلري عبالردن و شلوارلردن و اؤرتولردن و صارغيلردن و باشخە اسبابلرندن باغلاديلر و يانان فرنن اتشنن إيچنە أتديلر۔ ‏۝٢٢ چونکو قرالن حکمي زور حکمدي و فرن اؤلچسز شکلده سجاخ اولدي و اتشن الِولري شدرخي و ميشخي و عبدنغويو فرنه أتانلري اؤلدردي۔ ‏۝٢٣ و باغلانان بو اوچ ارکک يعني شدرخ و ميشخ و عبدنغو يانان فرنن اتشنن إيچنە دوشديلر۔

‏۝٢٤ او زمان قرال نبوخذنصر چوخ شاشردي و چبيک قالخدي و گندي نصيحت ويرانلرنه ﴿اوچ باغلي کشيي اتشن إيچنە أتمادخ مى؟﴾ ددي اونلر قرالن جوابنە ﴿صحدر اي قرال۔﴾ دديلر ‏۝٢٥ قرال ﴿اهجخ بن دورت چؤزلمش ارکک گوريوم کي اتشن إيچندە يريولر و اونلرە هيچ ضرر گلمامش و دوردنجنن يوزو اللهن اوغلونە بنزيو۔﴾ ددي ‏۝٢٦ سونرا نبوخذنصر فرنن اتشنن اغزنە ياخلاشدي و ﴿شدرخ و ميشخ و عبدنغو! ائن يوجە اللهن خزمتچيلري دشري چيخن و گلن۔﴾ ددي و شدرخ و ميشخ و عبدنغو اتشن إيچندن دشري چيخديلر۔ ‏۝٢٧ و اميرلر و رئيسلر و واليلر و قرالن نصيحت ويرانلري توپلانديلر و اونلري گورديلر کي اتش اونلرن جسملرنە هيچ بير شي ياپمامش و باشلرندن بير ساچ بله يانمامش و عبالرنن رنگي دايشمامش و حتى اتشن قوخوسودە اونلرن اوستنە گلمامش! ‏۝٢٨ و نبوخذنصر ﴿شدرخن و ميشخن و عبدنغونن اللهي مبارک اولسن کي گندي ملاگني گوندردي و اونە توَکل ادان و قرالن سوزنن ضدنه چيخان و جسملرني تسليم ادان و باشخە اللهە تاپميان و ديز چُکميان خزمتچيلرني قورتاردي۔ ‏۝٢٩ بو إيچن بن بونو حکم اديوم کي هر ملت و إنسان و دل شدرخە و ميشخە و عبدنغويە پيس بير سوز دديسە پارچە پارچە اولجي و اونلرن ائولري زبللخ يرنە دؤنجي! چونکو بله بير اللەدن باشخە يوخدر کي قورتارەبلسن۔﴾ ددي ‏۝٣٠ او زمان قرال شدرخە و ميشخە و عبدنغويە بابل ولايتندە دها يوکسک بير درجە ويردي۔