٧
و أورشليمدن گلان فريسيلر و بعزي شريعت معلملري اونن ياننە توپلانديلر۔ ٢ و اونن بعزي اوغرنجيلري نجس يعني يخانمامش اللردن يمک يدکلرني گوردکلري زمان اونلري ازارلەديلر۔ ٣ چونکو فريسيلر و بوتون يهوديلر شيخلرن عادتي حسبنە اللرني يومادن اوَل يمک يمازديلر۔ ٤ و بازاردن گلدکلري زمان يخانمادخلرنده هيچ بير شي يمازديلر و چوخ دها شيلر مثلاً کاسەلرن و بارداخلرن و نحاس قابلرن و دوشکلرن يخامەسي وار کي اونلري ده ياپيولردي۔٥ و فريسيلر و شريعت معلملري اونە ﴿نيى سنن اوغرنجيلرن شيخلرن عادتني حفظ اتميولر و يخانمامش اللردن يمک ييولر!﴾ سورديلر
٦ و او اونلرە ﴿نبي إشعياء سزن إيچن صح نبيلک ويردي کي «اي إکي يوزلولر يازلمش کمي بو ملت دوداخلرندن بني احترام اديولر اما يورکلري بندن يراخدر۔ ٧ اونلر بوشدە بنە تاپيولر چونکو بنم امرلرمن يرنه إنسانلرن تعليمني ويريولر۔» ٨ چونکو اللهن امرلرني ترک اديونز و إنسانن عادتلرني يعني باردخلرن و کاسەلرن يخامەسني حفظ اديونز و بونلر کمي باشخە چوخ شيلر اديونز۔﴾ ددي
٩ اوندن سونرا اونلرە ﴿سز گندي عادتلرنزي حفظ اتمک إيچن اللهن امرلرني ناي گوزال إبطال اديونز۔ ١٠ چونکو موسى «بابانە و انانە احترام ات و کيم بابايە يا انايە سوگديسه اؤلومە لايخدر۔»
١١ لکن سز ديونز کي ناوخت بير کشي باباسنە يا اناسنە دديسە کي بندن سنە ناي فايده گلسايدي قوربان، يعني الله إيچن بير هديە اولدي۔ ١٢ و بوندن سونرا باباسنە يا اناسنە هيچ بير شي اتمەسي إيچن إذن ويرميونز۔ ١٣ و سز تعين اتدينز عادتلرنزن حسبنه اللهن سوزنو إبطال اديونز و بونن کمي چوخ شيلر اديونز۔﴾ ددي
١٤ و او گنە بوتون او زحمتي ياننە چاغردي و اونلرە ﴿هپنز بندن دينلەين و انلاين۔ ١٥ دشردن إنسانن إيچنە گيران هيچ بير شي اونو نجس ادەبلماز لکن إنساني نجس ادان اونن إيچندن چيخان شيلردر۔ ١٦ کيمدە دينلەمک إيچن قولاخ وارسە دينلەسن۔﴾ ددي
١٧ و زحمتي براخدي و بير ائوە گيردي و اوغرنجيلري بو مثيلن معنۍسني اونە سورديلر۔ ١٨ او اونلرە ﴿سز دە فهمسز مسنز؟ بلميونز کي دشردن إنسانن إيچنە گيران شي اونو نجس ادەبلماز! ١٩ چونکو اونن يورگنە گيرميو اما إنسانن قارننە گيريو و چيخيو و چشميە گديو۔﴾ ددي عيسى بو دديگندن بوتون يمکلري تمز صايدي۔
٢٠ ﴿إنساندن دشري چيخان شي إنساني نجس اديو۔ ٢١ چونکو إنسانن يورگندن کوتو افکارلر و زنا و پيسلک و قتل و خرخزلخ ٢٢ و طمعلک و پيسلک و حيلەلک و شهوات و پيس گوز و کفرلک و کبيرلک و عقلسزلخ چيخار۔ ٢٣ بوتون بو پيس شيلر إنسانن إيچندن چيخيو و إنساني نجس اديو۔﴾ ددي
٢٤ و اورادن قالخدي و صور و صيدا حدودنە گتدي و بير ائوە گيردي و هيچ کيمسەيە بلنمک إستەمادي اما گزلنەبلمادي، ٢٥ چونکو بير ارواد واردي کي اونن کوچک قزندە کوتو روح واردي، و او ارواد ناوخت عيسۍنن خبرني دويدي، تز گلدي و اونن اياخلرنە دوشدي۔ ٢٦ و او سوريانن فينيقيەسندن گلان يوناني بير ارواددي او اونە قزندن شيطاني چيخارمەسي إيچن يالواردي۔ ٢٧ اما عيسى اونە ﴿براخ اوَل اوشاخلر دويسنلر چونکو اوشاخلرن يمگني المخ و إيتلرە أتمخ إيى ديل۔﴾ ددي ٢٨ او ارواد اونە ﴿ائوت يا رب! چونکو إيتلر دە سوفرەنن التنده اوشاخلرن قيرنتيلرندن ييولر۔﴾ جواب ويردي۔ ٢٩ او اونە ﴿بو سوز إيچن گت شيطان سنن قزندن چيخدي۔﴾ ددي ٣٠ و او ارواد ائونە گتدي و شيطانن چيخديني و قزي دوشگن اوستنده ياتمش بولدي۔
٣١ و گنە عيسى صور و صيدا حدودندن چيخدي و دقابولس حدودندن جليل دنيزنە گلدي۔ ٣٢ او زمان صاغر و دلي توتلمش بير ادمي اونە گترديلر و اونن اوستنە الِني قويمەسي إيچن اونە يالوارديلر۔ ٣٣ و اونو زحمتدن اييردي و پارمخلرني اونن قولاخلرنە قويدي و توکوردي و دلِنە دوخُندي۔ ٣٤ و سمايە باخدي و بير اخ چکدي و اونە ﴿افاتا!﴾ ددي يعني اچل۔ ٣٥ و تزدن اونن قولاخلري اچلدي و دلِنن باغي چؤزلدي و او دوز قونُشميه باشلادي۔ ٣٦ و عيسى اونلرە امر ويردي کي بونو هيچ کيمسەيە سويلەماسنلر لکن ناي قدر تنبيه اتديسە بله اونلر دها زيادە خبر ويريوديلر۔ ٣٧ و چوخ قواتلي شاشديلر و ﴿هر شيي إيى اديو۔ صاغرلرن قولاخلرني اچيو و ارخسلري قونُشدريو!﴾ ديوديلر۔