٨
عسکرلرن ربنن سوزو بنە إيندي و ٢ ﴿عسکرلرن ربي بلە ديو ﴿صهيون إيچن قواتلي محبتم a وار و قواتلي بير غضبدن اونن إيچن قزخانجم۔﴾ ٣ رب بله سويليو ﴿صهيونە گيري دؤندم و أورشليمن إيچندە اولجم و أورشليم «حق شهري» و عسکرلرن ربنن داغي «مقدس داغ» چاغرلجي۔﴾٤ رب بلە سويليو ﴿أورشليمن ميدانلرندە إختيار ارککلر و إختيار اروادلر اوتورجيلر و اونلرن هر بيرسنن بويوک ياشلرنن حسبنە اللرندە داينک اولجي۔﴾ ٥ و شهرن حارەلري اوينيان اوغلانلردن و قزلردن دولجي۔
٦ عسکرلرن ربي بلە سويليو ﴿اگر بو امر بو گونلردە ملتن إيچندەکي باشخەلرنن گوزندە عجيب اولديسە بنم دە گوزمدە عجيب اولجي مى؟﴾عسکرلرن ربنن سوزو بودر۔ ٧ عسکرلرن ربي بلە سويليو ﴿اهجخ بن ملتمي شرق ولايتندن و غرب ولايتندن قورتارجم۔ ٨ و اونلري أورشليمدە اوتورمخ إيچن گترجم و اونلر بنم ملتم اولجيلر و بن گرچکدە و عدالتدە اونلرن اللهي اولجم۔﴾
٩ عسکرلرن ربي بلە سويليو ﴿اللرنز قواتلي اولسن۔ بو گونلردە بو سوزلري نبيلرن اغزندن دويانلر، کي اونلري معبدن ياپلمەسي إيچن عسکرلرن ربنن ائونن اساسني ياپدخلري گونده دديلر۔﴾ ١٠ چونکو بو گونلردن اوَل نه إنسان إيچن و نه حيوان إيچن بير اوجرت يوخدي و دوشمانن يوزندن چيخانە و گيرانە هيچ سلامت يوخدي و بن هرکزي برابرنه قارشي تحريک اتدم۔ ١١ اما شندي عسکرلرن ربي بلە سويليو ﴿بن بو ملتن باقي قالاننه اوَل گونلر کمي اولميجم۔﴾ ١٢ چونکو سلامت توخمو اولجي و اوزوم دالي ميوەسني و ير حصدني ويرجي و سما دە ايازني ويرجي و بن ملتن باقي قالانني بونلرن هپسنن صاحبي ياپجم۔ ١٣ و بله اولجي کي اي يهودانن ائوي و اي إسرائيلن ائوي ملتلرن إيچندە لعنتلي اولدنز کمي عينا شکلده سزي قورتارجم کي برکت اولجنز بو إيچن قورخماين و اللرنز قواتلي اولسن۔ ١٤ چونکو عسکرلرن ربي بلە سويليو ﴿بابالرنزن بني غضبلندردخلري زمان اوستنزە مصيبت گترمەيي قصد اتدم و عسکرلرن ربي ﴿اوندن پشمان اولمادم۔﴾ ديو۔ ١٥ و بو گونلردە گيري دؤنجم و أورشليمە و يهودا ائونە إييلک اتمەيي دوشُنجم۔ قورخماين! ١٦ و بو شيلري ياپمالينز: برابرنزە گرچک سوزلري سويلەين و قاپيلرنزدە حقي و سلام حکمني حکم ادن۔ ١٧ و يورکلرنزدە برابرنزە پيس دوشُنماين و يالان يمني سئوماين چونکو رب ﴿بوتون بو إيشلري کراه اديوم۔﴾ ديو۔
١٨ عسکرلرن ربنن سوزو بنە إيندي و ١٩ عسکرلرن ربي بلە سويليو ﴿دوردنجي اين اوروجي و بشنجي اين اوروجي و يدنجي اين اوروجي و اونونجي اين اوروجي يهودانن ائوي إيچن فرحلک و کايفلک و گوزال بايراملرنه دؤنجي۔ بو إيچن گرچگي و سلامي سئون۔﴾ ديو۔ ٢٠ عسکرلرن ربي بلە سويليو ﴿گنە بلە اولجي کي ملتلر و چوخ شهرلرده ياشيانلر گلجيلر۔﴾ ٢١ و بير شهرده ياشيانلر باشخە بير شهرە گدجيلر و ﴿گلن گداک تا ربن حضورندە يالواراخ و عسکرلرن ربني ارياخ و بن دە گلجم۔﴾ دايجيلر۔ ٢٢ و چوخ ملتلر و قواتلي إنسانلر گلجيلر تا عسکرلرن ربي أورشليمدە اراجيلر و ربن راضيسي اراجيلر۔
٢٣ عسکرلرن ربي بلە سويليو ﴿او گونلردە بوتون ملتلرن دللرندن اون کشي بير يهودي ادمن اسبابني جزمخليجيلر و دايجيلر کي بز دە سزدن برابر گليوخ چونکو دويمشخ کي اللە سزدن برابردر۔﴾ ددي