٤
aو گنە دنيزن قراغنده تعليم ويرميە باشلادي و ياننە بويوک بير زحمت توپلانديي إيچن او دنيزن اوستندەکي بير باخيرەيە بيندي و بوتون زحمت دنيزن ساحلنده دوريودي۔ ٢ و مثيللردن اونلرە چوخ شيلري تعليم ويردي و تعليمندە اونلرە٣ ﴿دينلەين! اهجخ بير أکنجي توخم اکميە چيخدي ٤ و توخم أکديي زمان بعزيسي يولن قراغنە دوشدي و هوادەخي قوشلر گلديلر و اونلري يديلر۔ ٥ و بعزيلري طاشلي طُپراخە دوشدي و اورده طُپراخ از واردي و طُپراخي درين اولماديي إيچن چبيک بتدي ٦ اما گونش چيخدخدن سونرا اونلر ياندي و کوکسُز اولديي إيچن قوروديلر۔ ٧ و بعزيسي ديکانلي يرە دوشدي و ديکانلر بويودي و اونلري بوغدي کي حصد ويرماسن۔ ٨ و گيري قالان إيى طُپراخە دوشدي و چيخدي و بويوديي زمان حصد ويردي و بعزي اوتوز، بعزي التمش و بعزي يوز قات۔﴾ ددي
٩ اوندن سونرا اونلرە ﴿کيمدە قولاخ وارسە دينلەسن۔﴾ ددي
١٠ و تک اولديي زمان اونن يانندەخي قالانلر و اون إکي اوغرانجيسي بو مثيل إيچن اونە سورديلر ١١ و اونلرە ﴿اللهن مملکتنن سرني بلمک سزە ويرلمش اما دشردەخي کشيلرە هر شي مثيللردن سويلنمشدر۔ ١٢ کي باخسنلر لکن گورماسنلر و دويسنلر لکن انلاماسنلر يوخسە دؤنجيلر و گوناهلري عف اولجي۔﴾ ددي
١٣ و اونلرە ﴿سز بو مثيلي انلامادنز مى؟ او زمان نصل باشخە مثيللري انليجنز؟ ١٤ أکنجي اللهن سوزنو اکر۔ ١٥ و يولُن قراغندەخي أکيلان سوز او کشيلردر کي سوزو دويدخدن سونرا شيطان تِز گليو و يورکلرندەکي أکلمش سوزو قالدريو۔ ١٦ و عينا شکلده طاشلي يردە أکيلانلر او کشيلردر کي سوزو دويدخدن سونرا اونو تِز کايفلکدن قبول اديولر ١٧ اما گنديلرندە کوکلري يوخدر و از زمان دوريولر و ناوخت سوز إيچن بير مصيبت يا دە ظلامت گلديسه همان دوشيولر۔ ١٨ و ديکانلرده أکيلانلر اونلردر کي سوزو دويدخلري زمان ١٩ دونيانن سخنتيلري و زنگينلگن حيلەسي و باشخە شيلرن شهواتلري گيريو و سوزو بوغيو و حصدسز قاليو۔ ٢٠ و إيى يردە أکيلانلر اونلردر کي سوزو دويدخلري زمان اونو قبول اديولر و حصد گتريولر۔ بعزي اوتوز، بعزي التمش و بعزي يوز قات۔﴾
٢١ bو اونلرە ﴿چراغي ياخدخلري زمان بير قابن يا ده بير ياتاخن التنە قويمخ إيچن مى گتريولر؟ يوخسە منارەنن اوستنە قويمخ إيچن مى؟ ٢٢ cچونکو اشکاره اولميان گزلي بير شي يوخدر و ميدانە گلميان گزلي بير شي يوخدر۔ ٢٣ کيمدە قولاخ وارسە دينلەسن۔﴾ ددي
٢٤ dاوندن سونرا اونلرە ﴿ناي دويدينز إيچن موخيات اولن۔ چونکو نصل اؤلچديسنز عينا شکلده سزە اؤلچلجي حتى سز دويانلر إيچن دها زيادە! ٢٥ eچونکو کيمدە وارسە اونە ويرلجي و کيمدە يوخسە الندەکي شي ده النجي۔
٢٦ و عينا شکلدە اللهن مملکتي یره توخم سرپان بير ادمه بنزيو۔ ٢٧ و گجە و گوندز ياتيودي و قالخدي و توخم يشريو و بوييو و بونن نصل اولديني بلميو۔ ٢٨ چونکو ير گندي گندندن حصد گتريو يعني اوَل اوتو سونرا باشاغي و اوندن سونرا باشاغدەکي کامل بوغدايي۔ ٢٩ و حصد حاضر اولديي زمان فوراً اوراغي صاليو چونکو حصد زماني يتشمشدر۔﴾ ددي
٣٠ اوندن سونرا ﴿اللهن مملکتي نايە بنزەدک و اونن إيچن ناي مثيل سويلياک؟ ٣١ او بير خردل تانەسي کميدر کي يرده اکلديي زمان يردەکي توخملرن هپسندن ائن کوچکدر۔ ٣٢ لکن اکلدکدن سونرا بوييو و بوتون يشللکلردن دها بويوک اوليو و بويوک بوداخلر صاليو کي تا هوا قوشلري اونن کولگەسنن التندە يووالر ياپابلسنلر۔﴾ ددي
٣٣ و بله سوزو اونلرن انلادخلري قدر چوخ مثيللردن اونلره سويلەدي۔ ٣٤ و اونلرە مثيلسز هيچ بير شي سويلەمادي۔ لکن اوغرنجيلرندن تک اولديي زمان هر شيي اونلرە انلاتيودي۔
٣٥ و عينا گوندە اخشام اولديي زمان اونلرە ﴿يلا اوتکي طرفە گداک۔﴾ ددي ٣٦ و اونلر زحمتي صالدخدن سونرا اونو اولديي يردن باخيرەنن إيچنه الديلر و گنديلرندن برابر الاتديلر و بير قاچ باخيرە دە اونلردن برابردي۔ ٣٧ و او زماندە قواتلي بير يئل گلدي و دالغەلر باخيرەيە هجوم اتديلر و او صويدن دوليودي۔ ٣٨ و عيسى باخيرەنن ارخه طرفندە بير ياصدخن اوستنده ياتيودي۔ اونلر اونو اوياندرديلر و اونە ﴿اغا محي اولجخ، سنن إيچن مهم ديل مى؟﴾ سورديلر ٣٩ او تِز قالخدي و يئلي ازارلەدي و دنيزە ﴿هوس و إرحت اول!﴾ ددي و يئل دوردي و بويوک بير رحتلک اولدي۔ ٤٠ و اونلرە ﴿نيى بلە قورخدنز؟ نيى إيماننز يوخدر؟﴾ ددي ٤١ و اونلر قواتلي قورخديلر و برابرنە ﴿بو ادم کيمدر کي يئل و دنيز بلە اونە اطاعت اديولر؟﴾ دديلر