٤
و شاعولن اوغلو أبنيرن حبروندە اؤلديني دويديي زمان، اللري ضعيف اولدي و بوتون إسرائيل پريشان اولدي۔ ٢ و شاوُلن اوغلو هجوم ادان عسکرلرنن رئيسي إکي ادم واردي، بيرنن إسمي بعنە و باشخەسنن إسمي بنيامين اوشاخلرندن بئيروتلو رمونن اوغلو رکابدي، چونکو بئيروت دە بنياميندن صايليودي۔ ٣ و بئيروتليلر جتايمە قاچديلر و بو گونە قدر اوردە اوتورديلر۔ ٤ شاعولن اوغلو يوناتانن اياخلري طوپال بير اوغلو واردي و يزراعيلدن شاعولن و يوناتانن اؤلوم خبري گلديي زمان بش ياشي واردي و سوت اناسي اونو الدي و قاچدي و چونکو عجلەدن قاچيودي او دوشدي و طوپال اولدي و اونن إسمي مفيبوشتدي۔ ٥ و بئيروتلو رمونن اوغلولري يعني رکاب و بعنە يولە چيخديلر و گونن سجاخلخندە إيشبوشتن ائونە گيرديلر و او اويلن دينلنمەسي زماندە ياتيودي۔ ٦ و بوغداي الانلر کمي ائون اورتەسنە گيرديلر و اونن قارنندن وورديلر و رکاب و قارداشي بعنە قاشديلر۔ ٧ يعني ائوە گيردکلري زمان او دوشگن اوستندە ياتمە غرفەسندە ياتيودي و اونو وورديلر و اؤلدرديلر و باشني کاسديلر و اونو الديلر و بوتون گجەيي عرابە يولندن گتديلر۔ ٨ و إيشبوشتن باشني حبرونە داوُدە گترديلر و قرالە ﴿اهجخ جانني اراين دوشمانن، شاعولن اوغلو إيشبوشتن باشي، رب بو گون قرال اغامن حايفني شاعولدن و اونن اوشاخلرندن الدي۔﴾ دديلر ٩ و داوُد بئيروتلو رمونن اوغلولري يعني رکاب و قارداشي بعنەيە ﴿ربن حياتنە يمن اديوم کي جانمي هر مصيبتدن قورتاردي، ١٠ بن شاعولن اؤلوم خبرني گتران ادمي کي سانيودي إيى خبر گترمش، الدم و صقلغدە اؤلدردم و بو گتردي خبرلرنن جزاسيدي، ١١ او زمان ناي قدر زيادە، گندي ائوندە دوشگن اوستندە صالح بير ادمي اؤلدرانن پيس ادملردن، اونن قانني النزدن الميم و سزي ير يوزوندن محي اتميم مى؟﴾ ددي ١٢ سونرا داوُد خزمتچيلرنە امر ويرديي زمان اونلري اؤلدرديلر و اللرني و اياخلرني کاسديلر و گُلن يانندە اسديلر، اما إيشبوشتن باشني الديلر و حبروندە أبنيرن مزارندە کومديلر۔