‏۝٤ داغلردەخي فرقەنن سَسي بويوک بير ملتن سَسي کميدر۔ اونلرن سَسي ولايتلرن و ملتلرن بير يرده توپلانماسنن گورلتوسو کميدر۔ ‏۝٥ اونلر يراخ ولايتدن و سمانن تا اخرندن گليولر۔ يعني رب بوتون دونيايي محي اتمک إيچن غضبنن

سلاحندن گليو۔ ‏۝٦ ولولە ادن چونکو ربن گونو ياخندر۔ او گون بير خرابلخ کمي هر شيه قدير اولانن طرفندن گليو۔ ‏۝٧ بو سببدن بوتون اللر گِوشک اولجي و بوتون إنسانلرن يورکلري اريجي۔ ‏۝٨ و اونلر شاشجيلر و اوستلرنه اغريلر و دوغمه اغريلري گلجي و بير اروادن دوغمە اغريسي چکمەسي کمي اغري چکجيلر۔ برابرنه شاشخنلخدن باخجيلر و يوزلري يانان يوزلر کمي اولجي۔ ‏۝٩ اهجخ ربن گونو دونيايي يخمخ و گوناهکارلري اورتەسندن محي اتمک إيچن قزغنلخدن و قواتلي غضبدن و زورلخدن گليو۔ ‏۝١٠ چونکو سمانن يلدزلري و بُرجلري گندي إيشغلرني ويرميجيلر و گون دوغديي زمان قرانلخ اولجي و اي گندي إيشغني ويرميجي۔ ‏۝١١ و بن دونيايي گوناه إيچن و پيس ادملري اونلرن اطاعتسزلخلري إيچن جزالاندرجم و کبيرليلرن تکبرني محي ادجم و قواتليلرن تکبرني إيندرجم۔ ‏۝١٢ و إنسانلري صاف التندن و إنساني اوفير التندن دها ^aقيمتلي ياپجم۔ ‏۝١٣ بو إيچن سمايي تترەتجم و يري گندي يرندن صالليجم۔ يعني عسکرلرن ربنن غضبنده و قواتلي قزغخنلخ گوننده! ‏۝١٤ و قووالانمش بير جران و داغلمش بير سورو کمي اولجي۔ و هرکز دقتني گندي ملتنه ويرجي و هرکز گندي ولايتنه قاچيجي۔ ‏۝١٥ و هر کيم بولنديسه اوخدن وورلجي و هر کيم توتلديسه قلنچدن اؤلدرلجي۔ ‏۝١٦ اونلرن اوشاخلري گوزلرنن اوگنده يره أتلسن و ائولري ياغمالانسن و اونلرن اروادلري پيسلەنسن۔ ‏۝١٧ اهجخ بن گوموشي قيمتلي بلميان و التني سئوميان ماديلري اونلره قارشي تحريک ادجم۔ ‏۝١٨ و اونلرن رامحلري جهاللري پارچەليجي و بَيت رحمن ميوەسنه مرحمت اتميجيلر و اونلرن گوزلري اوشاخلره شفقت گورستميجي۔ ‏۝١٩ و بابل يعني ولايتلرن ائن گوزالي و کلدانيلرن گوزاللگي و إفتخاري سدوم و عمورە کمي اللهن طرفندن يخلجي۔ ‏۝٢٠ و سونسزه

قدر کيمسە اورده ياشيابلميجي و نسلدن نسله ياشەمخ إيچن مناسب بير ير اولميجي و عربلر اورده چادر قورميجيلر و چوبانلر سورولرني اورده ياترميجيلر۔ ‏۝٢١ لکن چؤلن وحشي حيوانلري اورده ياتجيلر و اونلرن ائولري بومەلردن دولجي و دوه قوشو اورده ياشيجي و داوولر اورده اوينيجيلر۔ ‏۝٢٢ و چاخاللر اونلرن سرايلرنده و قوردلر گوزال قلعەلرده سَسلنجيلر و بونن زماني ياخندر و گونو اوزون سورميجي۔