٤
و او گونده يدي ارواد بير ارکگە ياپشجيلر و ﴿گندي اکمگمزي يەيجک و گندي اسبابمزي گايجک بس سنن إسمن بزم اوستمزده اولسن و بزم خورلخمزي قالدر۔﴾ دايجيلر۔٢ او گونده ربن دالي گوزال و شريفلي و يرن ميوەسي إسرائيلن قورتارجيلري إيچن إفتخار و گوزاللک اولجي۔٣ کي صهيونده باقي قالانلر و أورشليمده ترک اولانلر مقدس چاغرلجيلر يعني أورشليمده حيات کتابنده يازيلانلر۔٤ ناوخت رب صهيونن قزلرنن پيسلگني يوديسه و أورشليمن قانني حکم روحندن يويجي و ياخان روحو اونن إيچندن پکليجي۔٥ رب صهيون داغنن هر مکاننه و إجتماعسنه گوندزده بلوت و دومان و گجەده الِولي ياخان اتشن پارلامەسني يراتجي چونکو اونن بوتون شريفنن اوستنە بير اؤرتو اولجي۔٦ و گوندزن سجاخ وقتنده کولگە إيچن و عاصفەده و ياغمورده ملجاء و سيغنمه يري إيچن بير کولگەلک اولجي۔