‏۝٦ و نوح التي يوز ياشندە اولديي زمان صوي طوفاني دونيايە گلدي۔ ‏۝٧ نوح و اوغلولري و اروادي و گلينلري طوفانن صويندن امينلکده قالمخ إيچن باخيرەيە گيرديلر۔ ‏۝٨ و پک و پيس حيوانلردن و قوشلردن و يرن بوجکلرندن ‏۝٩ اللهن امر اتديي کمي بير چيفت ارکک و قانجخ باخيرەيە يعني نوحن ياننە گيرديلر۔

‏۝١٠ و يدي گون سونرا صوي طوفاني دونيايي دولدردي ‏۝١١ و نوحن ياشەماسنن التي يوزُنجي سنەسندە و إکنجي اين اون يدنجي گونندە بوتون صوي قايناخلري چاتلادي و سمانن طاغەلري اچلدي۔ ‏۝١٢ و ياغمور قرخ گون و قرخ گجه دونيايە ياغدي۔ ‏۝١٣ و او گون نوح و اوغلولري يعني سام و حام و يافث و اروادي و اوچ گلني برابر باخيرەيە گيرديلر۔ ‏۝١٤ اونلر و هر شکل وحشي حيوانلر و هر شکل دورت اياخلي حيوانلر و هر شکل يردە سورونن بوجکلر و هر شکل قوشلر و سمانن قوشلري و بوتون قنادلي قوشلر باخيرەيە گيرديلر۔ ‏۝١٥ و إيچندە حيات روحو اولان بوتون جانليلردن بير چيفت نوحن ياننە يعني باخيرەيە گيرديلر۔ ‏۝١٦ و هر جانليلردن ارکک و قانجخ گلدي يعني ربن امر اتديي کمي اولدي و اللە قاپيي اونلرن ارخەسندن کيتلەدي۔

‏۝١٧ دونيايە قرخ گون طوفان گلدي و صوي چوخالدي و باخيرە يردن قالخدي۔ ‏۝١٨ صويلر چوخالدي و دونيايي الدي و باخيرە صوين اوستندە گديودي۔ ‏۝١٩ و صويلر دونيادە چوخالدي و دها زيادە اولدي و بوتون سمانن التندەخي اوجە داغلر صوين التندە قالدي۔ ‏۝٢٠ و صوي داغلردن يدي متر دها اوجە اولدي و اونلر صوين التندە قالديلر۔ ‏۝٢١ و بوتون يِريان جانليلر و قوشلر و حيوانلر و يردە سورونن بوجکلر و إنسانلر محي اولديلر۔ ‏۝٢٢ و دونيادەخي بوتون حيات نفسندن ياشيان جانليلر اؤلديلر ‏۝٢٣ و اللە دونيادەخي بوتون جانليلري و إنسانلري و حيوانلري و بوجکلري و سمانن قوشلرني محي اتدي۔ بس نوح و اوندن برابر باخيرەيە گيرانلر قالديلر۔ ‏۝٢٤ و صوي يوز اللي گون بوتون دونيايي دولدردي۔