٢٠
و بو شيلر بتدکدن سونرا بولس اوغرنجيلري چاغردي و قواتلاندردي و اونلردن وداع اتدي و مکدونيەيە گتدي۔٢ و او يرلردن گچدي و اوردەخي مؤمنلري چوخ لفلردن جسارتلندردي و يونانستانە گلدي۔ ٣ و اوردە اوچ اي قالدي و باخيرەدن سوريايە گتمک إستەدي اما بونو بلدي کي يهوديلر اونو اؤلدرمک إستيوديلر، بو إيچن مکدونيەدن گچمک إستەدي۔
٤ و بيريەدن سوپاطروس و تسالونيکيدن ارستارخوس و سقوندوس ودربەدن غايوس و طيموتاؤس و اسيادن تيخيقوس و تروفيموس تا اسيايە قدر اوندن برابر گتديلر۔
٥ و اونلر بزدن اوَل طرواسە گتديلر و بزي گوزلەديلر۔ ٦ و بز خميرسز اکمک بايرامي گچدکدن سونرا فليپيدن بير باخيرەدن گچدک۔ بش گون سونرا طرواسدە اونلري بولدخ و اوردە يدي گون قالدخ۔
٧ هفتەنن بيرنجي گونو اکمگي پلمک إيچن هپمز توپلاندخ و بولس ارتگي گون گتمک إستيودي و بو إيچن اونلرە وعظ ويردي۔ او سوزنو گجە ياريسنە قدر دوام اتدي۔ ٨ يوخاريدەخي توپلانديمز غرفەدە چوخ چراغلر واردي۔
٩ و بير جهال ادي اوخيوس طاغەنن ياننده اوتوريودي و درين بير يوخويە گيردي۔ و بولس سوزنو اوزاتديي إيچن اونو يوخو باسدي و اوچنجي کاتدن دوشدي و اونن اؤلوسنو قالدرديلر۔
١٠ سونرا بولس إيندي و اوستنە دوشدي و اونو قوجاخلدي و اونلرە ﴿قورخماين او جانليدر۔﴾ ددي
١١ و گنە يوخاري چيخديلر و اکمگي پيلدي و يمک يدي و تا سحر وقتنه قدر قونُشدي و يولە چيخدي۔ ١٢ و او جهالي ديري الاتديلر و چوخ إرحتلەنديلر۔
١٣ و بز باخيرەيە بيندک و بولسو المخ إيچن اسوسە گتدک چونکو تا اوريه قدر يريمک إستەدي۔ ١٤ و اسوسدە اونو بولدخدن سونرا او باخيرەيە بيندي و برابر ميتيلينەيە گلدک۔ ١٥ و اورادن باخيرەيە بيندک و ارتگي گون کيوسن ترس طرفنە اولاشدخ و اوچنجو گون صاموسە گيردک و تروجيليونده قالدخ و ارتگي گونده ميليتوسە گتدک ١٦ چونکو بولس باخيرەدن افسُسدن گچمک إستەدي و اسيادە زيادە زمان قالمخ إستەمادي، چونکو پنطيکوست بايرامي إيچن أورشليمە گتمک إستيودي۔
١٧ بو إيچن ميليتوسدن افسُسە بير ادم گوندردي و شيخلري چاغردي۔ ١٨ و ناوخت گلديلر اونلرە ﴿سز بليونز کي اسيايە اولاشديم اوَل گوندن بري نصل سزدن ياشيودم ١٩ متواضعلخدن و گوز ياشلرندن و يهوديلرن حيلەلکلري إيچن بنە گلان سينەمخلردن، ربه خزمت اديودم۔ ٢٠ و بليونز کي نصل سزە موفيد اولان شيلري سويلەمکدن چکنمادم لکن اشکاره و ائودن ائوە سزە تعليم ويردم۔ ٢١ و يهوديلرە و يونانيلرە ده توبە اتمک و اللهە دؤنمک و ربمز عيسى مسيحە إينانمخ إيچن شهادت ويردم۔ ٢٢ اهجخ شندي روحدن باغلاندم و أورشليمە گديوم و بلميوم کي اوردە باشمه ناي گلجي۔ ٢٣ روح القدس بس بنە شهادت ويريو کي هر شهردە حبس و عذاب بني گوزليو۔ ٢٤ aاما بو شيلري بوش گوريوم و تا يولمن مقصده اولاشمەسنه قدر و اللهن نعمتنن إيى خبرنه شهادت ويرمک إيچن گندي جانمي قيمتسز صاييوم۔
٢٥ و شندي بونو بليوم کي اللهن مملکتنن إيى خبرني ويرديم سزلردن هيچ بيرينز ارتخ بنم يزمو گورميجي۔ ٢٦ بو إيچن سزە بو شهادت ويريوم کي اللرم هرکزن قانندن پکدر۔ ٢٧ چونکو بن اللهن بوتون إستەيني سزە ويرمکدن هيچ اوتانمادم۔
٢٨ گندنزە و بوتون او سورويە کي روح القدس سزي اونە چوبانلر اتدي موخيات اولن کي گندي قانندن الديي اللهن کليسەسني حفظ ادجنز۔ ٢٩ چونکو بليوم کي بن گتدکدن سونرا سزە چوخ قوردلر گلجي و سورويە رحمت گورستميجي۔ ٣٠ و سزن گندنزدن کشيلر قالخجي و يانلش شيلر سويليجي کي اوغرنجيلري ازدرسن۔
٣١ بو إيچن اويانخ قالن و عقلنزە گترن کي اوچ سنە هر گون هر گجە گوز ياشلردن هرکزه نصيحت ويردم۔
٣٢ و شندي قارداشلر سزي اللهە و اونن نعمت سوزنه امانت اديوم کي سزي قواتلاندرميه و بوتون مقدسلرن إيچنده سزە ميراث ويرميه قديردر۔ ٣٣ هيچ کيمسەنن التننە يا گوموشنە يا اسبابنە طمع گوزدن باخمادم۔ ٣٤ سز بليونز کي بو اللر إحتياجلرم و يولداشلرمن إحتياجلري إيچن خزمت اتدي۔ ٣٥ بونلرن هپسني سزە گورستدم کي بو شکلده تعب ويرملينز و ضعيفلرە ياردم ادن و رب عيسۍنن دديي سوزنو عقلنزە گترن: «ويرمک المخدن زيادە مبارکدر۔»﴾ ددي