١٨
و چوخ گونلردن سونرا، ربن سوزو اوچنجي سنەسندە، إيليايە إيندي و ﴿گت و گندني أخابە گورست و بن ير اوستنە ياغمور ياغدرجم۔﴾ ددي ٢ او زمان إيليا، گندني أخابە گورستمک إيچن گتدي و سامرەدە قواتلي قتلخ واردي۔ ٣ و أخاب، ائون وکيلني، يعني عوبديايي چاغردي و عوبديا ربدن چوخ قورخيودي۔ ٤ چونکو إيزابل ربن نبيلرني محي اتديي زماندە، عوبديا يوز نبيي الدي و اونلري اللي اللي بير مغارەدە ساخلادي و اونلري اکمک و صويدن بسلەدي۔ ٥ و أخاب عوبديايە ﴿ولايتدە بوتون صوي پينارلرنە و بوتون نهرلرە گت، بلکي اوت بولاخ و اطلري و قاطري ديري قوياخ و بوتون حيوانلرمزي غايب اتمياک۔﴾ ددي ٦ او زمان گچدکلري ولايتي پايلاشديلر و أخاب بير يولدن تک گتدي و عوبديا اوتکي يولدن تک گتدي۔٧ و عوبديا يولدە اولديي زمان، اهجخ إيليا قارشسنە چيخدي و اونو بلديندە يوزو اوستنە دوشدي و اونە ﴿اغام إيليا، سن مسن؟﴾ ددي ٨ و اونە ﴿ائوت بنم، گت و اغانە سويلە کي، اهجخ إيليا۔﴾ جواب ويردي۔ ٩ او دە اونە ددي کي، ناي گوناه اتدم کي، خزمتچني اؤلدرمەسي إيچن، أخابن النە تسليم اديون۔ ١٠ رب اللهنن حياتنە يمن اديوم کي، اغام سني ارامەيە ادم يوللاماديي بير ملت و بير مملکت باقي قالمادي و اونلر ﴿بوردە ديل﴾ سويلەدخلري زمان، او مملکتە و ملتە سني بولمادخلري إيچن يمن اتدريودي۔ ١١ و شندي سن ﴿گت، اغانە سويلە کي، اهجخ إيليا۔﴾ سويليون؟ ١٢ سنن يانندن گتديم زمان، ربن روحو سني بلماديم بير يرە الاتجي و أخابە گتديمدە و خبر ويرديم زمان، سني بولماديسە بني اؤلدرجي و خزمتچن کوچکلکدن بري ربدن قورخيو۔ ١٣ إيزابل ربن نبيلرني اؤلدرديي زمان، ربن يوز نبيلرني اللي اللي بير مغارەدە ساخلاديم و اونلري اکمک و صويدن بسلەديم، يعني بنم اتديم إيش اغامە سويلنمادي مى؟ ١٤ و شندي سن ﴿گت، اغانە سويلە کي، اهجخ إيليا۔﴾ سويليون؟ او بني اؤلدرجي۔ ١٥ و إيليا اونە ﴿حضورندە دورديم عسکرلرن ربنن حياتنە يمن اديوم کي بو گون گندمي اونە گورستجم۔﴾ ددي
١٦ او زمان عوبديا أخابەيي گورميە گتدي و اونە خبر ويردي و أخاب دە إيليايي گورميە گلدي۔ ١٧ و أخاب إيليايي گورديي زمان، أخاب اونە ﴿إسرائيلي پريشان ادان، سن مسن؟﴾ ددي ١٨ و او دە ﴿بن إسرائيلي پريشان اتمادم، لکن سن و بابانن ائوي، چونکو ربن امرلرني ترک اتدنز و بعلن ارخەسندن گتدنز۔ ١٩ او زمان شندي ادم يوللا و بوتون إسرائيلي و إيزابلن سوفرەسندە ييان، دورت يوز اللي بعلن نبيلرني و دورت يوز أشيرەنن نبيلرني بنم يانمە کرمل داغنە توپلا۔﴾ ددي
٢٠ و أخاب بوتون إسرائيل اوشاخلرنە ادم گوندردي و نبيلري کرمل داغندە توپلادي۔ ٢١ و إيليا ملتە ياخلاشدي و ﴿ناي زمانە قدر، إکي فرقەنن اورتەسندە صاللانجنز؟ اگر رب، الله اولديسە، اونە اطاعت ادن و اگر بعل اللە اولديسە، اونە اطاعت ادن۔﴾ ددي، اما ملت اونن سوزنە جواب ويرمادي۔ ٢٢ او زمان إيليا ملتە ددي کي، ربن نبيلرندن تک بن باقي قالدم و بعلن نبيلري دورت يوز اللي ادمدر۔ ٢٣ شندي بزە إکي اوکوز ويرن و اونلر گنديلرنە بير اوکوز ساچسنلر و اونو پارچە پارچە اتسنلر و اودون اوستنە قويسنلر، اما التني ياخماسنلر و بن اوتکي اوکوزو حاضرليجم و اودون اوستنە قويجم و التني ياخميجم۔ ٢٤ اوندن سونرا سز گندي إلاهلرنزن إسمني چاغرن و بن ربن إسمني چاغرجم و هانسي اللە اتشدن جواب ويرديسە، او الله اولسن و بوتون ملت اونە ﴿إيى سويلەدن﴾ دديلر
٢٥ او زمان إيليا بعلن نبيلرنە ﴿گندنزە بير اوکوز ساچن و اوَل سز اونو حاضرلەين، چونکو سز چوخسنز و گندي إلاهلرنزن إسمني چاغرن، اما التني ياخماين۔ ٢٦ و اونلرە ويرلن اوکوزو الديلر و اونو حاضر اتديلر و صباحدن اويلنە قدر بعلن إسمني چاغرديلر و ﴿اي بعل، بزە جواب وير۔﴾ دديلر، اما نە سَس و نە جواب يوخدي و اونلر ياپدخلري مذبحن يانندە أتلەديلر۔ ٢٧ و اويلن زمانندە، إيليا اونلرە مسخرە اتدي و اونلرە ﴿يوکسک سسدن چاغرن، چونکو او إلاهدر، بلکي دوشُنيو يا إيشي وار يا دە زياراتدەدر يا بلکي ياتمش و اونو اوياندرمە لازم۔﴾ ددي ٢٨ و اونلر يوکسک سسدن چاغريوديلر عادتلري حسبنە، جسدلرندن قان اخانە قدر، گنديلرني قلنچلردن و مزراخلردن ياراليوديلر۔ ٢٩ اويلن زماني گچدي و اونلر اخشام قوربانني تقدم ادانە قدر، نبيلک اتديلر، اما نە سَس و نە جواب و نە دە بير دينلەين يوخدي۔
٣٠ او زمان إيليا بوتون ملتە ﴿بنە گلين﴾ ددي و بوتون ملت اونە ياخلاشدي و ربن يخلمش مذبحني ياپدي۔ ٣١ و إيليا، يعقوبُن اوشاخلرنن قبيلەلرنن صاييسي حسبندە، اون إکي طاش الدي، چونکو يعقوبە ربن سوزو إينمشدي و ﴿سنن إسمن إسرائيل اولجي۔﴾ دمشدي۔ ٣٢ و او طاشلردن ربن إسمنە بير مذبح ياپدي و مذبحن اطرافندە، إکي توخم اؤلچوسي قدر، درە قازدي۔ ٣٣ اوندن سونرا اودونو حاضرلەدي و اوکوزو پارچە پارچە اتدي و اودونلرن اوستنە قويدي و اونلرە ﴿دورت کوپ صوي، دولدرُن و اونو ياخمالي قوربانن و اودونلرن اوستنە دوکُن۔﴾ ددي ٣٤ و ﴿إکنجي دفعە ياپن۔﴾ ددي و إکنجي دفعە ياپديلر و ﴿اوچنجي دفعە ياپن۔﴾ ددي و اوچنجي دفعە ياپديلر۔ ٣٥ و مذبحن اطرافندن صوي اخدي و درە دە صويدن دولدو۔
٣٦ و اخشام قوربانني تقدم اتديي زماندە، نبي إيليا ياخلاشدي و ﴿اي إبراهيمن و إسحاقن و إسرائيلن رب اللهي، بو گون بلنسن کي، إسرائيلدە اللە سنسن و بن خزمتچنم و بوتون بو إيشلري سنن امرندن ياپدم۔ ٣٧ بنە جواب وير، يا رب، بنە جواب وير کي، سنن رب الله اولديني بو ملت بلسن و اونلرن يورکلرني دؤندران سنسن۔﴾ ددي
٣٨ او زمان ربن اتشي دوشدي و ياخمالي قورباني و اودونو و طاشلري و طُپراخي يوتدي و درەدەکي صويو دە يالادي۔ ٣٩ وبوتون ملت بونو گوردکلري زمان، يوزو اوستنە دوشديلر و ﴿او رب اللەدر، او رب اللەدر۔﴾ دديلر ٤٠ و إيليا اونلرە ﴿بعلن نبيلرني توتُن و اونلردن بير ادم بلە قورتُلماسن۔﴾ ددي، او زمان اونلري توتديلر و إيليا اونلري قيشون نهرنە إيندردي و اونلري اوردە اؤلدردي۔
٤١ و إيليا اخابە ﴿گت، يە و إيچ، چونکو قواتلي ياغمورن سَسي گليو۔﴾ ددي ٤٢ او زمان، اخاب يميە و إيچميە گتدي و إيليا کرملن داغنە چيخدي و يرە أگلدي و يوزونو ديزلرنن اورتەسنە قويدي۔ ٤٣ و خزمتچيسنە ﴿يوخاريە چيخ و دنيز طرفنە باخ۔﴾ ددي و او يوخاريە چيخدي و باخدي و ﴿بير شي يوخدر۔﴾ ددي و او اونە ﴿ يدي دفعە دها گت۔﴾ ددي ٤٤ و يدنجي دفعەدە اونە ﴿اهجخ ادم پنچەسي قدر کوچک بير بلوت دنيزدن چيخيو۔﴾ ددي و او اونە ﴿گت و اخابە سويلە کي، ياغمور سنە منع اولمادن، عرابەيي حاضر ات و اشاغيە إين۔﴾ ددي ٤٥ و بير از زمان گچدکدن سونرا، سما بلوتدن و عاصفەدن قرانلخ اولدي و قواتلي ياغمور ياغدي و اخاب عرابەيە بيندي و يزرعيلە گتدي۔ ٤٦ و ربن الي إيليانن اوستندەدي و بلني باغلادي و اخابن اوگندە يزرعيلە اولاشنە قدر قاچدي۔