١٩
و عيسى بو سوزلري بتردکدن سونرا جليلدن چيخدي و اُردنن نهرندن گچدي و يهوديە ولايتنن حدودنه گلدي۔ ٢ و بويوک بير زحمت اونن ارخەسندن گلديلر و اورده اونلرە شفا ويردي۔٣ و فريسيلر اونو سينەمخ إيچن گلديلر و اونە ﴿بير کشي گندي اروادني هر سببدن بوشيابليو مى؟﴾ سورديلر
٤ او اونلرە ﴿سز اوخومادنز مى؟ «يراتان اوَلدە اونلري ارکک و ارواد يراتدي۔ ٥ و ددي کي بو إيچن بير ارکک گندي باباسني و اناسني ترک اتسن و اروادندن بيرلشسن و إکيسي دە بير جسد اولجيلر۔» ٦ بو سببدن اونلر ارتخ إکي ديل لکن بير جسد اولديلر۔ بو إيچن اللهن بيرلشدرديني إنسان ايرماسن!﴾ جواب ويردي۔
٧ aاونلر اونە ﴿او زمان نيى موسى امر ويردي کي ارواده بير طلاق رسالەسي ويرسنلر و اونو ايرسنلر؟﴾ سورديلر
٨ اونلرە ﴿موسى سزن يورکلرنزن سرت اولمەسي إيچن سزە اروادلرنزي بوشامخ إذنني ويردي اما اوَلدن بله ديلدي۔ ٩ bبن سزە ديوم کي هر کيم زنا سببندن باشخە، اروادني بوشاديسە و باشخە بيرندن ائولنديسە زناکاردر و کيم بوشانمش ارواددن ائولنديسه زنا اتمش اوليو۔﴾ جواب ويردي۔
١٠ اوغرنجيلري اونە ﴿اگر بير ارکگن حالي ارواددن بلەسە، ائولنمامک دها إيۍدر۔﴾ دديلر
١١ عيسى اونلرە ﴿هرکز بو سوزو قبول ادەبلماز۔ بس او کشيلره کي اونلره ويرلمش۔ ١٢ چونکو خصيلر وار کي انا قارنندن بله دوغمشلر و خصيلر وار کي إنسانلردن خصي اولمشلر و باشخە خصيلر وار کي گنديلرني اللهن مملکتي إيچن خصي اتمشلر۔ هر کيم قبول ادەبلرسە قبول اتسن۔﴾ جواب ويردي۔
١٣ سونرا بير قاچ کوچک چوجوغو اونن ياننە گترديلر کي اللرني اونلرن اوستنه قويسن و دوعا اتسن اما اوغرنجيلر اونلري ازارلەديلر۔
١٤ عيسى اونلرە ﴿کوچک اوشاخلر گلسن و اونلري بنم يانمه گلمەلري إيچن منع اتماين چونکو سماوي مملکت بونلر کميلرندر۔﴾ ددي
١٥ و اللرني اونلرن اوستنە قويدي و اورادن گتدي۔
١٦ و بير ادم گلدي و اونە ﴿اي إيى اغا! سونسز حيات المخ إيچن ناي إييلک اتملييم؟﴾ سوردي
١٧ عيسى اونە ﴿نيى بنە إيى اغا ددن؟ اللەدن باشخە کيمسە إيى ديل۔ لکن اگر سونسز حياتە گيرمک إستەديسن امرلري حفظ ات۔﴾ ددي
١٨ او ادم اونە ﴿هانسي امرلر؟﴾ سوردي
عيسى اونە ﴿اؤلدرما، زنا اتما، خرخزلخ ياپما، يالان شهادت سويلەما۔ ١٩ بابانە و انانە احترام ات و قونشونو گندن کمي سئو۔﴾ جواب ويردي۔
٢٠ جهال ادم اونە ﴿بونلرن هپسني کوچکلکدن بري حفظ اتدم، باشخە ناي اکسيک وار بندە؟﴾ سوردي
٢١ عيسى اونە ﴿اگر کامل اولمخ إستەديسن گت و بوتون مُلکلرني صات و فقيرلرە وير و سمادە خزينن اولجي سونرا گل و بني تاکيب ات۔﴾ ددي
٢٢ جهال ادم بو سوزو دويديي زمان دارلدي و گتدي چونکو چوخ زنگيندي۔
٢٣ عيسى اوغرنجيلرنە ﴿صح سزە ديوم کي زنگين ادم سماوي مملکتە صعب گيرجي۔ ٢٤ و گنە سزە ديوم کي بير دوەنن إينە دليگندن گيرمەسي بير زنگين ادمن اللهن مملکتنە گيرمەسندن دها بسيطدر۔﴾ ددي
٢٥ اوغرنجيلر بونو دويدخلري زمان چوخ شاشديلر و ﴿او زمان کيم قورتُلابلر؟﴾ سورديلر
٢٦ اما عيسى اونلرە باخدي و ﴿بو إنسان إيچن ممکنسزدر اما اللە إيچن هر شي ممکندر!﴾ ددي
٢٧ سونرا بُطرس اونە ﴿اهجخ بز هر شيي ترک اتدک و سني تاکيب اديوک، بز ناي الجخ؟﴾ سوردي
٢٨ cعيسى اونلرە ﴿صح سزە ديوم کي يني دونيادە ناوخت إنسان اوغلو شريف کرسيسندە اوتورجي، بني تاکيب اتمش اولان سزلر دە اون إکي کرسيده اوتورجنز و إسرائيلن اون إکي قبيلەسنە حکم ادجنز۔ ٢٩ و کيم بنم إسمم إيچن ائولرني يا قارداشلرني يا باجيلرني يا باباسني يا اناسني يا اوشاخلرني يا تارلالرني براخديسە، يوز قاتني الجي و سونسز حياتن وارثي اولجي۔ ٣٠ dاما بيرنجي اولانلرن چوخو اخر اولجي و اخر اولانلر بيرنجي اولجي!