٦٤
کشکه سماواتي يارسايدن و اشاغي إينسايدن و داغلر سنن حضورندن صارسلسايدي۔٢ اودونلري ياخان اتش و صويو قاينادان قواتلي اتش کمي گلسايدن و گندي إسمني دوشمانلرنه بلدرسايدن و ملتلر سنن حضورندن تترەسنلر۔٣ بکلەماديمز قورخنچ إيشلري اتدين زمان اشاغي إيندن و داغلر سنن حضورندن صارسلديلر۔٤ چونکو اسکي گونلردن بري کيمسه دويمادي و هيچ بير گوز سني گوزليانلر إيچن چالشان، سندن باشخه الله گورمادي۔٥ کايفلکدن صالحلک ادانلري و يوللرندن سني عقللرنه گترانلردن گورشيون۔ اما سن غضبلندن و بز گوناه اتدک و چوخدن بري اونلرده قالدخ۔ نصل قورتلابليوخ؟٦ چونکو هپمز نجس بير کشي کمي اولدخ و بوتون صالح إيشلرمز پيس بير بِز کميدر۔ و هپمز ياپراخ کمي سولدخ و گوناهلرمز بزي يئل کمي داغديو۔٧ و سنن إسمني چاغران يا ده سنه ياخلاشمخ إيچن گندني اوياندران کيمسه يوخدر، چونکو يوزنو بزدن اؤرتدن و بزي گوناهلرمز إيچن أرتدن۔٨ اما شندي يا رب، سن بزم بابامزسن۔ بز چامورخ و سن بزي ياپانسن و هپمز اللرنن ياپديي إيشلرخ۔٩ يا رب قواتلي غضبلنما و گوناهي سونسزه قدر عقلنه گترما۔ اهجخ باخ هپمز سنن ملتنخ۔١٠ مقدس شهرلرن چؤل اولدي و صهيون، چؤل و أورشليم خرابه اولدي۔١١ بابالرمز سنه حمد اتدکلري مقدس و گوزال ائومز ياندي و بوتون قيمتلي شيلرمز خرب اولدي۔١٢ يا رب، بو قدر شي اولديي حالده گنه يراخده دورجن و سَسسز قالجن و بزه قواتلي مصيبت چکدرجن مى؟