٢٧
و أرز اغاچندن بير مذبح ياپ۔ اونن بويو إکي بوچوخ متر و اني دە إکي بوچوخ متر اولسن و مذبح مربع اولسن و يوجەليي بير بوچوخ متر اولسن۔ ٢ و دورت قولاغنن اوستندە بوينُزلرني ياپ و بوينُزلري دە اوندن بير اولسن و اونن اوستنو نحاسدن قاپلا ٣ و کوللرني الاتمک إيچن ساتللرني و کورکلرني و تاسلرني و شوکەلرني و اتش قابلري و بوتون اشيالرني نحاسدن ياپ۔ ٤ و اونە نحاسدن بير شبکەلي منقل ياپ و اونن دورت قولاغنه دورت تانه نحاس الخە ياپ ٥ و اونو اشاغيده مذبحن ياننه قوي کي شبکه مذبحن ياريسنه قدر اولسن ٦ و مذبحه إکي داينک ياپ۔ داينکلر أرز اغاچندن اولسن و اونلرن اوستنو نحاسدن قاپلا ٧ و سورگولري الخەلرندن گچرسنلر و داينکلر مذبحن إکي طرفنده اولسنلر کي اونو قالدرسنلر ٨ و اونو تختەلردن ياپ و إيچي بوش اولسن۔ سنە داغده گورستيلان مثيلن حسبنده ياپسنلر۔٩ و مسکنن حاوشني جنوب طرفه دوغرو ياپ و حاوشن پردەلري يوخه و چمرنمش کتاندن اولسن و بويو اللي متر اولسن ١٠ و عمودلري يِرمي و اياخلري دە يِرمي تانه اولسن و اونلر نحاسدن ياپلسن و عمودلرن چنغاللري و سورگولري گوموش اولسن۔ ١١ و شمال طرفن اوزونلغنده پردەلر اولسن و اونلرن بويو اللي متر اولسن و اونن يِرمي عمودي و يِرمي تانه اياغي نحاسدن اولسن و عمودلرن چنغاللري و اونلرن سورگولري گوموشدن اولسن ١٢ و حاوشن انينده يعني غرب طرفده يِرمي بش متر اؤلچوسنده پردەلر اولسن و اونلرن عمودلري اون تانه و اياخلري دە اون تانه اولسن ١٣ و شرق طرفده حاوشن اني يعني گون چيخان ير يِرمي بش متر اولسن ١٤ و قاپينن بير طرفينن پردەلري يدي بوچوخ متر و عمودلري اوچ تانه و اياخلري دە اوچ تانه اولسن ١٥ و اوتکي طرفِن پردەلري يدي بوچوخ متر و اونلرن عمودلري اوچ تانه و اياخلري دە اوچ تانه اولسن ١٦ و حاوشن قاپيسنه اون متر گوو و مور و قرمزي و چمرنمش و يوخه و اوستندە نقش ياپلمش کتان پردە اولسن و عمودلري دورت و اياخلري دە دورت تانه اولسن
١٧ و حاوشن اطرافندەخي بوتون سورگولر گوموش اولسن و برابرنه ياپشسنلر و اونلرن چنغاللري گوموشدن و اياخلري نحاسدن اولسن۔ ١٨ حاوشن بويو اللي متر و اني هر طرفدن يِرمي بش متر و يوجەليي إکي بوچوخ متر اولسن۔ پردەلري يوخه و چمرنمش کتاندن و اياخلري نحاسدن اولسن ١٩ و هر خزمت إيچن مسکنن بوتون اشيالري و اشيالرن بوتون موخلري و حاوشن بوتون موخلري نحاسدن اولسن۔