٣٠
و بخور ياخميه بير مذبح ياپ۔ اونو أرز اغاچندن ياپ۔ ٢ بويو يارم متر و اني دە يارم متر اولسن يعني مربع اولسن و يوجەليي بير متر اولسن و بوينُزلري اوندن بير پارچه اولسن۔ ٣ و اونو صافي التندن قاپلا۔ اوستنو و هر طرفدن قراخلرني و بوينُزلرني و اطرافنن حصارني التندن ياپ۔ ٤ و تاجنن التنه إکي تانه التن الخە ياپ و اونلري هر إکي قولاغنه و إکي طرفنه دە ياپ و اونلر داينکلري توتمخ إيچن بير ير اولسنلر کي اونلردن اونو قالدرسنلر۔ ٥ و أرز اغاچندن داينکلر ياپ و اونلرن اوستنو التندن قاپلا۔ ٦ و اونو شهادت تابوتن اوگندەکي پردەنن يانندە يعني سندن گورشديم يرده شهادت تابوتن اوستندەکي رحمت کرسيسنن ياننه قوي۔٧ و هارون هر صباح چراغلري حاضرلەديي زمان قوخلو بخور اونن اوستندە ياخسن ٨ و اخشام وقتي هارون چراغلري حاضرلەديي زمان اونو ياخسن کي گلجي زمانده سزن اوشاخلرنزده ربن اوگنده دائماً بخور ياخسنلر۔ ٩ اصلا باشخە بخور و ياخمالي قورباني و تقدمەيي اونن اوستنە قويماين و اوستنە إيچمالي تقدمە دوکماين۔ ١٠ و هارون هر سنە بير دفعە اونن بوينُزلرنن اوستندە گوناه قوربانن فديەسني تقدم اتسن و گوناه قوربانن قانندن بدل إيچن سنە دە بير دفعە بونو سزن گلجي زماندەخي اوشاخلرنزه ياپسن چونکو بو رب إيچن ائن مقدسدر۔
١١ و رب موسۍيه بويوردي و ١٢ ﴿ناوخت إسرائيلن اوشاخلرنن صاييسني صاييون هرکز جاننن فديەسني ربە ويرسن کي اونلري صايدين زمان اونلرن باشنە مصيبت گلماسن۔ ١٣ هر کيم صايلديسه بونو ويرسن يعني مقدس مثقالن حسبنده يارم مثقال ويرسن۔ بير مثقال يِرمي قراطدر و بو يارم مثقال ربن تقدمەسيدر۔ ١٤ هرکز يِرمي ياشنده و يِرمي ياشندن زيادە صايلديسه ربن تقدمەسني ويرسن۔ ١٥ ناوخت ربە گندي جانلري إيچن بير تقدمە ويرديسەلر زنگين يارم مثقالدن زيادە ويرماسن و فقير دە دها از ويرماسن۔ ١٦ و بو تقدمەنن پارەسني إسرائيلن اوشاخلرندن ال و اونو خزمت إيچن إجتماع چادري إيچن وير و بو تقدمەلر إسرائيلن اوشاخلري إيچن ربن حضورندە بير ذکره اولسن و اونلرن جانلرنه بير بدل اولسن۔﴾ ددي
١٧ و رب موسۍيه بويوردي و ١٨ ﴿چيممک إيچن نحاسدن بير حوض ياپ و اونن اياغي نحاسدن اولسن و اونو إجتماع چادرنن و مذبحن اورتەسنه قوي و إيچنه صوي دوک۔ ١٩ و هارون و اوغلولري اللرني و اياخلرني اوندن يوسنلر۔ ٢٠ ناوخت إجتماع چادرنه گيرديسەلر صويدن يوسنلر کي اؤلماسنلر! و ناوخت خزمت اتمک و ياخمالي قوربانلرني ربە تقدم اتمک إيچن مذبحه ياخلاشديسەلر ٢١ او زمان اللرني و اياخلرني يوسنلر کي اؤلماسنلر و بو اونلره و اونە و اونن گلجي زماندەخي اوشاخلرنه يعني نسلدن نسله ابدي بير قانون اولسن۔﴾ ددي
٢٢ و رب موسۍيه سَسلندي و ٢٣ ﴿سن خاص قوخولر ال و بش يوز مثقال سخلمش مُر و اونن ياريسي قدر يعني إکي يوز اللي مثقال قوخلو قرفه و إکي يوز اللي مثقال دە قوخلو قامش ٢٤ و مقدس يرن ميزاني حسبنده اؤلچلمش بش يوز مثقال قرفه و aبير هين زيتون ياغي۔ ٢٥ اونلردن مقدس مسح ياغني ياپ يعني قوخوجنن ياپديي قوخو مقدس مسح ياغي اولسن ٢٦ و إجتماع چادرني و شهادت تابوتني اوندن مسح ات ٢٧ و طاولەيي بوتون اشيالرندن و منارەيي و اشيالرني و بخور مذبحني ٢٨ و ياخمالي قوربانن مذبحني و بوتون اشيالرني و حوضو و اياخني مسح ات ٢٩ و اونلري تقديس ات کي ائن مقدس اولسنلر۔ اونلره دوخنان هر شي مقدس اولجي ٣٠ و هارونو و اوغلولرني مسح ات و اونلري تقديس ات کي بنە کاهنلِک اتسنلر۔﴾ ددي
٣١ و إسرائيلن اوشاخلرنه سَسلن و اونلره ﴿بو سزن گلجي زماندەخي اوشاخلرنز إيچن بنم مقدس مسح ياغمدر۔ ٣٢ و إنسانن جسمنه دوکلماسن و اونن ياپلديي حسبده ياپماين چونکو مقدسدر و سزن ياننزده مقدس اولجي۔ ٣٣ هر کيم اونن کمي ياپديسه و هر کيم اوندن يادرغي بير ادمە دوکديسه گندي ملتندن محي اولجي۔﴾ ددي
٣٤ و رب موسۍيه ﴿قوخولر ال يعني ميعه و اظفار بخوري و قنه قوخوسو و صافي لبان بخوري عينا اؤلچولرده حاضرله ٣٥ و بونلردن بخور ياپ۔ قوخوجُنن ياپديي بخور کمي توزدن ياپلسن و صافي و مقدس اولسن ٣٦ و اونن بير ازني أز و اونو إجتماع چادرنن إيچندە شهادت تابوتنن ياننه قوي يعني سندن گورشەجگم يره قوي و سزن إيچن ائن مقدس اولسن۔ ٣٧ و سنن ياپدين بو بخورن حسبنده باشخەسني گندنزه ياپماين و اونو رب إيچن مقدس صاين۔ ٣٨ هر کيم قوخلەمخ إيچن اونن کمي بير بخور ياپديسه ملتدن محي اولسن۔﴾ ددي