٨
و أليشع، اونن اوغلونو ديرتديي اروادە ﴿قالخ و ائوندن برابر گت و هر هاريە اوتورە بلدين يردە اوتور، چونکو رب قتلخ چارغرمش و ولايتن اوستنە يدي سنە گلجي۔﴾ ددي ٢ و او ارواد قالخدي و اللە ادمنن سوزو حسبنە ياپدي و ائوندن برابر گتدي و فلسطينيلرن ولايتندە يدي سنە اوتوردي۔ ٣ و يدي سنە بتدکدن سونرا، او ارواد فلسطينيلرن ولايتندن گيري دؤندي و ائوني و تارلاسني إستمک إيچن، قرالن ياننە گتدي۔ ٤ و قرال، اللە ادمنن خزمتچيسي يعني جيحزيدن قونُشيودي و ﴿أليشعِن بوتون اتديي عظيم إيشلرني بنە سويلە۔﴾ ديودي۔ ٥ و قرالە نصل او اؤلويي ديريلتديني سويليوديي زمان، اهجخ اوغلونو ديريلتديي ارواد، ائوني و تارلاسني إستمک إيچن، قرالن ياننە گلدي و جيحزي ﴿اي قرال اغام، بو او ارواددر و أليشعِن ديريلتديي اوغلو بودر۔﴾ ددي ٦ و قرال ارواددن سؤال اتديي زمان، ارواد دە اونە هر شيي سويلەدي، او زمان قرال اونە خصيلرندن بيرني تعين اتدي و ﴿اونن بوتون مُلکلرني و ولايتي ترک اتديي گوندن تا بو گونە قدر، تارلاسنن بوتون حصدلرني اونە وير۔﴾ ددي٧ و أليشع دمشقە گتدي و أرام قرالي بنهدد خستەدي و اونە خبر ويرديلر و اللە ادمي بوريە گلمش۔﴾ دديلر ٨ او زمان، قرال حزائيلە ﴿النە بير هديە ال و اللە ادمني گورميە گت و اوندن ربە سؤال ات کي، بو خستەلخدن شفا الجم مى؟﴾ ددي ٩ و حزائيل اونو گورميە گتدي و الِندە هديەلر، يعني دمشقن قيمتلي شيلرندن قرخ دوەنن يوکنو الدي و گلدي و اوگندە دوردي و ﴿ اوغلون، أرام قرالي بنهدد بني سنە گوندردي و سويليو کي، بو خستەلخدن شفا الجم مى؟﴾ ددي ١٠ و أليشع اونە ﴿گت و اونە سويلە کي، أکيد شفا الجن، اما رب بنە گورستدي کي، أکيد او اؤلجي۔﴾ ددي ١١ و گوزنو اونە او قدر ديکدي کي، حزائيل اوتاندي و اللە ادمي اغلادي۔ ١٢ و حزائيل ﴿اغام ناي إيچن اغليو؟﴾ ددي و او اونە ﴿چونکو بني إسرائيلە ادجگن پيسلگي بليوم، اونلرن باقي قالالرني اتشدن ياخجن و جهاللرني قلنچدن اؤلدرجن و اوشاخلرني دوگجن و يوکلولرن قارنلرني يرتجن۔﴾ جواب ويردي۔ ١٣ و حزائيل ﴿بو إيت خزمتچن کيمدرکي، بو بويوک إيشي اتسن؟﴾ ددي و أليشع اونە ﴿رب بنە گورستدي کي، سن أرامن اوستنە قرال اولجن۔﴾ ددي ١٤ اوندن سونرا، أليشعِن يانندن گتدي و اغاسنە گلدي و اونە ﴿أليشع سنە ناي ددي؟﴾ ددي و او ﴿بنە سويلەدي کي، أکيد شفا الجن۔﴾ جواب ويردي۔ ١٥ و ارتگي گون، بير يورقان الدي و صويە باتردي و اغاسنن يوزو اوستنە سردي و اؤلدي و حزائيل اونن يرنە قرال اولدي۔
١٦ و إسرائيل قرالي أخاب اوغلو يورامن بشنجي سنەسندە، يهوشافاط يهودانن قرالي اولديي حالدە يهودانن قرالي يهوشافاط اوغلو يهورام حکم اتميە باشلادي۔ ١٧ و قرال اولديي زمان، اوتوز إکي ياشندەدي و سکيز سنە أورشليمدە حکم اتدي۔ ١٨ و أخاب ائونن اتديي کمي، إسرائيل قراللرنن يولُندە يريدي، چونکو أخابن قزي اونن ارواديدي و ربن گوزندە پيس اولاني ياپيودي۔ ١٩ اما رب خزمتچيسي داوُد إيچن، يهودانن محي اولماسني إستەمادي، چونکو وعد ويرمشدي کي، بوتون گونلردە اونە و اوغلولرنە بير چراغ ويرجم۔
٢٠ و اونن گونلرندە أدوميلر قالخديلر و يهودانن النن التندن چيخديلر و گنديلرنە بير قرال تعين اتديلر۔ ٢١ و يورام بوتون عرابەلرندن برابر صعيرە گتدي و گجەلين قالخدي و اونو محاصرە ادان أدوميلري و عرابەلرن رئيسلرني ووردي و ملت گندي چادرلرنە قاچديلر۔ ٢٢ و بو گونە قدر أدوميلر قالخديلر و يهودانن النن التندن چيخديلر و لبنە دە او وقتدە قالخدي۔
٢٣ و يورامن باقي قالان إيشلري و بوتون اتدکلري، يهودا قراللرنن گونلرنن تاريخلر کتابندە يازلي ديل مى؟ ٢٤ و يورام بابالرندن برابر ياتدي و داوُدن شهرندە بابالرنن يانندە کوملدي و اونن يرنە اوغلو أخزيا قرال اولدي۔
٢٥ و إسرائيلن قرالي أخاب اوغلو يورامن اون إکنجي سنەسندە، يهودانن قرالي يهورامن اوغلو أخزيا، قرال اولدي۔ ٢٦ أخزيا قرال اولديي زمان، يرمي إکي ياشندەدي و بير سنە أورشليمدە حکم اتدي و اناسنن إسمي، إسرائيلن قرالي، عُمرنن قزي عتليادي۔ ٢٧ و أخاب ائونن يولُندە يريدي و ربن گوزندە پيس اولاني، أخاب ائونن اتديي کمي، ياپيودي، چونکو أخاب ائونن گواسيدي۔
٢٨ و أخاب اوغلو يورامدن برابر، أرام قرالي حزائيلدن حرب اتميە راموت جلعادە گتدي و أراميلر يورامي يارالاديلر۔ ٢٩ و قرال يورام ، أرامن قرالي حزائيلدن حرب اتديي زمان، راموتدە أراميلر اونە اتدکلري يارالردن إيى اولماسي إيچن، يزرعيلە گيري دؤندي و يهودانن قرالي، يهورام اوغلو أخزيا، أخاب اوغلو يورامي گورميە يزرعيلە گلدي، چونکو خستەدي۔