‏۝٥ و مصرن قرالنه ملت قاچدي دديلر و فرعونن يورگي و خزمتچيلرنن يورگي ملتدن دايشدي و ﴿بز ناي ياپدخ؟ إسرائيلن اوشاخلرني خزمتمزدن قوارتدخ۔﴾ دديلر ‏۝٦ و عرابەسني حاضرلەدي و ملتني گندسندن الاتدي ‏۝٧ و التي يوز ساچدکلري عرابەيي و مصرن بوتون عرابەلرني و اونلرن اوستنه بينان بوتون عسکرلري الدي ‏۝٨ و رب مصرن قرالي فرعونن يورگني سرت اتدي و او إسرائيلن اوشاخلرني قووالادي اما إسرائيلن اوشاخلري يوجه الدن دشري چيخديلر ‏۝٩ و مصريلر بوتون اطلرندن و فرعونن عرابەلرندن و اونن اطه بينانلرندن و عسکرلرندن اونلرن ارخەسندن گتديلر و ناوخت اونلر دنيزن يانندە و فم حيروثن و بعل صفونن اوگنده اوتورانلره اولاشديلر

‏۝١٠ و فرعون اونلره ياخلاشديي زمان إسرائيلن اوشاخلري گوزلرني قالدرديلر و گورديلر کي اهجخ مصريلر اونلرن ارخەسندن گليولر و إسرائيلن اوشاخلري چوخ قورخديلر و ربن حضورنده باغرديلر ‏۝١١ و موسۍيه ﴿مصرده مزارلر اولماديي إيچن مى بزي بوريه گتردن؟ چؤلده اؤلجخ! بزي مصردن دشري چيخاردن۔ بزە ناي ياپدن؟ ‏۝١٢ مصرده سنە بزە إذن وير کي مصريلره خزمت اداک سويلەمادک مى؟ چونکو بزە مصريلره خزمت اتمک چؤلده اؤلمکدن دها إييدر!

‏۝١٣ موسى ملته ﴿قورخماين! دورن و ربن قورتُلشني گورن کي اونو بو گون سزن إيچن ياپجي۔ چونکو بو گون گوردُنز مصريلري ارتخ سونسزه قدر گورميجنز۔ ‏۝١٤ رب سزن إيچن صواشجي و سز سَسسِز قالن۔﴾ ددي

‏۝١٥ و رب موسۍيه ﴿نيى بنە باغريون؟ إسرائيلن اوشاخلرنه سويلە يريسنلر۔ ‏۝١٦ اما عصاني قالدر و الِني دنيزه اوزات و اونو يار کي إسرائيلن اوشاخلري دنيزن اورتەسندن قورولخ يولنه گيرسنلر۔

‏۝١٧ اما بن اهجخ مصريلرن يورگني کيتليوم کي اونلرن ارخەسندن گلسنلر و فرعوندن و اونن بوتون عسکرلرندن و عرابەلرندن و اطه بينانلرندن تشرف اولجم ‏۝١٨ و ناوخت فرعوندن و عرابەلرندن و اطه بينانلرندن تشرف اولديسم مصريلر بلجيلر کي بن ربِم۔﴾ ددي

‏۝١٩ و إسرائيلن جماعتنن اوگنده گدان اللهن ملاگي اونلرن ارخەسندن گِتدي و بلوت عمودي اونلرن اوگندن چيخدي و اونلرن ارخەلرنده دوردي۔ ‏۝٢٠ و مصريلردن إسرائيلن عسکرلرنن اورتەسنه گلدي و اونلر إيچن بلوتلو و قرانلخدي و إسرائيلن جماعتنه گجەده ايدنلخ ويريودي و اونلر بوتون گجه برابرنه ياخلاشماديلر

‏۝٢١ و موسى الِني دنيزه اوزاتدي و رب دنيزي بوتون او گجه قواتلي شرقي يئلدن گيري چکدي و دنيزي قوروتدي و صويلر يارلدي ‏۝٢٢ و إسرائيلن اوشاخلري دنيزن اورتەسنده قورو يردن گِتديلر و صويلر اونلر إيچن صاغده و صولده دووار کمي اولديلر ‏۝٢٣ و مصريلر بوتون اطلردن و عرابەلردن فرعونن اطه بينانلرندن اونلرن ارخەسندن گتديلر و دنيزن اورتەسنه گلديلر ‏۝٢٤ و صباح وقتي رب اتش و بلوت عمودندن مصريلرن عسکرلرنه باخدي و مصريلرن عسکرلرني قارشتردي ‏۝٢٥ و اونلرن عرابەلرنن تکرّکلرني ايردي کي اونلر عرابەلرني زور سورسنلر و مصريلر ﴿إسرائيلن اوشاخلرنن حضورندن قاچاخ! چونکو رب اونلر إيچن مصريلردن صواشيو۔﴾ دديلر

‏۝٢٦ و رب موسۍيه ﴿الِني دنيزە اوزات کي صويلر مصريلره و عرابەلرنه و اونلرن اطه بينانلرنه گيري دؤنسن۔﴾ ددي ‏۝٢٧ و موسى الِني دنيزه اوزاتدي و صباح ائرجەدن دنيز گندي حالنه دؤندي و مصريلر اونن اوگندن قاچديلر و رب مصريلري دنيزن إيچنه چکدي ‏۝٢٨ و صويلر گيري دؤنديلر و عرابەلري و اطه بينانلري و اونلرن ارخەسندن گلان فرعونن بوتون عسکرلرنن اوستنە گلدي و اونلردن بير کشي دە قالمادي

‏۝٢٩ اما إسرائيلن اوشاخلري دنيزن اورتەسنده قورو يردن گتديلر و صويلر اونلر إيچن صاغده و صولده بير دووار کمي اولدي۔

‏۝٣٠ و او گون رب إسرائيلي مصريلرن الِندن قورتاردي و إسرائيل دنيزن يانندە مصريلرن اؤلو جسدلرني گوردي ‏۝٣١ و إسرائيل ربن ياپديي او بويوک إيشي گوردي و ملت ربدن قورخدي و ربە و اونن خزمتچيسي موسۍيه إيناندي۔