٢
او زمان لاوي ائوندن بير کشي گتدي و لاوي بير قزدن ائولندي۔ ٢ و او ارواد يوکلو اولدي و بير اوغلان دوغردي و چوخ گوزال بير چوجوخ اولدي إيچن اونو اوچ اي ساخلادي۔ ٣ و ارتخ اونو ساخليابلمادي إيچن غمشدن ياپلمش بير سپد گتردي و اونە نفت و زفِت سورتدي و چوجوغو اونن إيچنه قويدي و اونو غمشلگِن يانندەخي نهره قوارتدي۔ ٤ و چوجوغن باجيسي يراخده دوردي کي بلسن اونن باشنە ناي گلجي۔٥ و فرعونن قزي چيممک إيچن نهره گيردي و اونن aخزمتچيلري نهرن يانندە گزيوديلر۔ بو إيچن سپدي غمشلگِن إيچندە گوردي و خزمتچيسني گوندردي کي اونو توتسُن۔ ٦ ناوخت اونو اچدي چوجوغو گوردي و اهجخ اغليان بير چوجوخدي و يورگي اونە ياندي و ﴿بو عبرانيلرن اوشاخلرندندر۔﴾ ددي ٧ و اونن باجيسي فرعونن قزنه ﴿گديم و عبراني اروادلردن امزکلي بير اروادي ياننە چاغرم مى؟ و گلسن چوجوغو سنن إيچن امزرسن۔﴾ ددي ٨ و فرعونن قزي ﴿گت!﴾ ددي و او قز چوجوغن اناسني چاغرميە گتدي۔ ٩ و فرعونن قزي ﴿بو چوجوغو الات و بنم إيچن اونو امزر و سنن اوجرتِني ويرجم۔﴾ ددي و او ارواد چوجوغو الدي و امزردي۔ ١٠ اوندن سونرا چوجوخ بويودي و اونو فرعونن قزنن ياننە الاتدي و اونن اوغلو اولدي و اونن إسمني موسى قويدي چونکو ﴿اونو صويدن چيخاردم۔﴾ ددي
١١ و او گونلردە موسى بويودکدن سونرا قارداشلرنن ياننە گتدي و اونلرن زور إيشلرني گوردي و بير مصريي گوردي کي اونن قارداشلرندن عبراني بير ادمي ووريودي۔ ١٢ بو إيچن او طرفه و بو طرفه باخدي و هيچ کيمسەيي گورماديي إيچن او مصري ادمي اؤلدردي و اونو قومده ساخلادي۔ ١٣ و باشخە بير گون گنە چيخدي و إکي عبراني ادمي گوردي کي دوگشيوديلر و ظلم ادان ادمە ﴿نيى يولداشني ووريون؟﴾ سوردي ١٤ او ادم ﴿کيم سني بزە رئيس يا دە حاکم اولمخ إيچن تعين اتدي؟ يوخسە بني دە او مصري ادمي اؤلدردين کمي اؤلدرجن مى؟﴾ ددي بو إيچن موسى قورخدي و ﴿أکيد بو هر يرده يايلمش!﴾ ددي ١٥ و ناوخت فرعون بونو دويدي، موسۍي اؤلدرمک إستەدي و موسى فرعوندن قاچدي و مديان ولايتنده اوتوردي و بير قويونن ياننده اوتوردي۔
١٦ و مديان کاهننن يدي قزي واردي و اونلر گلديلر و صوي چکديلر و بابالرنن سوروسنه صوي ويرمک إيچن حيوانلرن صوي إيچمە يرلرني دولدرديلر۔ ١٧ و چوبانلر گلديلر و اونلري قووديلر۔ او زمان موسى قالخدي و اونلره ياردم اتدي و اونلرن سوروسنه صوي ويردي۔ ١٨ و او قزلر بابالري رعوئيلن ياننە گلديلر و ﴿بو گون نصل ائر گلدنز؟﴾ ددي ١٩ اونلر ﴿مصري بير ادم بزي چوبانلرن الندن قورتاردي و بزە و سورويه صوي چکدي۔﴾ دديلر ٢٠ و قزلرنه ﴿او هارده؟ نيى او ادمي ترک اتدنز؟ اونو چاغرن اکمک يەسن۔﴾ ددي
٢١ و موسى او ادمدن اوتورمخ إيچن راضي اولدي و او قزي صفورەيي موسۍيه ويردي۔ ٢٢ و او بير چوجوخ دوغردي و اونن إسمني «جرشوم» قويدي و ﴿بو غريب ولايته إيندم۔﴾ ددي
٢٣ و چوخ گونلردن سونرا مصر قرالي اؤلدي و إسرائيلن اوشاخلري خزمتچيلخدن bسزلەديلر و يالوارديلر و خزمتچيلخدن اونلرن سزلامەلري اللهه اولاشدي۔ ٢٤ و الله اونلرن سزلامەلرني دويدي و الله إبراهيمدن و إسحاقدن و يعقوبدن ياپديي انلاشمەسني عقلنه گتردي۔ ٢٥ و الله إسرائيلن اوشاخلرنه باخدي و الله اونلري بلدي۔