٢
و أليمالک قبيلەسندن يعني نُعمينن گشسنن اقرابەلرندن بوعز إسمندە زنگين بير ادم واردي۔ ٢ موابي راعوث نُعميە ﴿بنم تارلالره گتمم إيچن إذن وير و هر کيمن گوزندە مرحمت بولديسم اونن ارخەسندن حصد توپليجم۔﴾ ددي نُعمي اونە ﴿قِزم گت۔﴾ ددي ٣ و گتدي و تارلايە اولاشدي و اوراغچيلرن ارخەسندن حصد توپلاميه باشلادي و صدفه اونن گيرديي ير أليمالک قبيلەسندن اولان بوعزن تارلاسيدي۔ ٤ اهجخ بوعز بَيت لحمدن گلدي و اوراغچيلرە ﴿رب سزدن برابر اولسن۔﴾ ددي و اونلر ﴿رب سني برکتلەسن۔﴾ دديلر ٥ و بوعز اوراغچيلره مسؤل اتديي خزمتچيسنە ﴿بو کيمن قزيدر؟﴾ ددي ٦ اوراغچيلره مسؤل اتديي خزمتچي ﴿نُعميدن برابر مواب ولايتندن گيري دؤنان موابي قزدر۔﴾ جواب ويردي۔ ٧ و بنە ﴿کلابلرن اورتەسندە و اوراغچيلرن ارخەسندن حصد توپلامخ إيچن سنە يالواريوم۔﴾ ددي و گلدي و صباحدن تا شنديە قدر قالمش و بير از دە ائودە دورمش۔٨ و بوعز راعوثە ﴿قِزم! دويميون مى؟ حصد توپلامخ إيچن باشخە تارلايە گتما۔ و بورادن دە گچما لکن بوردە بنم ارواد خزمتچيلرمدن قال۔ ٩ گوزلرني بچلان تارلايە ديک و اونلرن ارخەسندن گت۔ بن جهاللرن سنە دوخنمالري إيچن، امر ويرمادم مى؟ و اگر صوسز اولديسن اونلرن قابلرنن ياننه گت و جهاللرن چکديي صويدن إيچ۔﴾ ددي ١٠ و راعوث يوزو اوستنە دوشدي و يرە قدر أگلدي و اونە ﴿يادرغي اولدم حالده نيى سنن گوزنده مرحمت بولدم و دقتني بنە ويريون؟﴾ ددي ١١ بوعز اونە ﴿گشينن اؤلومندن سونرا قاين انانە اتديين هر شيي و نصل باباني و اناني و دوغدون يري قوارتديني و دها اوَلي بلمادين ملتە گلديينن خبري تماماً بنە اولاشمش۔ ١٢ رب سنن عملنه اوجرت ويرسن و قنادلرنن التنە سيغندين إسرائيلن رب اللهندن سنە کامل اوجرت گلسن۔﴾ جواب ويردي۔ ١٣ و راعوث اونە ﴿اغام، سنن گوزندە مرحمت بوليم چونکو بنە تسللي ويردن و بن سنن خزمتچيلرندن اولماديم حالدە گندي خزمتچنە گوزال سوزلردن قونُشدن۔﴾ ددي ١٤ بوعز اونە ﴿يمک وقتنده بوريە گَل و اکمکدن يە و لقمەني بکمازە باتر۔﴾ ددي و او اوراغچيلرن يانندە اوتوردي و اونە قاوورلمش ارپە ويرديلر و دويانە قدر يدي و باقي قالانني قوارتدي۔ ١٥ و ناوخت حصد توپلامخ إيچن قالخدي و بوعز جهاللرنه امر اتدي و ﴿کلابلرن اورتەسندە دە حصد توپلامخ إيچن اونە إذن ويرن و اونن جانني سخماين۔﴾ ددي ١٦ و کلابلردن اونن إيچن قوارتن و توپلامەسي إيچن اونە إذن ويرن و اونو ازارلەماين۔
١٧ و او اخشامە قدر تارلادە حصد توپلادي و توپلادخلرني دوگدي و بير aإيفە قدر ارپە اولدي۔ ١٨ سونرا اونو الاتدي و شهرە گلدي و قاين اناسي اونن توپلادخلرني گوردي و راعوث دويدخدن سونرا زيادە قالاني دشري چيخاردي و اونە ويردي۔ ١٩ و قاين اناسي اونە ﴿بو گون هارده حصد توپلادن و هاردە إيشلەدن؟ دقتني سنە ويران مبارک اولسن۔﴾ ددي و راعوث قاين اناسنە کيمن يانندە إيشلەديني سويلەدي و ﴿بو گون يانندە إيشلەديم ادمن إسمي بوعزدر۔﴾ ددي ٢٠ و نُعمي گليننە ﴿او ربن طرفندن مبارک اولسن چونکو ديريلره و اؤلولره إييلک اتمەيي ترک اتمامش۔﴾ ددي و نُعمي اونە ﴿بو ادم بزم ياخنمز و اقرابەلرمزدندر۔﴾ ددي ٢١ و موابي راعوث ﴿و او بنە ددي کي بوتون حصدن بتمەسنە قدر بنم جهاللرمدن برابر قال۔﴾ ددي ٢٢ نُعمي گلني راعوثە ﴿قِزم، اونن ارواد خزمتچيلرندن دشري چيخمان إيۍدر و سني باشخە تارلادە بولماسنلر۔﴾ ددي ٢٣ و ارپە و بوغدانن بچلمەسي بتَنە قدر راعوث بچمک إيچن بوعزن ارواد خزمتچيلرندن قالدي و قاين اناسندن برابر ياشەدي۔