٢
اي اوتانماز ملت، ٢ حکمن نتيجەسي چيخمادن اوَل و او گون صمان کمي گچمادن اوَل و ربن قواتلي غضبي باشنزە گلمادن اوَل حاضر اولن و توپلانن! ٣ اي دونيانن متواضعلري کي ربن حکملري حسبنه ياشيونز، عدالتي اراين و متواضعلگي اراين، بلکي ربن غضبنن گوننده ساخلانە بلجنز۔٤ چونکو غزە براخلجي و أشقلون خرب اولجي و أشدودن ملتني اويلن زماني قووجيلر و عقرون يرندن سؤکلجي۔ ٥ دنيزن قراغندە اوتورانلرن يعني کريتي ملتنن واي حالنە! اي کنعان و فلسطينيلرن يري ربن سوزو سزن ضدنزەدر۔ بن سني، سنده کيمسە قالميانه قدر خرب ادجم۔ ٦ و دنيزن قراغي چوبانلرن يايلادخلري ير و سورولرن اخورو اولجي۔ ٧ و دنيزن قراغي يهودا ائونن باقيسي إيچن اولجي کي سورولرني اورده يايسنلر۔ اخشاملرده أشقلونن ائولرنده ياتجيلر چونکو رب اللەلري اونلره ياردم ادجي و اونلرن اسيرلرني گيري گترجي۔
٨ موابيلرن مسخره اتمەلرني و عمونيلرن خور باخدخلرني دويدم کي نصل ملتمه مسخره اديولر و اونلرن حدودنن گچمەسندن إفتخار اديولر۔ ٩ بونن إيچن عسکرلرن رب اللهي ﴿گندي حياتمه يمن اديوم کي مواب سدوم کمي و عمونيلر عموره کمي اولجيلر۔ ديکانلر يري و دوز چوخورلري و سونسز ويرانه اولجي۔ ملتمن باقيسي اونلري ياغماليجيلر و ملتمن باقيسي اونلره صاحب اولجيلر۔ ١٠ بو اونلرن کبيرلگي إيچن اوستلرنه گلجي چونکو عسکرلرن ربنن ملتنه مسخرە و تکبر اتديلر۔ ١١ رب اونلرن اوستنە هيبتلي اولجي چونکو او دونيانن بوتون اللەلرني محي ادجي و ملتلرن بوتون جزيرەلري يعني هرکز گندي يرندن اونە تاپجي۔
١٢ و سز دە اي کوشيلر بنم قلنچمدن اؤلجنز۔﴾ ديو۔
١٣ و الِني شمالە اوزاتجي و أشورو محي ادجي و نينوايي ويرانەيه و اونو صحرا کمي قورو بير يرە دؤندرجي۔ ١٤ و سورولر و ملتلرن بوتون حيوانلري إيچندە ياتجيلر و بايقوش و کيرپي اونلرن عمودلرنن باشلرنده يووا ياپجيلر۔ شرخي سويليانن سَسي طاغەلردن دويلجي و قاپيلرنن اوگنده خرابلخ اولجي۔ چونکو اونن أرز تختەسني صويجي۔ ١٥ بودر او فرحلي شهر کي اماندە ياشيودي و گندي يورگندە ﴿بن بنم و بندن باشخەسي يوخدر﴾ ديودي۔ نصل خرب اولمش! حيوانلرن ياتمه يري اولدي۔ هر کيم يانندن گچديسه اونە مسخره ادجي و الِني صالليجي۔