٤
و صَموئيلن سوزو بوتون إسرائيلە اولاشدي و إسرائيل صواشده فلسطينيلرن ضدنه دشري چيخدي و ابن عزردە مخيم قورديلر و فلسطينيلر دە أفيقدە مخيم قورديلر۔ ٢ و فلسطينيلر إسرائيلن قارشيسندە دوزولديلر و ناوخت حرب اولدي إسرائيل فلسطينيلرن اوگندە اوتوزدي و حرب ميدانندە دورت بين قدر ادم اؤلدرلدي۔ ٣ و ناوخت ملت مخيمە گيري دؤنديلر، إسرئيلن إختيارلري ﴿نايدن رب بو گون بزي فلسطينيلرن اوگندە اوتوزدردي؟بو إيچن ربن انلاشمە تابوتني شيلودن يانمزە گترک تا بزم إيچمزە گلسن و بزي دوشمانلرمزن الندن قورتارسن﴾ دديلر ٤ بو إيچن ملت شيلويە ادم گوندردي و کروبيلردن برابر اوتوران عسکرلرن ربنن انلاشمە تابوتني گترديلر و عالينن إکي اوغلو حُفني وفينَحاس اوردە اللهن انلاشمە تابوتنن يانندەديلر۔٥ و ناوخت ربن انلاشمە تابوتني مخيمە گيردرديلر، بوتون إسرائيل قواتلي باغرديلر، بلە کي ير صارسلدي۔ ٦ و ناوخت فلسطينيلر باغرمە سسلرني دويديلر و ﴿عبرانيلرن مخيمندە بو قواتلي باغرمە سَسي نايدر؟﴾ دديلر و ربن انلاشمە تابوتنن مخيمە گلديني بلديلر۔ ٧ و فلسطينيلر قورخديلر چونکو ﴿اللە مخيمە گلدي﴾ دديلر و ﴿واي بزە چونکو بوندن اوَل بلە بير شي اولمامشدي۔ ٨ واي بزە بو قواتلي اللەلرن الندن کيم بزي قورتارجي، مصريلرە چؤلدە هر شکل ضربلر ويران اللەلر بونلردر۔ ٩ اي فلسطينيلر گندنزي قواتلاين و ارکک کمي دايانن و عبرانيلرن سزە خزمت اتديي کمي سز اونلرە خزمت اتماين، بو إيچن ارکک کمي دايانن و صواش ادن۔﴾ دديلر
١٠ بو إيچن فلسطينيلر حرب اتديلر و إسرائيل اوتوزدي و هرکز گندي مخيمە قاچدي و چوخ بويوک بير قتللخ اولدي و إسرائيلدن اوتوز بين يريەن اؤلديلر۔ ١١ و اللهن تابوتي الندي و عالينن إکي اوغلو حُفني وفينَحاس اؤلديلر۔
١٢ و بنياميندن بير کشي صواش ميدانندن قاچدي و عينا گوندە اسبابلري يرتخ و باشي طپراخلي شيلويە اولاشدي۔ ١٣ و گيرديي زماندە اهجخ عالي يولن قراغندە کرسينن اوستندە اوتوريودي و بکليودي چونکو اللهن تابوتي إيچن جاني سخليودي و ناوخت او ادم خبر ويرمک إيچن شهرە گلدي، بوتون شهر باغرديلر۔ ١٤ و ناوخت عالي باغرمخ سسني دويدي ﴿بو باغرمخ سَسي نايدر؟﴾ ددي ، سونرا او ادم چبيکدن گلدي و عاليە خبر ويردي۔ ١٥ و عالي دوخسان سکيز ياشيندەدي و گوزلري بولەنق اولمشدي و گورەميودي۔ ١٦ و او ادم عاليە ﴿صواش ميدانندن گلان بنم و بن بو گون صواشدن قاچدم﴾ ددي و عالي اونە ﴿اوغلوم ناي اولدي؟﴾ ددي ١٧ خبر گتران ادم ﴿إسرائيل فلسطينيلرن اوگندن قاچدي و ملت إيچندە قواتلي بير اوتوزمە اولدي و سنن اوغلولرن حُفني وفينَحاس دە اؤلديلر و ربن انلاشمە تابوتي الندي۔﴾ ددي ١٨ و ناوخت او ادم اللهن تابوتندن خبر ويردي عالي کرسيدن ارخەسي اوستنە قاپينن يانندە دوشدي و بوينو قرلدي و اؤلدي، چونکو إختيار و اغر بير ادمدي و إسرائيلە قرخ سنە حکم اتمشدي۔
١٩ و گلني يعني فينَحاسن اروادي يوکلودي و دوغرمە زماني ياخلاشيودي و ناوخت اللهن تابوتني و قاين باباسنن و گشسنن اؤلدي خبرني دويدي، أگلدي و دوغردي چونکو دوغرمە اغريسي توتدي۔ ٢٠ و ناوخت اؤليودي، يانندە دوران اروادلر اونە ﴿قورخما چونکو بير اوغلان دوغردن﴾ دديلر، اما او جواب ويرمادي و مهم صايمادي۔ ٢١ و اوغلانە إيخابود إسمني قويدي و ﴿إسرائيلدن شريف محي اولدي﴾ ددي ، چونکو اللهن تابوتي الندي و قاين باباسي و گشسي اؤلدي۔ ٢٢ بو إيچن ﴿إسرائيلدن شريف محي اولدي چونکو اللهن تابوتي الندي﴾ ددي