٢
و عيسى قرال هيرودسن گونلرندە يهوديەنن بَيت لحمندە دوغديي إيچن اهجخ شرقدن بير قاچ aمجوسي أورشليمە گلديلر و ٢ ﴿يهوديلرن دوغمش قرالي هاردە؟ چونکو بز اونن يلدزني شرقده گوردک و اونە تاپمخ إيچن گلدک۔﴾ دديلر٣ قرال هيرودس بونو دويديي زمان او و بوتون أورشليمدەکي اوتورانلر قورخديلر۔ ٤ و هيرودس بوتون رئيس کاهنلرني و شريعت معلملرني توپلادي و اونلرە ﴿مسيح هاردە دوغمليدر؟﴾ سوردي
٥ اونلر اونە ﴿يهوديەنن بَيت لحمندە، چونکو نبي بله يازدي ٦ «و سن اي بَيت لحم، يهودا ولايتنده يهودانن رئيسلرنن إيچندە اصلا ائن کوچک ديلسن۔ چونکو سندن بير رئيس گلجي کي بنم ملتم إسرائيله يول گورستجي۔»﴾ دديلر
٧ اوندن سونرا هيرودس مجوسيلري گزلي چاغردي و يلدزن اشکاره اولان وقتني اونلرە سوردي۔ ٨ و اونلري بَيت لحمە گوندردي ﴿گدن و بو چوجوخ إيچن دقتلي تفتيش ادن و ناوخت بولديسنز بنە خبر ويرن کي بن دە گلجم و اونە تاپيجم۔﴾ ددي
٩ اونلر قرالن سوزلرني دويدخلري زمان يولە چيخديلر کي اهجخ شرقدەکي گوردکلري يلدز، اونلرن اوگندە گديودي و چوجوغن اولدي يرن اوستنە اولاشدي و اورده دوردي۔ ١٠ و يلدزي گوردکلري زمان دها چوخ کايفلي اولديلر۔
١١ و ائوە گيرديلر و چوجوغو اناسي مريمدن برابر بولديلر و قاپينن اوگنه دوشديلر و اونە تاپديلر و خزينەلرني اچديلر و التن و بخور و مور هديەلرني اونە تقدم اتديلر۔
١٢ و رؤيادە اونلرە تنبيه گلدي کي هيرودسن ياننه گيري دؤنماسنلر بو إيچن باشخە يولدن گندي ولايتلرنە دؤنديلر۔
١٣ و اونلر يولە چيخدخلري إيچن اهجخ ربن ملاگي رؤيادە يوسفه گورکدي و ﴿قالخ چوجوخو و اناسني ال و مصرە قاچ۔ تا سنە خبر ويرانە قدر اوردە قال۔ چونکو هيرودس چوجوغو محي اتمک إيچن اريجي۔﴾ ددي
١٤ يوسف قالخدي و چوجوغو و اناسني الدي و گجە وقتي مصرە گتدي۔ ١٥ و هيرودسن اؤلمەسنە قدر اوردە قالدي کي ربن نبي اغزندن سويلەديي سوز تمام اولسن: «مصردن اوغلومو چاغردم۔»
١٦ و هيرودس مجوسيلردن قاندرلديني گورديي زمان قواتلي غضبلندي و مجوسيلردن بلديي وقت حسبنده عسکرلري بَيت لحمە و بوتون حدودنه گوندردي و إکي ياشندن دها کوچک اولان اوشاخلري اؤلدرديلر۔
١٧ او زمان نبي ارميانن اغزندن سويلەديي سوز تمام اولدي: ١٨ «رامەدە بير سَس دويلدي۔ اغلامە و قواتلي باغرمە و بويوک ياس کي راحيل اوشاخلري إيچن اغليو و تسللي إستەميو چونکو اونلر يوخ اولديلر۔»
١٩ و هيرودس اؤلديي زمان اهجخ ربن ملاگي مصردە يوسفە بير رؤيادە گورکدي ٢٠ و اونە ﴿قالخ چوجوخ و اناسني ال و إسرائيل ولايتنە گت چونکو چوجوغو اؤلدرمک إستيانلر اؤلديلر۔﴾ ددي
٢١ و قالخدي، چوجوخ و اناسني الدي و إسرائيلن ولايتنە گتدي۔
٢٢ اما ناوخت دويدي کي أرخيلاوس باباسي هيرودسن يرنە يهوديەده قراللخ اديودي اوريه گتمک إيچن قورخدي و رؤيادە اللەدن تنبيه گلدي و جليلە گيري دؤندي۔
٢٣ لکن گلدي و بير شهر ادي نصرەده اوتوردي حتى bنبيلرن اغزندن چيخان سوزلر تمام اولسن: «اونە ناصري دايجيلر۔»