‏۝٥ و مملکت الِندە ثابت اولديي زمان، باباسي اولان قرالي اؤلدران خزمتچيلرني اؤلدردي۔ ‏۝٦ اما اؤلدرانلرن اوغلولرني اؤلدرمادي، چونکو ربن سويلەديي امري، موسۍنن شريعت کتابندە يازلمشدر کي، بابالر اوغلولري إيچن، اؤلدرلماسن و اوغلولر بابالري إيچن، اؤلدرلماسن، لکن هرکز گندي گوناهي إيچن اؤلدرلسن۔ ‏۝٧ و او، أدوميلردن اون بين ادم توز درەسندە اؤلدردي و سالعي حربدە الدي و اونن إسمني بو گونە قدر يقتئيل قويدي۔

‏۝٨ او زمان أمصيا، إسرائيلن قرالي ياهو اوغلو يهوأحاز اوغلو يهوآشن ياننە خبرجيلر گوندردي و ﴿گَل يوز يوزە گورشەک۔﴾ ددي ‏۝٩ و إسرائيلن قرالي يهوآش، يهودانن قرالي أمصيايە ادم گوندردي و ﴿‌ لبناندەکي ديکان، لبناندەکي أرز اغاچنە ادم گوندردي و ددي کي، قزني بنم اوغلومە ارواد اولمەسي إيچن، وير، اما لبناندەکي چولُن حيواني اورادن گچدي و ديکاني اياغنن التندە تپەلدي۔ ‏۝١٠ أدومي صحدن ووردن و يورگن سني کبيرلي اتمش، او زمان إفتخار ات و ائوندە اوتور، ناي إيچن گندندن برابر يهودانن دوشمەسي إيچن، مصيبت قالدريون؟

‏۝١١ اما أمصيا دينلەمادي، او زمان، إسرائيلن قرالي يهوآش، اونن اوستنە چيخدي و يهودانن قرالي أمصيادن برابر، يهودادەکي بَيت شمسدە يوز يوزە گلديلر۔ ‏۝١٢ و يهودا، إسرائيلن اوگندە اوتوزدي و هرکز گندي چادرنە قاچدي۔ ‏۝١٣ و إسرائيلن قرالي يهوآش، يهودانن قرالي أخزيانن اوغلو يهوآشن اوغلو أمصيايي، بَيت شمسدە توتدي و أورشليمە گلدي و أورشليمن دووارني، أفرايم قاپيسندن تا کوشەنن قاپسنە قدر إکي يوز متر يخدي۔ ‏۝١٤ و ربن ائوندە و قرالن ائونن خزينەلرندە بولنان بوتون التِني و گوموشو و بوتون قابلري الدي و ادملري دە رهن الدي و سامرەيە گيري دؤندي۔

‏۝١٥ و يهوآشِن اتديي باقي قالان إيشلري و قواتي و يهودانن قرالي أمصيادن نصل حرب اتديي، إسرائيل قراللرنن گونلرنن تاريخلر کتابندە يازلي ديل مى؟ ‏۝١٦ و يهوآش بابالرندن برابر ياتدي و إسرائيلن قراللرندن برابر سامرەدە کوملدي و اوغلو يربعام يرنە قرال اولدي۔

‏۝١٧ و يهودانن قرالي يوآشِن اوغلو أمصيا، إسرائيلن قرالي يهوأحازن اوغلو يهوآشِن اؤلومندن سونرا، اون بش سنە ياشەدي۔ ‏۝١٨ و أمصيانن باقي قالان إيشلري، يهودا قراللرنن گونلرنن تاريخلر کتابندە يازلي ديل مى؟ ‏۝١٩ و أورشليمدە اونن ضدنە فتنە اتديلر، او دە لخيشە قاچدي، اما ارخەسنە لخيشە ادم گوندرديلر و اونو اوردە اؤلدرديلر۔ ‏۝٢٠ و اونو اطلرن اوستندە گترديلر و أورشليمدە بابالرندن برابر، داوُدن شهرندە کومديلر۔ ‏۝٢١ و يهودانن بوتون ملتي، اون التي ياشندەکي عزريايي الديلر و اونو باباسي أمصيانن يرنە قرال اتديلر۔ ‏۝٢٢ و او أيلتي بنا‌‌‌ء اتدي و قرال بابالرندن ياتدخدن سونرا، اونو يهودايە گيري ويردي۔

‏۝٢٣ و يهودانن قرالي يوآشِن اوغلو أمصيانن اون بشنجي سنەسندە، إسرائيلن قرالي يهوآشِن اوغلو يربعام، سامرەدە قرال اولدي و قرخ بير سنە حکم اتدي۔ ‏۝٢٤ و ربن گوزندە پيس اولاني ياپدي و نباط اوغلو يربعامن إسرائيلە گوناه اتدرديي بوتون گوناهلردن ال چکمادي۔ ‏۝٢٥ إسرائيلن رب اللهنن حت حافردەکي خزمتچيسي، يعني نبي أمتايِن اوغلو يونسندن سويلەديي سوزو حسبنە، حماتِن گيردندن تا عربە دنيزنە قدر، إسرائيلن حدودني گيري الدي۔ ‏۝٢٦ چونکو رب إسرائيلن مصيبتني و چوخ اجي چکماسني گورمشدي کي، اسير و حر قالمامشدي و إسرائيل إيچن بير ياردمجي يوخدي۔ ‏۝٢٧ اما رب، إسرائيلن إسمني سمانن التندن محي ادجم سويلەمامشدي، بو إيچن، اونلري يهوآشِن اوغلو يربعامن الندن قورتاردي۔

‏۝٢٨ و يربعامن باقي قالان إيشلري و اتديي هر شيي و قواتي و نصل حرب اتديي و نصل دمشقي و اوَلدە يهودانن اولان حماتي، إسرائيل إيچن گيري الديي، إسرائيل قراللرنن گونلرنن تاريخلر کتابندە يازلي ديل مى؟ ‏۝٢٩ سونرا يربعام بابالرندن، يعني إسرائيلن قراللرندن برابر ياتدي و اوغلو زکريا اونن يرنە قرال اولدي۔