‏۝٤ بونلرن هپسي گوزال يوزلو فاحشەنن زنالخلرنن چوخلوغندن اوليو۔ او سحربازلغن صاحبيدر و ملتلري گندي فاحشەلگندن و قبيلەلري سحربازلغندن صاتيو۔ ‏۝٥ اهجخ عسکرلرن ربي ﴿اي نينوى بن سنن ضدنەيم و فستانني سنن يوزونه اچيجم و چپلاخلغني ملتره و عيبني مملکتلرە اشکاره ادجم۔ ‏۝٦ سنن اوستنە پيس شيلري دوکجم و سني خور ادجم و سني هرکز إيچن بير مثيل ادجم۔ ‏۝٧ و بله اولجي کي هر کيم سني گورديسه سندن قاچيجي و ﴿نينوى خرب اولمش! کيم اونن إيچن ياس توتجي؟ سنه هاردن تسللي ويران بولجم؟﴾ دايجي۔

‏۝٨ سن نهرلرن اورتەسندە اوتوران نوأموندن دها مى إييسن؟ کي صويلرن اونن اطرافندەدي و دنيزلر اونن دوواريدي۔ ‏۝٩ کوش و مصر اونن سونسز قواتيدي، فوط و لوبيم اونن ياردمجيلريدي۔ ‏۝١٠ اما او قوولدي و اسيرلگە الاتلدي و اوفاخ اوشاخلري دە هر حارەنن باشندە أزلديلر و شريفلري اونن إيچن زرلر أتديلر و بويوکلرنن هپسي زنجيرلردن باغلانمشلر۔ ‏۝١١ سن دە سرخوش اولجن و گندني ساخليجن و دوشمانلرن إيچن بير ملجاء اريجن۔

‏۝١٢ بوتون قلعەلرن اوَل ميوەلري اولان إنجير اغاچلري کميدر کي سيلکەلنديي زمان ييانن اغزنە دوشيو۔ ‏۝١٣ اهجخ ^aسنن إيچندەکي ملت اروادلردر۔ ولايتنن قاپيلري دوشمانلرنە تماماً اچلمش۔ اتش سورگچلرني ياخمش۔ ‏۝١٤ محاصرە وقتي إيچن گندنە صويلر چک۔ قلعەلرني قواتلاندر۔ چامورە گير و اونو تپەله و غرمت فرنني ياپ۔ ‏۝١٥ اوردە اتش سني ياخجي و قلنچ سني کاسجي و سني چکرگە کمي ييجي۔ گندني چکرگە کمي چوخالت و چکرگە کمي صاييسز اول! ‏۝١٦ سن تجارلرني سمانن يلدزلرندن دها چوخ اتدن۔ چکرگەلر کمي ياغماليولر و اوچيولر۔ ‏۝١٧ سنن رئيسلرن چکرگەلر کميدر و مسؤللرن دوواره قونان کومه چکرگەلر کميدر اما ناوخت گونش دوغديسه اوچيولر و اونلرن يرنن هاده اولديني کيمسە بلماز۔ ‏۝١٨ اي أشورن قرالي چوبانلرن و شريفلرن ياتمشلر و ملتن داغلرن اوستندە داغلمشلر و اونلري توپلامخ إيچن هيچ کيمسە يوخدر۔ ‏۝١٩ سنن قرخ يرلرن إيچن شفا يوخدر و ياران إييلشماز و هر کيم سنن سَسني دويديسە سنه چبالخ چاليو۔ چونکو کيم سنن دورميان پيسلگندن يراخ قالمش؟