‏۝١١ اوندن سونرا ألقانه گندي ائونە رامەيە گتدي و او اوغلان دە کاهن عالينن حضورندە ربي خزمت اديودي۔

‏۝١٢ اما عالينن اوغلولري پيس ادملردي و ربي بلمازديلر۔ ‏۝١٣ و کاهنلرن عادتي ملتدن بلەدي، ناوخت بير ادم قوربان تقدم اتديندە، ات بشديي زمان کاهنن خزمتچيسي الندە اوچ ديشلي بير اوراقدن گليودي۔ ‏۝١٤ و اونو تاوايە يا قازانە يا بويوک قازانە يا حللە قازانە باتريودي و اوراقدن ناي قدر چيخديسە کاهن گندسي إيچن اونو اليودي و شيلوده إسرائيلدن اوريە گلانلرن هپسنە بلە ياپيوديلر۔ ‏۝١٥ و ياغي ياخمخدن اول کاهنن خزمتچىسي گليودي و قوربان تقدم ادان ادمە ﴿کاهن إيچن کباب اولان اتي وير چونکو بشمش اتي سندن الميو بس چي ات اليو﴾ ددي ‏۝١٦ و او ادم اونە ﴿اوَل ياغي ياخسنلر اوندن سونرا جانن إستەديي قدر ال﴾ ددي او دە ﴿لکن شندي وير يوخسە زوردن الجم﴾ ددي ‏۝١٧ بو إيچن اوغلانلرن گوناهي ربن حضورندە چوخ بويوکدي چونکو ادملر ربن قوربانني کراە اديوديلر۔

‏۝١٨ اما صموئيل ربن حضورندە خزمت اديودي و او کوچک اوغلاندي و کمرنە کتان اِفود باغلامشدي۔ ‏۝١٩ و اناسي اونن إيچن کوچک عبا ديکيودي و هر سنە گشسندن برابر قوربان تقدم اتمک إيچن گلديي زمان اونە گتريودي۔ ‏۝٢٠ و عالي ألقانەيە و اروادنە برکت ويردي و اونلرە ﴿رب سنە بو ارواتدن ربە تقدم اتديي چوجوغن يرنە، اوشاخلر ويرسن۔﴾ ددي و اوندن سونرا اونلر ائولرنە دؤنديلر۔ ‏۝٢١ و رب حنەيە مرحمت گورستدي و حنە يوکلو اولدي و اوچ اوغلان و إکي قز دوغردي و اوغلان صَموئيل دە ربن حضورندە بويودي۔

‏۝٢٢ و عالي چوخ ياشلي اولمشدي و اوغلولرنن بوتون إسرائيلە ياپدخلرني بليودي و دويودي و اهجخ نصل إجتماع چادرنن قاپيسندەخي خزمت ادان اروادلردن ياتيوديلر۔ ‏۝٢٣ بو إيچن اونلرە ﴿نيى بو شيلري ياپيونز؟چونکو بن سزن پيس ياپدخلرنزي بو ملتن هپسندن دويدم ‏۝٢٤ بلە ياپماين اوغلولرم چونکو دويديم خبر إيى ديل سز ربن ملتنن اطاعتسزلخنە سبب اوليونز۔ ‏۝٢٥ اگر بير ادم باشخە ادمە گوناە اتديسە اونە اللە حکم ادر اما اگر بير ادم ربە گوناە اتديسە اونن إيچن کيم شفاعت ادر؟﴾ ددي اما اونلر بابالرنن سوزلرني دينلەماديلر چونکو رب اونلري اؤلدرمەيي إستيودي۔ ‏۝٢٦ و اوغلان صموئيل دە بويودي و ربن و إنسانلرن حضورندە مقبول اوليودي۔

‏۝٢٧ و اللهن بير ادمي عاليە گلدي و اونە ﴿رب بلە ديو، اونلر مصردە فرعونن ائوندە اولديي زمان بن گندمي ملتمە گورستمادم مى؟﴾ ددي ‏۝٢٨ و اونو بوتون إسرائيلن قبيلەلرندن ساچمادم مى؟تا بنم کاهنم اولە و بنم مذبحمن حضورنە گلسن و بخور ياخسن و بنم حضورمدە اِفود گايسن۔ و بوتون إسرائيلن اوشاخلرنن ياخمالي تقدمەلرني سنن بابانن ائونە ويرمادم مى؟ ‏۝٢٩ بو إيچن نايدن ائومدە امر اديم قوربانلرمي و تقدمەلرمي اياخلرنزدن ازيونز و گندي اوغلولرنزي بندن زيادە احترام اديونز تا گندني بوتون ملتم إسرائيلن تقدمەلرنن إيۍسندن بسليجن۔ ‏۝٣٠ بو إيچن إسرائيلن اللهي رب ديو ﴿گرچکدن دمشدم کي سنن ائون و بابانن ائوي بنم حضورمدە سونسزە قدر يريجيلر اما شندي رب ديو کي حاشا بندن! چونکو بنە احترام ادانلرە احترام ادجم و بني خور صايانلر، خور اولجيلر۔ ‏۝٣١ اهجخ گونلر گلجي کي سنن قولن و بابانن ائونن قولنو کاسجم بلە کي سنن ائوندە إختيار بير ادم بولنماسن۔ ‏۝٣٢ ناوخت إسرائيلە إييلک اولورسە سن دارلخدە بنم ائومە باخجن و سنن ائوندە إختيار بير ادم سونسزە قدر اولميجي۔ ‏۝٣٣ گوزلرني ضعيف اتمک و جانني سخمخ إيچن سزدن بير ادمي گندي مذبحمدن کاسميجم و سنن ائونن نسلنن هپسي گنچلکدە اؤلجيلر۔ ‏۝٣٤ و إکي اوغلونن حُفني و فينَحاسن اوستنە گلان سنن إيچن بير علامت اولجي يعني إکيسي دە بير گوندە اؤلجي۔ ‏۝٣٥ و گندم إيچن بير امين کاهن قويجم کي بم يورگمن و جانمن إستەيني ياپجي و اونن إيچن ثابت بير ائو ياپجم و بنم مسيحم حضورندە دائماً يريجي۔ ‏۝٣٦ و بلە اولجي کي هر کيم سنن ائوندە قالديسە بير پارچە گوموش و اکمک إيچن سنن حضورنە گلجي و ديز چکجي و ﴿يالواريوم کي بير لقمه اکمک ييم إيچن بني کاهنلک خزمتنە قوي۔﴾ دايجي۔