٦
اورادن چيخدي و گندي وطننە گيردي و اوغرنجيلري اونو تاکيب اتديلر۔ ٢ و سبت گونو اولدينده مجمعدە تعليم ويرميە باشلادي و چوخ کشيلر دويدخلري زمان شاشديلر و ﴿بو شيلر بو ادمه هاردن گلمش؟ و بو نصل بير عقلدر کي اونە ويرلمش و بله معجزەلري الِندن ادەبليو؟ ٣ بو بير نجار مريمن اوغلو و يعقوب و يوسا و يهوذا و سمعونن قارداشي ديل مى؟ و اونن باجيلري بوردە بزدن اوتورميولر مى؟﴾ دديلر و اونە دارلديلر۔٤ aلکن عيسى اونلرە ﴿بير نبي احترامسز ديل إلا گندي وطنندە و گندي اهليسنن يانندە و گندي ائوندە۔﴾ ددي
٥ و اورده هيچ بير معجزە ادەبلمادي بس اللرني بير قاچ خستە ادمن اوستنە قويدي و اونلرە شفا ويردي۔ ٦ اونلرن إيمانسزلخندن شاشدي و اطرافدەخي کويلرده تعليم ويرمک إيچن دولاشيودي۔
٧ و اون إکيلري چاغردي و اونلري إکي إکي گوندرميە باشلادي و اونلرە کوتو روحلري قوومخ إيچن قدرت ويردي۔ ٨ و اونلرە امر ويردي کي يول إيچن بير داينکدن باشخە هيچ بير شي الماسنلر، يعني نە اکمک نە شنطە نە کمرلرنده پارە ٩ بس بير چارغ گاين و إکي خرخە گايماين۔
١٠ و اونلرە ﴿بير ائوە گيرديسنز تا او يردن چيخدينز زمانە قدر اوردە قالن۔ ١١ bcهاردە سزي قبول اتماديسەلر و سزي دينلەماديسەلر اورادن چيخِن و اونلرە بير شهادت ويرمک إيچن اياخلرنزن التندەخي توزو سلکِن۔ صح سزە ديوم کي جزا گونندە سدوم و عمورەنن حالي او شهردن دها بسيط اولجي۔﴾ ددي
١٢ سونرا چيخديلر و إنسانلرن توبە اتمەسي إيچن وعظ اتديلر۔ ١٣ dو چوخ شيطانلري چيخارديلر و چوخ خستە ادملره زَيت سورديلر و شفا ويرديلر۔
١٤ eو قرال هيرودس بونو دويدي چونکو عيسۍنن إسمي مشهور اولمشدي و ﴿وفتيز ويران يحيى اؤلومدن قالخمش و بو إيچن معجزەلر ادەبليو۔﴾ ددي
١٥ اما بعزيلر إيليادر و بعزيلر دديلر کي او بير نبيدر يا ده او اسکي نبيلردن بيريدر۔
١٦ اما هيرودس بونو دويديي زمان ﴿اهجخ بو باشني کاسديم يحيۍدر کي اؤلومدن قالخمش۔﴾ ددي
١٧ fچونکو هيرودس يحيۍنن توتلمەسنه ادم گوندرمشدي و اونو حبسدە باغلامشدي۔ بونو قارداشي فيلپُسن اروادي، هيروديا إيچن ياپمشدي۔ ١٨ بو إيچن يحيى هيرودسە ﴿قارداشنن اروادني المخ سنە حلال ديل۔﴾ دايمشدي۔
١٩ و هيروديا اونە کين توتدي و اونو اؤلدرمک إستيودي اما ادەبلميودي۔ ٢٠ هيرودس يحيۍدن قورخيودي چونکو اونن گوزندە يحيى صالح و مقدس بير ادمدي بو إيچن اونە موخيات اوليودي و ناوخت اوندن دوييودي چوخ شيلر ياپيودي و کايفلکدن اوندن دينليودي۔
٢١ و بير مناسب گون گلدي يعني هيرودس گندي دوغوم گونندە بويوک مهم کشيلره و بين باشيلره و جليلن رئيسلرنە بير ضيافت ياپدي۔ ٢٢ هيروديانن قزي گلدي و اوينادي و بوندن هيرودس و اوندن سوفرەدە اوتورانلر کايفلنديلر۔ قرال قزە ﴿بندن هر ناي إستەديسن سنە ويرجم۔﴾ ددي ٢٣ ﴿بندن هر ناي إستەديسن تا مملکتمن ياريسني سنە ويرجم۔﴾ اونە يمن اتدي ٢٤ او چيخدي و گندي اناسنە گتدي و اونە ﴿ناي إستيجم؟﴾ سوردي و او اونە ﴿وفتيز ويران يحيۍنن باشني۔﴾ ددي ٢٥ و قز تزدن قرالن حضورنە گيردي و ﴿شندي بنە صحنن اوستندە وفتيز ويران يحيۍنن باشني گتر۔﴾ ددي ٢٦ قرال زيادە موتسز اولدي لکن يمن اتدي و سوفرەدە برابر اوتورانلر إيچن اونو رد اتمک إستەمادي۔ ٢٧ و قرال تزدن حبسه محافظ گوندردي و اونن باشني گترسن إيچن امر ويردي۔ ٢٨ و اوردە حبسدە باشني کاسدي و بير صحندە گتردي و قزە ويردي و قز اناسنە ويردي۔ ٢٩ و اونن اوغرنجيلري بونو دويديلر و گلديلر و جسدني قالدرديلر و بير مزارە قويديلر۔
٣٠ و رسوللر عيسۍنن ياننە توپلانديلر و ياپدخلري و تعليم ويردکلري شيلرن هپسني اونە سويلەديلر۔ ٣١ او اونلرە ﴿يلا بير بوش يرە تک گداک و بير از إسترحت ادن۔﴾ ددي چونکو کشيلر گليوديلر تا يمک ييەبلماديلر چونکو او قدر زمان بلە يوخدي۔ ٣٢ و بير بوش يرە گتمک إيچن بير باخيرەدن گتديلر۔ ٣٣ و زحمت اونلري گوردي کي اونلر گديوديلر چونکو اونلردن چوخو اونو بليوديلر بوتون شهرلردن اوريە اياخدن قاچديلر و اونلردن اوَل اولاشديلر و ياننە توپلانديلر۔ ٣٤ gو عيسى چيخدي و بو بويوک زحمتي گوردي و چوبانسز قويونلر کمي اولدخلري إيچن اجيدي و اونلرە چوخ شيلر إيچن تعليم ويرميە باشلادي۔
٣٥ و گچ اولديي إيچن اوغرنجيلر اونن ياننە گلديلر و اونە ﴿بورەسي بوش بير يردر و ارتخ زمان گچ اولدي۔ ٣٦ اونلري اطرافدەخي چيفلکلرە و کويلرە گوندر کي گنديلرنە يمک السنلر، چونکو اونلردە يمک هيچ يوخدر۔ ٣٧ اما او اونلرە ﴿سز اونلرە يمک ويرن﴾ جواب ويردي۔
اونلر اونە ﴿إکي يوز دينارلخ اکمک الاخ و اونلرە گترەک مى؟﴾ دديلر ٣٨ او اونلرە ﴿قاچ اکمگنز وار؟ گدن و باخن۔﴾ ددي و اونلر باخديلر و اونە ﴿بش اکمک و إکي بالخ وار﴾ دديلر ٣٩ و اونلرە امر اتدي کي هپسني بير اوتلي يردە بلوک بلوک اوتوتدرسنلر۔ ٤٠ اونلر يوز يوز و اللي اللي، صاف صاف اوتورديلر۔ ٤١ و بش اکمگي و إکي بالخي الدي و سمايە باخدي و اونلري برکتلەدي۔ و اکمگي پيلدکدن سونرا اوغرنجيلرە ويردي کي اونلر زحمتە ويرسنلر و إکي بالخي ده هپسنە داغتدي۔ ٤٢ هرکز يديلر و دويديلر۔ ٤٣ اوغرنجيلر اکمک و بالخدن زيادە قالان پارچەلردن اون إکي سپد دولدرديلر و الاتديلر۔ ٤٤ او يمکدن بش بين ارکک يدي۔
٤٥ و تزدن اوغرنجيلرني بير باخيرەيە بيندردي و اوتکي طرفە يعني بَيت صيدايە گوندردي و او زحمتي صالدي ٤٦ او اونلري ترک اتدکدن سونرا دوعا اتمک إيچن داغە چيخدي۔ ٤٧ و اخشام اولدي و باخيرە دنيزن اورتەسندەدي و او يردە تک قالدي۔ ٤٨ و او گوردي کي يئل قواتلي اولدي و اونلرن يئلن ضدنە گتمەلري چوخ زور اوليودي۔ گجەدە تقريباً ساعت اوچدە او دنيزن اوستندە گزيودي و اونلري گچيجيدي۔ ٤٩ اونلر گورديلر کي او دنيزن اوستندە گزيودي و بير خيال سانديلر إيچن سَسلنديلر۔ ٥٠ چونکو هپسي اونو گورديلر و قورخديلر و او اونلرە ﴿جسارتلي اولن بنم قورخماين۔﴾ ددي ٥١ و باخيرەيە بيندي و يئللر ساکِن اولدي۔ اونلر تماماً شاشديلر، ٥٢ چونکو اکمکلرن معجزەسني انلاماديلر اما اونلرن يورکلري قاپانمشدي۔
٥٣ و اوتکي طرفە گچديلر و جنيسارت يرلرنە گلديلر و باخيرەيي قراغه چکديلر۔ ٥٤ و اونلر باخيرەدن چيخديلر و تزدن إنسانلر اونو بلديلر۔ ٥٥ و ناوخت اطرافدەخي بوتون ولايتلري دولاشديلر و اونن هارده اولديني بلدکلري زمان، اوريە دوشکلردە خستە ادملري گترميە باشلاديلر۔ ٥٦ و هر کويە يا شهرلرە يا چيفتلکلرە گيرديسە خستە ادملري ميدانلرە قويديلر و اونن اسبابنە دوخُنمخ إيچن اونە يالوارديلر۔ و بوتون دوخُنان کشيلر شفا الديلر۔