٥
اُردنن غرب طرفندەکي أموريلرن بوتون قراللري و دنيزن قراغندەکي کنعانيلرن بوتون قراللري، ربن إسرائيلن اوشاخلرنن اوگندە تا بز گچديمزە قدر اُردنن صويونو قورتديني دويدخلري زمان، يورکلري أريدي و ارتخ إسرائيلن اوشاخلرنن سببندن اونلردە جان قالمادي۔٢ و او زماندە رب يشوعە ﴿گندنە طاشدن بيچاخلر ياپ و إسرائيلن اوشاخلرني بير دها سُنت ات۔﴾ ددي٣ و يشوع طاشدن بيچاخلر ياپدي و إسرائيلن اوشاخلرني قُلفە يخوشندە سُنت اتدي۔٤ و يشوعن سُنت اتمەسنن سببي بودر کي، مصردن چيخان بوتون ملتن ارککلري يعني بوتون صواش ادملري مصردن چيخدخدن سونرا، چؤلدە يول قراغندە اؤلديلر۔٥ چيخان بوتون ملت سُنتليدي، اما مصردن چيخدخدن سونرا، چؤلدە يول قراغندە دوغان بوتون ملت، سُنت اتمامشديلر۔٦ چونکو مصردن چيخان بوتون حرب ادملرن تمام اولنە قدر، إسرائيلن اوشاخلري چؤلدە قرخ سنە گزيوديلر و ربن سَسني دينلەمادکلري إيچن، رب اونلرە ﴿بزە ويرمک إيچن بابالرمزە يمن اتديي سوت و بال اخان ولايتي گورستميجِنە۔﴾ يمن اتمشدي۔٧ و اما يشوع، اونلرن يرنە تعين اتديي اوغلولري سُنت اتدي، چونکو اونلر سُنتسزدي و اونلري يولدە هيچ کيمسە سُنت اتمامشدي۔٨ و بوتون ملتن سُنت اولنماسي تمام اولدخدن سونرا، شفا الانە قدر مخيمدە گندي يرلرندە قالديلر۔٩ و رب يشوعە ﴿ بو گون مصرن عيبني اوستنزدن قالدردم۔﴾ ددي، بو إيچن او يرن إسمني بو گونە قدر جلجال قويديلر۔١٠ و إسرائيلن اوشاخلري جلجالدە مخيمن قورديلر و اين اون دوردنجي گونندە، اخشام زمانندە أريحا چؤلُندە فصح بايرامي ياپديلر۔١١ و فصحن ارتگي گونندە او ولايتن حصدلرندن خميرسز اکمکلري و قاوورلمش بوغدايي يديلر۔١٢ اونلر او ولايتن حصدلرندن يدکلري گونن ارتگي گونندە مَن کاسلدي و إسرائيلن اوشاخلرندە ارتخ مَن يوخدي و او سنەدە کنعان ولايتن حصدلرندن يديلر۔١٣ و يشوع أريحانن يانندە اولديي زماندە، گوزلرني قالدردي و اهجخ الِندە چپلاخ قلنچي اولان بير ادمي اوگندە گوردي و يشوع اونن ياننە گلدي و اونە ﴿سن بزدن مى سن، يوخسە دوشمانلرمزدن؟﴾ ددي١٤ و او ﴿بن ربن عسکرلرنن رئيسيم کي، شندي گلدم۔﴾ ددي، او زمان يوشع يوز اوستنە يرە دوشدي و تاپدي و اونە ﴿اغام بو خزمتچيسنە ناي ام اديو؟﴾ ددي١٥ ربن عسکرلرنن رئيسي يشوعە ﴿قوندرەلرني اياغندن چيخار، چونکو دوردين ير مقدسدر۔﴾ ددي و يشوع بلە ياپدي۔