٨
و بوندن سونرا داوُد فلسطينيلري اوتدي و اونلري محي اتدي و داوُد «aزمام قصبەي» فلسطينيلرن الندن الدي۔ ٢ و موابي ووردي و اونلري يرە ياتردي و بير إيپ اؤلچودن اؤلچدي و اؤلان ادملر، إکي إيپ اؤلچوسي و ديري قالانلر، بير إيپ اؤلچوسي اولديلر و موابليلر داوُدن خزمتچيسي اولديلر و اونە خراج ويرديلر۔ ٣ و داوُد حکومتني فُرات نهرنن يانندە ينيدن قورميه گتديي زمان، صوبە قرالي رحوبُن اوغلو هدَدي اوتدي۔ ٤ و داوُد اوندن بين يدي يوز اطلي و يرمي بين يريان عسکرلرني الدي و عرابەلرن بوتون اطلرنن اياخلرني طوپال اتدي، اما اونلردن يوز تانە عرابە إيچن ساخلادي۔ ٥ و ناوخت دمشق أراميلري، هدَد عزر صوبە قرالنە ياردم اتميە گلديلر، داوُد يرمي إکي بين أراميلرن ادملرندن اؤلدردي۔ ٦ و داوُد دمشق أرامدە محافظلر قويدي و أراميلر داوُدن خزمتچيسي اولديلر و اونە خراج ويرديلر و داوُد ربن طرفندن هر گتدي يردە اوتيودي۔ ٧ و داوُد هدَد عزرن خزمتچيلرنن اوستندەکي التن قالخانلري الدي و اونلري أورشليمە گتردي۔ ٨ و قرال داوُد هدَد عزرن شهرلرندن يعني باتحدن و بيروتايدن حدودندن زيادە نحاس الدي۔ ٩ و ناوخت حماتن قرالي توعي، داوُدن هدَد عزرن بوتون عسکرلرني اوتديني دويدي۔ ١٠ توعي، اوغلو يورامي، قرال داوُدن سلامتلخني سورمخ إيچن و داوُد هدَد عزردن حرب اتدي و اونو اوتدي إيچن، خيرلي اولسن دمەيە اونە گوندردي، چونکو توعي هر زمان هدَد عزردن حرب اديودي و يورام گندندن برابر گوموش قابلري و التن قابلري و نحاس قابلري الاتدي۔ ١١ و قرال داوُد اونلري و بوتون ملتلردن قازانديي گوموش و التني ربە تقدم اتدي۔ ١٢ يعني أرامليلردن و موابليلردن و عمون اوشاخلرندن و فلسطينيلردن و عماليقلردن و صوبە قرالي رحوبُن اوغلو هدَد عزرن غنيمتلرندن۔ ١٣ و داوُد توز درەسندە، أراميلردن اون سکيز بين ادمي اؤلدرديندە و گيري دؤندوندن سونرا دها چوخ مشهور اولدي۔ ١٤ و أدومدە محافظلر قويدي و بوتون أدومدە محافظلر قويديندن سونرا بوتون أدومليلر داوُدن خزمتچيسي اولديلر و داوُد ربن طرفندن هر گتدي يردە اوتيودي۔ ١٥ و داوُد بوتون إسرائيلن اوستنە قرال اولدي و داوُد بوتون ملتنە حکم اديودي و رحمتي يرنە گتريودي۔ ١٦ و صُرويە اوغلو يواب عسکرلرن باشي و أخيلود اوغلو يهوشافاط تسجيل اداندي۔ ١٧ و أخيطوبن اوغلو صادوق و أبيتارن اوغلو أخيمالک کاهنلر و سرايا کاتبدي۔ ١٨ و يهوداع اوغلو بناياهو جلادلرن و سعاتلرن اوستندە و داوُدن اوغلولري کاهنلردي۔